求婚是人生大事，不少準新郎都會邀請女方好友一同見證，分享喜悅與感動。不過近日，一名幫忙求婚的女方朋友卻幫到滿肚子氣，在討論區力數準新郎多個「度縮」行為，指佈置、求婚花束準備不足也算，沒想過叫朋友幫忙求婚原來是想幫手夾錢！吓！
一名港女以「求婚都要計到盡，叫班朋友幫手原來係想幫手夾錢」為題，分享在大約2個月前，收到準新郎私底下問他們是否有空幫忙求婚，而港女心想見證好友人生大事，再無時間也要去。最後，共4名女方好友，以及男方2位朋友幫忙求婚。
求婚當日，港女上到酒店房已經覺得「好細間」，當時心諗可能打算求完婚便散band，二人之後繼續Staycation，所以沒有多為意。而之前，曾有問準新郎要否幫手買求婚道具，而當時他指會自己全部準備好，不用朋友出錢，只需幫手佈置到「靚靚」便可以。不過，港女發現求婚氣球都是淘寶買回來，但這並非重點，重點是他沒有買吹氣球的氣泵，讓一班朋友要用條飲管仔吹。
吹完氣球後，發現準新郎買的花並不是買真花，而是一束假花！當時港女心諗「唔買真花，你買乾花都好呀，買膠花係咩意思？」總結，準新郎哥買回來的佈置只有8個字母氣球、5個普通氣球與一束假花，連在深水埗可以平平地買到的燈飾也沒有，只靠酒店房燈勉強營造浪漫氣氛。
最終，準新郎求婚成功，而正當大家都好感動地走，讓準新人繼續在房內甜蜜時，突然收到一個來自準新郎的訊息，他竟然叫大家夾返買氣球、膠花、酒店的房錢，並列明每人要夾幾多錢！港女從沒想過求婚是他求的，酒店房錢都算，就當他們一班朋友留在房間的時間較長，但氣球或其他佈置都是淘寶買回來，連運費都是50元左右！叫朋友幫手佈置之外還要幫手夾錢，感嘆這樣求婚真的「好肉酸」！
不少網民看完分享後，都表示該名準新郎要不得，「孤寒到咁，呢啲稀有動物，唔好結婚啦！」、「其實條仔飛得，仲結咩婚？窮唔緊要，唔識做人之餘仲計算人，吝嗇鬼，算死草，執到喊三聲」，有網民擔心他可能是那些「去廁所用咗幾多格廁紙可能都要計清計楚」，叫港女「Cap張圖片比姊妹睇吓，咪能結婚住，日後可能樣樣計到足。」讓準新娘在未結婚前認清事實，早日回頭是岸。
資料來源：香港討論區
↓ 生蠔 (廚師發辦) + Prosecco氣泡酒！ ↓
↓精選50間咖啡店（附評分）！即睇詳細介紹↓
utravel
發表回應