文萊美食地圖

第一天降落文萊整頓後，第二天終於出發到市區遊走，現在為大家帶來文萊市區既美食地圖！

1. 民宿媽媽愛心早餐

文萊已婚女人大多不用工作，民宿媽媽Eirene都唔例外，當我們係佢仔女甘，一大清早就預備了豐富的早餐，唔講咁多，睇圖就知： 

2. Aminah Arif Restaurant

呢個任何一個當地人都會介紹既一間文萊餐廳，入面有最傳統既文萊食物Ambuyat。係咩黎？圖入面嗰碗杰撻撻既透明糊狀食物就係喇！由西米粉加熱水沖成，係舊時文萊人既主食，因為冇咩味，需要配以特別既醬汁進食。有趣既係，傳統食法係放入口之後唔能夠咀嚼，要馬上吞左落肚！ 

由於冇英文餐單，只能亂叫一通，最後黎左其他食物，有咖哩牛肉、燒魚等等。不得不提，個特別醬汁原來係……榴槤加酸辣汁！好唔好味就見仁見智喇。

3. 超市格仔餅

下午茶攰攰地經過超市，見到入面有貌似港式格仔餅賣，當然要試試！呢度既格仔餅雖然冇香港既甘香脆，但勝在成塊餅夠厚夠軟熟，重點入面查左厚厚既花生醬同咖椰醬，異常配合，超級滿足 

4. 市中心夜市

適逢文萊蘇丹王誕辰紀念，文萊整個七月都有不同慶祝活動，包括呢個為期半個月既特別夜市，入面夾雜了不同小食，等我揀幾樣介紹比你地啦！ 

本網站為青協「背包行」體驗旅人 之媒體合作伙伴，獲授權刊登文章，

原文刊載自青協「背包行」體驗旅人 - 尋找快樂根源專頁

未經許可，請勿轉載。