今次同大家介紹嘅係悉尼必去魚市場 Sydney Fish Market。
唔知大家記唔記得上一篇小編介紹喺悉尼同墨爾本必食嘅Burger同多國特色美食呢?唔記得就去呢度重溫番先喇~
每日新鮮漁獲
魚市場場內有多間店鋪,而佢地各間鋪都會賣好多嘅海鮮。魚蝦蟹應有盡有,上圖比大家睇嘅係新鮮蟹同海膽,海膽仲識郁架!如果有興趣,可以直接買海膽即場開比你食!眼見當地都有唔少人會係度買魚獲,斷估應該係買餸番屋企煮吧~哈哈
生蠔即叫即開
當你入到去魚市場第一樣會見到既應該係新鮮生蠔吧,佢地嘅員工馬不停蹄不斷拆蠔清洗,完全無停過手。生蠔大小唔同價,但同樣新鮮惹味。滴上幾滴檸檬汁,一啖吸入口品嘗,咸咸海水味配上微酸檸檬味嘅生蠔真係絕配,有機會去到記住買番幾盤食啊!
即叫即煮海鮮美食 海鮮刺身應有盡有
魚市場有好多熟食檔口,包括烤海鮮同串燒。其中小編叫左呢個芝士烤帶子,以飯做底,鋪上芝士同帶子再用火槍烤熟,所有食材夾埋味道香口濃郁。小編可惜冇試到即開大海膽,買左一板預先裝好嘅海膽,但係無損味道。平時鐘意食海膽嘅小編都食得好滿足。同場仲有好多特製海鮮拼盤,例如用海膽殼裝住嘅海膽刺身飯。當然唔少得嘅係各式各樣嘅新鮮刺身,三文魚吞拿魚要乜有乜。
番外:朱古力脆皮水果
行到最後,臨離開魚市場嘅時候你會見到一大間賣水果嘅超級市場,而對面就係呢間專賣朱古力脆皮嘅水果店喇。有唔同口味比大家揀,小編最鐘意芒果味,味道非常清新~
離開魚市場,外面整個環境氣氛都好舒適,只會感受到一種慢活嘅態度。大家都快啲計劃去悉尼嘅行程啦!
原文刊載自 KKday blog / KKday Facebook專頁
本篇圖文獲作者授權刊登,未經許可,請勿轉載。
【延伸閱讀】
[北歐] 夢幻童話故事的蜜月自助行。 芬蘭羅凡涅米聖誕老人村一日遊(上)
2016佛羅倫斯之 The Mall Outlet購物詳細攻略
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓