去旅行拖著重甸甸的行李周圍走,遇到梯級、斜路,弱質女子都要化身大隻佬,個刻真係好灰。外國就有人設計了一款連上樓梯都可以照拉的TraxPack行李箱,集內置行李磅、定位、叉電等功能於一身的神級行李箱!
TraxPack行李箱的喼面有2條零阻力的軌道,喼面貼住梯級都可以輕易拉上樓梯,小朋友照拉無問題。而行李箱手柄可以改變角度,向前推亦得,更加適合不同需要。
TraxPack行李箱內置多種功能,包括可以量度喼的總重量,一抽起行李箱就知道有無超重,搭廉航最啱駛!
另外,行李箱仲有電話叉電功能,由於充電鋰電池不可以寄艙,所以TraxPack行李箱的充電器可以拎出嚟用,上機都用得!
高科技的行李箱仲內置了定位功能,萬一唔見左個喼都可以透過電話知道行李箱的位置。可以傾斜的手柄仲可以用來做書架或iPad架,唔駛攞著睇片睇到手軟。
TraxPack行李箱暫時在kickstarter有售,售價為$198美元(約$1545港幣)。
圖片及資料來源:kickstarter
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓