黑門市場向來都很受各地旅客歡迎，基本上每個旅客首次去大阪都會必到這裡。而由於疫症影響，幾乎有2年半的時間不能遊日，究竟以往擠滿旅客的黑門市場現時變成點？即睇記者直擊話你知。
自從日本於10月11日正式開關，不少旅客已經急不及待去到日本旅行。因此到訪當日，仍然可見是旅客為主，但人群當然不及以前那麼多。人流變少，但老店依舊存在，縱使未知他們是如何度過疫症寒冬，但當日所見店員依然精神滿滿，落力叫賣貨品，有些則落力幫客人準備食物，拿起火槍烹調，魅力十足。
在黑門市場，仍然會見到好多刺身、河豚，和牛，以及專賣吞拿魚的店。另外，還有一些店舖售賣激安壽司，刺身，每盒都大大份，大件夾抵食。除此之外，亦有賣熟食的，有專賣日式家庭料理、和菓子及零食的店，街頭還有一間日式超市，賣很多日本生果，價錢相當宜人。不過，講到最多人光顧必然是即叫即燒的海鮮店。
當日記者即場叫了一隻即燒帆立貝，一叫完，店員便即刻放落網燒，期間更出動了火槍煮熟食物，不到5分鐘便可以上碟。即燒帆立貝食落口勁厚肉，醬油混合了淡淡海水味，非常鮮甜。而且一隻只需300日圓(約港幣$16)，如果買2隻更加平。
另外，記者還去了非常出名的「吞拿魚黑銀」，未到午市時間已見到店主非常忙碌地應付點餐，不時走到雪櫃打開一包包新的拖羅。而店內的NO.1有齊中拖、赤身及吞拿魚蓉丼，定價為1500日圓 (約港幣$80)。雖然丼飯看似迷你型，但入面各有兩大塊中拖、赤身及吞拿魚蓉，所以對於想繼續掃街的遊客，反而份量剛剛好。而在「吞拿魚黑銀」旁邊的「甲羅組」同樣都好受歡迎，那裡可以同時吃燒海鮮及刺身丼。
走完了黑門市場一轉，發現很多店舖依舊，幸好老店沒有疫症而捱不住而倒閉。唯一改變是人流變少，但當日仍然遇到了不少香港人，幾乎每行幾步就會聽到廣東話。隨住日本航班增加，相信會有更多港人急不及待「回鄉」，到時黑門市場必定再次興旺起來。
↓ 社群地圖企劃！立即入APP參加！↓
↓立即睇打卡熱點／地道隱世美食／必買手信等！↓
utravel
發表回應