X，香港人嚟既
「呀媽，個邊有香印青提買呀！」
「係播呀仔，快d過去試下。」
呢個時間，大阪黑門市場既街頭上有好多個頭同時間望住呢家人，
大家雖然無出聲，但肯肯定心裡都有句OS，
「喂X，香港人嚟既。」
【延伸閱讀：港人訂日本旅館、料理後No Show 留假地址掛電話「走數」】
【延伸閱讀：空姐千字文論港客，FB兩千個讚好 網友：作為香港人都好怕全機港客】
香港人去旅行，最鐘意就扮大支野，
明明平時翻工就鵪鶉咁款，
可能以為俾左錢就做皇帝，由上機個刻，
就覺得自己係一個有錢人，
係你有錢好把閉，但請麻煩有品。
香港人最叻就係唔執輸，
行要行最快，野飲要拎最多，野食都要兩個。
個d upgrade客，好似前世無飲過cappuccino同綠茶，
杯杯都打孖黎飲，拎住個menu，
唔識讀個英文字，就 '' I want this one this one and this one''，
可以勁厚顏無恥咁大聲話，
「我要試哂menu上所有飲品！」
講真，你有咁多把口咩？
識兩句英文既，第一句一定係
「One more?!」
我肯肯定見過有個男人，一開波就要兩個餐，
仲要打包埋人地拎來飲果汁既膠杯仔，
「老婆呀，呢隻杯真係好好嫁，拎多幾隻落左機有得用。」
都係個句，只要唔執輸就可以，
飲要飲到盡，食要食到盡，拎都要拎到盡。
「仲有呀，大家記住食啲杯麵呀，真係好好好好好食嫁！」
其實，你前世無食過杯麵嗎？
以為落左地，可以俾我抖下，
X，又係香港人。
其實，好容易就睇得出，邊個係香港人，
去日本呢，就係個啲著住對New Balance，
背住個牛龜咁大既Nike爬山背囊，
然後拎住啲野食，一路行一路食，
十居其九都係香港人，香港人掃慣街麻。
如果個個人係條街大大聲講野，
肯肯定個個一定係香港人。
「咁老遠都撞到香港人。」
香港人鐘意去旅行既時候走入忘我境界，
以為廣東話無人明，以為行街shopping無人應得出，
於是又會做好多匪夷所思既行為，令人好難理解。
明明日本個車廂好靜，
每次我聽到人大聲講野既，都係香港人，
係車廂拎住啲野食到好大聲既，又係香港人，
拎住10鳩幾袋戰利品，去Starbucks到霸哂人地啲位野，亦係香港人。
仲有，煩請你地打電話真係唔好係車廂入面打，
真係大聲到隔離車廂都聽到。
香港人以為自己講廣東話就無人明，
香港人覺得自己識兩句英文就好叻，好高尚，
Please，你啲英文真係fluent至好講，唔好唔咸唔淡就講，笑死人。
我聽過無數次香港人對其他人評頭品足，
又話人地著衫唔好睇，
又習慣大大聲係食野既地方，評論啲野食好唔好食。
又見過個啲去grad trip既小朋友，
當左自己去日本玩ocamp，
X，尊重下人尊重下自己好唔好？
香港人去旅行，其實同蝗蟲又有乜分別？
圖中影既下，全部都識講廣東話...
原文刊載自 貪玩空少安德魯 Facebook專頁
本篇圖文獲作者授權刊登，未經許可，請勿轉載。
【延伸閱讀】
1. 「比少少錢當自己大帝」 網友：廉航突顯了香港人最Cheap的一面
2. 「一致讚成香港人好麻煩」 ViuTV空姐大爆港客機上3大態度
↓ 社群地圖企劃！立即入APP參加！↓
↓立即睇打卡熱點／地道隱世美食／必買手信等！↓
utravel
發表回應