香港客,真係最黑人憎
我知,你買左機票,
就覺得成架機你大哂,
空少空姐係你既奴才,
你頭頂上個行李櫃印左你個名,
就算你唔擺野,都唔可以俾人擺行李。
「喂,你過黎抬件行李上行李櫃!」
我眼前見到既,就係有兩件行李放左係條aisle,
心諗,「你唔撚想係我做你工人幫你擺麻?」
呀叔,你有手有腳,我話撚知你係尊貴既客戶,
我幫你抬行李,整親無工傷陪,
當然,最後我要佢自己抬翻。
「你呀,叫啲人呀唔好擺野落我個行李櫃呀,個行李櫃係我嫁!」
屌,又係呢啲自以為買左張機票,就買埋個行李櫃既人,其實機上既行李櫃係share嫁囉好無?
香港人麻,就唔好講到自己好清高。
講到好多野都無所謂,
其實就乜野都有所謂,
我認,我自己都係香港人。
但,麻煩唔好因啲芝麻小事都要麻煩人一餐。
「點解人地有blanket ,我就無?」
派曬咪無囉。
「點解你拎張blanket可以咁慢?」
我唔使去搵俾你既?
「點解人地有兩個餐食我無?」
因為人地態度好,我又唔介意offer。
一句講到尾,你貪心,死都唔想執輸,
但又要講到自己係「只係想問下」。
香港人,我自己都係香港人,
你估我唔知你諗乜咩。
咁我又想問你地,
點解唔checkin你d手信?
唔好俾我估中,因為你超買囉,
買過左個行李重量,於是咪偷偷地拎上機既行李都係超重嫁!
你試下拎個磅,肯肯定個個超重,
係啲地勤隻眼開隻眼閉放過你地,
於是,難為既就係我地推個個n咁重既行李櫃。
Delay,又關我地空姐空少事,
「點解你地咁廢,點解你地要delay」
喂,我都想知點解要delay,
咪不外乎,空管、無機、天氣壞....
你屌我都無用嫁,咪依舊要delay,
我夠唔想係機上對住你地嫁...
到個飛機餐唔好食,又話你地做乜提供既野咁難食,
「都話你地d質素下降嫁啦。」
其實整你食既餐個個,唔係我地,
我地只係負責整熱個餐同送個餐俾你,
個餐好唔好食,關我鬼事。
萬一d餐唔夠choice,慘了,我地既死罪黎啦。
「小姐,唔好意思呀,
今日我地d雞肉飯無哂啦,我地既牛肉薯仔或者茄汁意粉都好好食嫁!」
「下,我牛敏感同茄汁敏感,我只可以食雞嫁渣,我一定要雞」
個刻,我個腦真係立即淨現你個樣係
「雞,全部都係雞」
係囉可,平時又唔見牛敏感同茄汁敏感,
你又突然間乜柒都敏感既可?
有時候我真係諗唔明,
搭個三四個鐘飛機,
真係睇套戲都就land,去東京去韓國都食到飽死啦,
點解為左個個你地所謂既「爛鬼飛機餐」要去為難人呢?
有時遇上一啲賤格上司,仲會release埋我地自己既餐黎俾客,
大佬,無就係無,飛機上唔係可以立即切隻雞俾你整雞飯既地方。
慘得過,一擰轉面同大陸人講無choice,
佢地立即答個「沒事兒!」完勝,
你話呢刻真係邊個仆街呀拿?
有時候,我真係寧願對住10個拎住個樽叫我裝熱水既大陸大媽,
好過對住一個因爲無choice而亂吠既香港人,
係呀,我知我係serve餐個個,no say麻。
#空少飛機文
#講明我好自豪自己係香港人
#如果打擊你既玻璃文唔好意思
#係呀我serve死一世coffeetea
#無病呻吟
原文刊載自 貪玩空少安德魯 Facebook專頁
本篇圖文獲作者授權刊登,未經許可,請勿轉載。
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓