圖:weheartit
從旅行睇出對方品行,除了筍盤男友指標 《另看:去旅行才看得出!筍盤男友的7大特徵 中3樣以上要抓緊對方啊》,女生都有「娶得過」女友特徵。唔係要細心體貼小鳥依人、亦唔係要賢良淑德唔畀博嘴。以一個熱愛旅行的男生來說,以下係廿一世紀搵老婆的條件,你身邊嗰位中幾多?
1. 有商有量
主動計劃行程,並鼓勵男朋友一齊編,就可以將雙方想去的地方收入行程。而唔係女方一個人話事,大家有商有量就好玩啊!如果男友係踢一踢,郁一郁,就踼多佢幾下啦。
2. 陪男友去佢想去的地方
有人說跟女朋友去首爾,猶如「男人的地獄」。其實將時間平均分配就可以啦!你想男朋友陪你買化妝品,都要陪對方睇高達買波鞋。明白攜手與對方走過的地方,都是好地方啦!
3. 吃貨
最怕女朋友淨係食沙律,自己啃個漢堡飽都食得唔安落。旁邊有個可愛餵食女朋就最完美,一齊食到美食的感受加倍Sweet!肥就一齊減啦!【延伸閱讀:與吃貨女友去旅行的9個好處】
圖:weheartit
4. 稍為打扮一下
每個男人都想有個靚女做女朋友,做為女朋友去旅行最好稍為打扮一下 (但忌變濃妝寶)。畀男朋友讚靚,自己心情都大好!
圖:mery.jp
5. 一齊窮遊、一齊豪食
兩個人去旅行,只要目標一致就做乜都開心。旅費不足時一齊住旅館、一齊食快餐;資金充裕時一齊豪食,貧富共享。
圖:mery.jp
6. 唔過份講價、搲著數
知慳識儉係好,但慳到婆媽程度,講價講上癮、到處搲著數就過火了。但例如去泰國係要講價,但殺價太過份要店家賤賣就好像有點兒那個,旁邊的男友也很尷尬。對某些男人來說怕女友大駛,更怕你過份講價(好似係)
7. 顧及男友的感受
男人愛面子,有時又孩子氣。盪失路就牽著他的手一齊找出路;他心情不好鬧脾氣就給他一個擁抱。硬碰硬只會導致鬧交收場。相信與否,男友都需要別人哄啊!
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓