泰國於10月1日起結束新冠肺炎全國緊急狀態令，所有入境人士毋須提供疫苗接種紀錄，加上港府放寬入境檢疫措施，不少港人已經購入機票到泰國旅行。曼谷夜生活多姿多彩，今次快閃旅行團派出記者直擊2大曼谷夜市Jodd Fairs及The One Ratchada，率先為大家搜羅10大掃街美食，即刻入內文睇詳情啦！
Jodd Fairs
曼谷拉查達火車夜市一直是必到景點之一，上年8月底因受不住疫情影響宣布結業。上年年尾已經另覓新地另起爐灶，化身全新夜市Jodd Fairs。夜市鄰近地鐵Phra Ram 9站，只需步行數分鐘即可到達夜市。開業大半年，已經吸引不少遊客幕名而來。
商店的帳篷用上白色遮罩，有多棵棕櫚樹。場內分為乾、濕貨兩大區域，又特別增設造型精緻的美食車和休憩區，方便食客進食和攤唞。
1. 椰子煎餅
店家十分有心意，每塊煎餅都是客人落單後即場炮製，先將椰醬放入燒得滾滾的鐵煲中，再適時卷起煎餅，熱辣辣出爐奉上給客人。煎餅外脆內軟，淡淡的椰子香充斥口腔，絕對是必食之選。
2. 章魚餅
夜市其中一個熱門小食是特大章魚餅，同樣即叫即整，將原隻章魚放入夾爐，除了滿足感十足，同時是打卡之選！因為是人氣小食檔，記者當日等候取餅時間為20分鐘，建議有興趣的朋友可以先排隊購買，再去附近閒逛。
3. 火山排骨
火車夜市名物火山排骨仍然有開檔，火山排骨有不同分量任君選擇，若果人數夠多，不妨挑戰XXL，即有半個人高度的巨型排骨。排骨味道繼續保持水準，燜到軟腍入味，加上青辣椒醬汁，非常惹味。
4. 西瓜刨冰
火車夜市最出名攤檔之一西瓜刨冰妹繼續進駐夜市，西瓜刨冰妹美貌依舊，旅客紛紛付費打卡。
5. 特濃朱古力特飲
店內有不同濃度的朱古力特飲，店員會依據濃度即席淋上特濃可可醬，並加入少量牛奶，客人又可自由選擇加入喜歡的配料。不少人誤會朱古力特飲味道會又甜又膩，其實不然。特飲可可味尤其突出，帶點甘之餘，牛奶亦中和了苦澀味，一定不能錯過。
除了以上小食推介，乾貨區有大量衫舖和精品店。記者最推介這間鄰近休憩區的古著店，店內有大量由不同舊衫拼成的恤衫，男女裝都別具特色，出街都不怕撞衫。每件古著價格相宜，折合約港幣5、60元。
Jodd Fairs
地址：Rama IX Rd, Huai Khwang, Bangkok 10310
營業時間：4pm-12am
前往方法：坐地鐵到Mrt Phra Ram9站，再徒步走5分鐘便可到達
如有需要，更可在KKday報名夜市導遊徒步之旅，就不怕錯過任何人氣攤檔！
The One Ratchada
火車夜市結業後，原址在今年9月重新開幕，取名為The One Ratchada。全新夜市屏棄以前最著名的彩色帳篷，改為白色帳幕，又加入棕櫚樹等裝飾，大玩小清新風格，兼且走廊比舊夜市闊落，整體感覺都比以前更加舒服。場地兩邊有貨櫃餐廳和酒吧，同樣有多間小食店同精品店進駐。
1. 彩虹可麗餅
這間粉紅色的可麗餅專門店絕對是少女必到店舖，店內有超級IG-able的彩虹可麗餅，成品超夢幻。客人又可以自由選擇口味和配料，不過彩虹餅底偏甜，建議選擇甜品口味。
2. 燒水母
另一特色推介有燒水母，有大碗或細碗選擇，加上秘製酸辣汁和爽脆口感，不經意就食完一碗。
3. 斑蘭窩夫
斑蘭窩夫猶如香港雞蛋仔一樣外脆內軟，有斑蘭香之餘，口感亦相對煙韌。
4. 生醃海鮮
店舖有多款海鮮選擇，醬油蝦、蟹等等，質素還可以，食落都有鮮味。
5. 美碌特飲
泰國人特別喜歡甜，美碌亦是必試飲料之一，除了用傳統美碌粉沖出飲品，飲品上面又加上美碌朱古力和美碌粉，比較美碌恐龍更邪惡！
夜市乾貨區以女性店舖為主，有特色衫舖和美甲店，款式相對年輕。另外，或者因為夜市開業不久，人流比Jodd Fairs少，在夜市周圍閒逛亦比較舒服。
The One Ratchada
地址：QH89+RF8, Khwaeng Din Daeng, Din Daeng
營業時間：5pm-1am
前往方法：MRT地鐵Thailand Culture center泰國文化中心站走3號或4號出口之間
鳴謝：泰國政府旅遊局（香港）、國泰航空
↓立即睇打卡熱點／地道隱世美食／必買手信等！↓
↓精選50間咖啡店（附評分）！即睇詳細介紹↓
utravel
發表回應