情侶一齊去旅行一直都被視為考驗,過到關就可視對方為終身伴侶,否則回港隨時講Bye-Bye。其實一段旅程,男女都有負責令旅程過得愉快,睇睇以下8大守則,保證不會鬧交收場啦。旅行中冷戰就大家都無癮啦!
1. AA制
請女方去旅行並不是男朋有多愛你的證明,在男女平等的世界,雙方還未結婚,財政獨立。機票、酒店AA制很正常。這絕非男生孤寒或小氣,請女生去旅行不是必需,除非對方很有錢啦。
至於細錢,例如食飯、交通等,不妨一人一次,可能今日女方畀交通錢,男方就請食飯吧,總之公平,大家舒服就可以。
圖:Weheartit
2. 一齊編行程
兩個人之間總有一個懶懶閒唔編行程,另一個唔介意計劃,記得向另一方表示感激,認真看行程一次,若想更改定必發聲。不要出發後才說不想去哪裏的,惹對方嬲豬就不要怨啦。
3. 佢陪你Shopping,你都要陪佢睇模型
男女不同,雙方都有不同想去的地方。男生遷就女生陪伴購物後,女生都要陪男生睇「男人嘢」,記著,牽著對方的手在異國遊走,都是甜蜜的地方。
4. 佢幫你影女神相,唔駛每個Post影足100張
旅行幫女朋友影女神相一定走唔甩,雖然唔係個個男生都有心機把女朋友拍得靚靚,指導仍無進步就收手啦,影到大家發哂脾氣就無謂啦。
女朋友都要幫男朋友影男神照:男生旅行都要影男神照! 8招拍出旅行型男照
5. 盪失路唔好發脾氣
可能男生較有方向感,但他始終不是Google Map,在異地盪失路是等閒事,女朋友就別埋怨。不過,男生們,嘗試過仍走不出困境,就放下無謂的堅持,問路吧。
6. 男生可以有點風度,Shopping幫手攞嘢
女朋友Shopping後一袋二袋,男生不妨施展風度,為女朋友分擔,是體貼的表現。不過記著喔,是分擔,女生千萬不要「一句唔該駛死人」, 亦不要太得寸進尺,當男朋是跟得工人。買夠就收手啦。
圖:IG@pomy.3
7. Shopping用自己錢
女生的Shopping費用還是自己負責吧。一、兩句暗示對方送是情趣,太多迫得太緊就港女啦!
8. 分享嘢食
有些人不喜歡分享食物,不過旅行每樣都想試,總不能吃太多。難得一齊外出旅行就不要自私食,難食、好味都一齊分擔,都是一種情趣啊!
圖:IG@pimtha
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓