想小朋友開心放暑假,唔使一味顧住安排密集既課外活動,一家大細點解唔抽時間去香港愉景灣酒店住返幾晚?酒店依家推出既暑期特備節目「夏日食住玩」,安排咗接近 20 項活動,又有嘢學又有得玩,玩到攰仲有得食豐富海鮮同充滿盛夏特色既 buffet,小朋友一樣過得充實,而且實錫晒爹哋媽咪!
先介紹吓「夏日食住玩」既美食環節有幾吸引先!近排天氣熱到胃口都無埋,於是酒店就好細心咁準備咗開胃醒神既自助餐,午餐同晚餐時段源源不絕咁送上任食三文魚、鯛魚、八爪魚、希靈魚同金槍魚刺身,仲有鱈場蟹腳、麵包蟹、小龍蝦、熟蝦、藍青口等高級海鮮冷盤。
熱食主菜精選就有蒜香黃金蝦、香煎盲鰽魚柳、配搭 8 款風味醬汁既滋味海鮮串燒、雜莓黑豚炒烏冬,同埋材料夠晒天然健康既彩虹七色薄餅,當然仲唔少得賣相精緻既甜品,有朱古力豆彩虹蛋糕同棉花糖小紅莓蛋糕等,仲有任食Häagen-Dazs雪糕同埋即製雪糕紅豆冰,小朋友一定食到大讚 yummiyummi ~~!
蔬菜串燒配埋日式風味串燒,菜肉均衡夠晒注重健康,仲可以自由配搭 8 款風味醬汁,例如松露黑醋汁、 香辣泡菜汁、蒜香甜梨汁、沙嗲汁、森巴汁等。
嘩,呢個彩虹七色 pizza 咁靚既?睇清楚啲,原來仲用咗唔同既健康素食食材添!
七彩繽紛既朱古力豆彩虹蛋糕賣相咁靚,保證小朋友一睇見就開心到笑晒口!
呢 7 款甜品分別用咗士多啤梨、柑橘、檸檬、綠茶、蜜瓜、藍莓同紫薯,大人會讚佢靚到唔捨得食,小朋友就會話:等我順次序食晒成條彩虹落肚!
酒店既一班甜品廚師真係超有心機,呢個賣相絕靚既棉花糖小紅莓蛋糕,一睇就知佢鬆軟美味超好食。
即製紅豆冰絕對係大人細路既消暑良伴。
任食 Häagen-Dazs 雪糕,等我一次過試齊埋咁多種口味先!
至於玩樂方面,由上午 9 點開始到晚上 6 點都有唔同既活動同工作坊,真係數都數唔晒!比較特別既就有觀光馬車暢遊、馬賽克拼貼、微縮家居小畫框製作、創意手機套 DIY,仲有多個主題 DIY 工作坊,教小朋友親手製作風箏、香皂、再造紙同裝飾美味 cupcake 等,夠晒環保又有教育意義,大人小朋友仲可以一齊參與,响優美怡人既環境下享受一下親子時光。
呢個小廚神杯蛋糕工作坊,俾小朋友盡情發揮創意設計cupcake,真係好受歡迎架!
好動一族可以選擇踩單車,一邊帶小朋友「放電」,一面欣賞愉景灣獨有既優美景緻。
小朋友參加完饒富環保意識既再造紙 DIY 工作坊,仲可以將製成品帶返屋企添!
依家酒店推出兩款暑期住宿優惠,兩大一細入住山景套房一晚,除咗可以玩轉酒店安排既活動之外,「夏日歷奇住宿優惠」包括 2 張愉景北商場 EpicLand 歷奇王國既門票,有亞洲最大室內滑梯同各種刺激遊戲任玩,「童夢城住宿優惠」則包括 2 張機場客運大樓童夢城通識學院既門票,等小朋友一面體驗職業模擬遊戲,一邊享受親子學習。今個暑假無理由唔留港消費啦!快啲打電話去問吓詳情!
EpicLand有全亞洲最大既室內滑梯以及迷宮、迷你高爾夫球場等親子玩樂設施。
小朋友可以响童夢城一試做小太空人、消防員、醫生、飛機師同空中服務員既滋味。
=============================
精選活動:
觀光馬車暢遊、親親馬兒、單車、乒乓球、棋藝大比拼
手工 DIY 工作坊:
風箏、香皂、再造紙、馬賽克拼貼、杯蛋糕、微縮家居小畫框、創意手機套
=============================
香港愉景灣酒店「夏日食住玩」住宿優惠
預約及查詢電話:2295 8288
優惠期:即日起至 8 月 31日
#香港愉景灣酒店夏日食住玩 #酒店住宿優惠 #暑假好去處 #海鮮自助餐 #留港消費
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓