不少旅客搭飛機都會選擇閉目養神，但若然碰到幼兒乘客，相信並不是一件易事！最近一名香港網民（下稱︰事主）在網上討論區分享「苦況」，指自己在飛往日本的航班上全程聽到嬰兒的哭鬧聲，而嬰兒的父母則全程在討論行程，令他十分困擾，只好發文怒斥「X你」！
【快閃旅行團】記者大阪直擊心齋橋最新行街實況！藥妝店變成咁！2類新店進駐
事主日前以「帶兩歲以下嘅BB去旅行都唔知咩X嘢心態」為題，在連登討論區發文大呻，自己在飛往日本的機程上，不幸遇上嬰兒「由上機喊到落機」，而嬰兒的父母則全程在討論行程，任由一旁的嬰兒大哭大鬧，絲毫沒有安撫嬰兒的舉動。事主本以為捱過數小時的機程，便能享受耳根清靜，豈料到埗日本時竟發現大家乘坐同一輛巴士前往長野，令他大怒「X佢個X」！
帖文一出，隨即引起網民熱烈討論，網民意見兩極，有網民對於事主的遭遇受表同情，「帶唔緊要呀，管好啲自己個B啦，成村人買機票聽你個B喊呀」、「好怕有BB同一班機，只可以話你黑仔」、「我都唔明白點解可以由得佢喊，大前題仰又唔呵吓，安慰吓，氹吓佢，對父母見到個仔喊成咁唔傷心㗎咩，你話佢曳，俾人鬧俾人打就話喊姐」。
甚至，有網民及家長認為家長不應該帶同嬰兒一起去旅行，「控制唔到就唔好帶出去搞X人地啦好心，自己控制唔到自己小朋友仲好意思理直氣壯，其次如果我係父母，我絕對會因為影響到其他人而覺得唔好意思囉」、「其實我覺得喺細路對世界有基本認識之前，家長都唔應該帶佢哋去旅行，特別係以睇景點睇風景為目的既旅行。仲記得我小學同屋企人跟團去歐洲嗰時，日日淨係關心幾時食飯幾時搭車幾時返酒店，導遊講既嘢聽唔明，去過既景點又冇印象」、「我自己都為人父母，講真我自己都覺4歲以下真係唔應該去長途旅行，根本enjoy唔到又多風險」。
相反，有部分網民斥事主沒有同理心及欠公允，「帶2歲半又ok?最好就18歲以上先好出門口啦，咁咪唔會影響人囉，年紀太大都唔好出門口啦，行得慢又會阻住人」、「要靜就搭私人飛機啦窮X」、「唔係覺得嘈冇問題，問題係你係控制唔到一個小朋友尤其是兩歲以下。其次就係如果你係父母，你係唔會因為驚嘈到人而唔去旅行的」、「即係有兩歲以下BB 嘅唔應該出門口？ 咪講搭飛機，搭火車，搭巴士，去多人嘅地方都有機會嘈住人架啦。而父母唔係想控制就真係控制到個BB 唔喊」、「睬你都onX啦，你識叫人就你，你又識唔識體諒返對父先？ 你話人地飛機上面大聲開喇叭打機就話屌X佢o者，BB你點撚樣控制呀？ 你有冇腦架」。
資料來源︰連登討論區
↓立即睇打卡熱點／地道隱世美食／必買手信等！↓
↓ 立即分享影片 贏走拍片神器！↓
utravel
發表回應