一名港男因被女友嫌棄不夠浪漫,所以決定為對方製造驚喜,更為她預訂了五星酒店的米芝蓮餐廳。原本以為如此「揼本」,必定可以搏回女友歡笑,但未知驚喜是否開得太大,結果被女友嫌失禮、丟架!
港男在連登討論區以「女朋友話我哋喺四季 Caprice 慶祝重陽節 好失禮佢」為題,發文分享了是次經歷。因為女友投訴不夠浪漫、不夠投入感情,甚至生日蛋糕連生日牌都無,大時大節又不會慶祝,攘言港男完全無驚喜。有見及此,港男決定落重本,預訂了四季酒店的米芝蓮餐廳Caprice。初時女友都很開心,不過,只直到上甜品為止。女友望住待應呈上無花果撻,滿心歡喜,還問「今日係咩日子?Did I forget everything?」當時港男心諗「今次驚喜實無死。」
誰知待應放低甜品後,講了一句「重陽節快樂,Enjoy!」女友瞬間黑臉,用餐完畢至回家期間都沒甚麼出聲。其後,港男突然收到女友短訊,「話覺得今日係Caprice搞埋啲重陽節快樂,好失禮佢,丟晒佢架!」港男感嘆女人又話要驚喜,現在給驚喜,又嫌三嫌四,很難捉摸。而他在文末放了一張示意圖,可見甜品碟上真的寫下了一句「重陽節快樂」!
不過未知港男是真無知還是假無知,事後回應網民留言:「我又book貴餐廳 又有驚喜 點解佢仲唔滿意 」、「明明侍應都陰陰嘴笑 但條女就黑晒面」、「點解而家啲女人咁冇humour sense」、「可唔可以話我知佢到底諗緊乜」,似乎他真的很喜歡自己製造的驚喜,完全覺得無問題。如果大家是女友,又會有何想法?
點擊圖片放大
資料來源:連登討論區
↓ 【您去玩我找數】勁送$1000旅行資助金💰↓↓
↓ 領取資助金,用$0去玩不是夢~↓
↓ 領取資助金,用$0去玩不是夢~↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓