隨著日本放寬入境限制，日圓亦跌穿$5.5低位，相信大家已經準備就緒「返鄉下」。早前，有網民在香港討論區分別以「一人一個港人去旅行失禮嘅表現」及「一人一個港人去旅行垃圾行為」為題發文，結果帖文引起大量網民熱烈討論。小編為大家整合出5大遊日港人常做的失禮行為，或許下次遊日不妨注意一下！
1. 行李箱阻住其他人
不少香港人「返鄉下」都會攜帶超巨型行李箱，方便將戰利品帶回香港。然而，大家要小心行李箱會否阻住其他人，有網民分享「拖著個喼一落凌晨機就行築地，食壽司排隊啲喼塞著條路，人地staff 提佢，幫佢推埋少少起度嗌︰don't touch」，「喺大阪食拉麵，有一家人拖住幾個喼迫咗入嚟，一入到嚟就擺哂啲喼喺門口阻住哂」！下次遊日時，不妨先將行李暫寄到酒店或者貯物櫃，不然，留意行李箱會否阻礙到其他人及阻塞道路！
同場加映： 【旅人指南針】居港8年日本人眼中的香港文化！去街市、搭小巴原來係挑戰！
2. 貪小便宜
為了吸引顧客購買，日本超市有時候會設有試食，有網民分享「有次喺日本超市有啲試食，有個女人同佢班朋友左右開餐，三兩下手勢就食咗人地成盤嘢」，甚至「日本草津溫泉某酒店大堂有部咖啡機同茶機比人用紙杯斟嚟飲，有個香港大媽攞左自己個水樽一野斟曬人地啲咖啡走，仲叫佢個仔攞埋佢個水樽黎斟埋啲茶佢」。雖然試食或酒店的飲品都是免費提供，但大家不要千萬不要過分貪小便宜，影響其他人享用！
3. 不尊重日本飲食禮儀
日本美食選擇多，有不少香港人遊日時都會一嘗日本的傳統料理，所以香港人較少進入有中文字的餐廳，認為「伏味濃」，更有港人訂位後不出現！有網民更指責港人完全無視日本飲食禮儀，「試過食高級壽喜燒，唔跟次序，叫到成枱都係，好似食放題咁，又叫人啲牛肉唔好煮太熟」、「上次去鳥取食和牛應該都果間強小亭多香港人，一家大細果檯真係失禮。係到叫人快啲上下一味，話趕住返境港站出邊間酒店浸溫泉」。既然希望品嚐日本料理，應理跟隨日本烹調方式，以及上菜的速度，否則只會既影響美食的體驗，又影響自己形象，得不償失！
4. 為打卡無視一切
日本作為美景大國，隨處都是打卡好地方，有網民分享「港女係日本搖X人地啲櫻花，條仔重話佢好qq」，「一係就無啦啦係條街中間行行下停左要一字排開影相」。的確日本的美景會令人只顧打卡，但大家不要破壞公物及影響任何人！
5. 大聲說廣東話
香港人可能身處較嘈吵的地區，自然聲量都會較大，但有網民指這種的習慣嚴重破壞日本寧靜舒服的感覺！「另一單就係東京地鐵，有個港媽帶住個仔大大聲係度教仔，以為冇人識聽」、「大阪係難波搭南海線去機場，同車廂入面有一家人，個妹同家姐係車到尖叫 老豆老母完全唔X理」、「有次去有馬浸完溫泉，搭巴士出番市區，果程車其實係12-13個人左右，其中一group香港人（目測60歲左右）男女共4-5人，一上車就嘈到落車」、「係條好靜既日本大街上大大聲同個朋友/團友講"係呢度呀"」，更有網民指，有港人可能過分激動，連「粗口」都有「係日本激安，聽住隔離個行大嗌：買啦！X你老母！咁X平！買啦！X你老母」。
資料來源︰連登討論區@一人一個香港人去旅行失禮嘅表現，連登討論區@一人一個香港人去旅行垃圾行為
↓ 社群地圖企劃！立即入APP參加！↓
↓立即睇打卡熱點／地道隱世美食／必買手信等！↓
utravel
發表回應