移民潮高企，不少港人考慮移民英國時都擔心生計會受影響，日前有網民在社交平台發文求助，稱「係 (喺) 香港聽聞依家英國周圍都好缺勞工，話搵工好容易，不過係(喺) 度又見到有師兄/師姐話並唔係太容易搵工，想聽吓多啲响英國港人嘅意見」。帖文引起其他移英港人留言，更大方分享不少「搵工」心得！
帖文引起不少移英港人留言，分享自身經歷，認為在英國從事勞動工作（俗稱︰「藍領」）會較為容易找到相關工作，「其實我有諗過係香港考埋嗰重型貨車同巴士車牌先過嚟，過得嚟英國我都預咗會搵藍領嘅工種同埋最緊要係融入英國」、「其實好多warehouse（倉庫） 都嚴重缺人，只係好多人覺得交通不便，我自己住Sheffield S12，剛剛在Wilko Warehouse做咗一個星期，無車所以每日交通時間來回都要成三個鐘，不過我心態係做住先，累積喺英國既工作記錄及經驗先。而且時薪有£12.6/hour，比其他算係高」、「似乎係... 白領係好很難，藍領就好很易；中高層又難，低層就比較易...同樣低層，白領又要一段時間收CV又排期見工又揀人,，藍領望兩望就試工然後請」。
不過，亦有從事非體力勞動工作（俗稱︰「白領」）的移英港人表示，最重要都是履歷表以及對工作熟悉程度，「我係office工，我只可以講各有各難，老實講我眼見嘅例子，亦唔覺得office工/藍領好難。其實一切係睇你幾有準備，CV 英文 對份工嘅認識 你有幾肯做」。
大多網民留言鼓勵事主指出，英國「搵工」並沒有想像中困難，只要時刻裝備自己，定能找到合適的工作，「搵工睇自己條件、工種選擇、準備同際遇。有人搵工好耐都搵唔到，有人短時間已經轉咗幾份工。各有因素。總之自己繼續努力，調節心態」、「搵工唔太難，但package 冇香港咁好，過得黎一定要調整心態。 不過搵工容易與否好個人，同background，行業跟運氣掛勾」、「搵工唔係想像中咁難，但要調整心態，就算做寫字樓工都唔會好似香港甘高人工，不過又唔會好似香港甘做到隻狗，我黎左年幾，首先係倉體驗左三個月大約10磅，跟著轉左入門文職工作都係10磅，做左一年加到11磅，而家準備轉第二份文職大約12磅左右，假期多少少，甘既文職人工薪金遠遠唔及專業藍領」。
資料來源︰Facebook@英國香港人生活交流區
↓ 社群地圖企劃！立即入APP參加！↓
↓精選50間咖啡店（附評分）！即睇詳細介紹↓
utravel
發表回應