日本作為不少港人第二個家鄉，一直以來以百看不厭的景色，以及「食過返尋味」的美食，令不少港人都會一年飛幾次日本！不過每個人旅行目標和期望均不同，有些人可能會覺得某些經常被吹捧的景點很伏！有網民日前在討論區列出4大日本中伏景點，大家又同唔同意？
同場加映: 【旅人指南針】開箱最新酒店The Standard 最高Rooftop Bar+離地314米玻璃步行道/摩登玩味設計
有網民日前以「日本最令人失望景點，以佢嘅包裝SELL吓香港嘅景點嘅話」為題在連登討論區發文分享，日本景點「十個裡面總有三四個係虛有其表，浪得虛名」，拍照時加入濾鏡看似吸引，實質上只是「啲！咔嚓。拜拜」，毫無吸引之處，更點名以下4大景點為最伏景點！
1. 大阪城公園
大阪城公園是大阪首屈一指的地標，亦是日本三大名城之一，該名網民表示，「大阪城公園影到座城池好宏偉，但上到去原來只係石屎建築」。
2. 金鱗湖
位於日本由布院，超夢幻的溫泉湖泊美景令不少人慕名而來。不過，該名網民表示，「金鱗湖去到，原來只係一個池」。有網民表示去金鱗湖需要事先做好功課，選定合適時間前往，「金鄰湖要係有紅葉嘅時間去先靚 如果唔係就好普通」，「金鱗湖 SELLING POINT係暖水+可能有霧，好似D人抽蛋咁，抽中有霧咪開心」。
3. 天橋立
被譽為日本國內最美三個景點之一的天橋立，是一段長約3.6公里自然形成的沙洲。但該名網民表示「揸車山場水遠去到，原來不外如是」。
4. 忍野八海
位於河口湖附近的忍野八海擁有優美的湖景，更能眺望富士山，是東京近郊最受歡迎的景點之一。該名網民本帶著期待心情前往當地，加上景點距離市中心有一定的車程時間，令他更為期待，豈料到埗後發現景點大不如前，令他十分失望。
該名網民續稱，經常會有「百選，三大，嚴選」的噱頭，且「度度溫泉都話自己係三大名泉」，根本只是將景點包裝得過分美好，誇大其詞！帖文一出，有網民十分同意，稱「真心日本好多景點都吹大咗，好多都圖片與實物不符，Filter得太勁」，亦有網民解釋指，「其實日本有好多景點一定要某個季節或者某啲時間（清晨，黃昏，某一日嘅日落）去就會好靚，其他時間就好普通。但係啲人好多時抱住反正嚟到附近不如去埋嘅心態去睇， 就會覺得好廢」。
受日本景點噱頭所啟發，一眾網民紛紛發揮創意為一些港人常去的地方重新包裝成旅遊熱點，例如︰「深水埗 - 下町風情」、「葵涌廣場 - 平民美食激戰區」、「太平山 獅子山 飛鵝山 - 香港三大名山」、「城門河 - 香港名川」、「太古城 又一城 麗港城 愉景新城 日出康城 新都城 沙田第一城 大埔超級城 - 香港8大名城」，十分盞鬼！
資料來源︰連登討論區
↓ 社群地圖企劃！立即入APP參加！↓
↓精選50間咖啡店（附評分）！即睇詳細介紹↓
utravel
發表回應