去便利店覓食是遊日必備行程,原因無他,日本便利店的飲品及小食價錢便宜而且高質,小編每次都食得好滿足!最近更捲起抹茶熱,日本兩間最大型的便利店7eleven和Lawson都相繼推出不同的抹茶新品,和食及洋食都有,一齊嚟睇下邊款最合你心意!
7-11勝在款式夠多,有齊傳統和風菓子和西式甜品。
▼宇治抹茶芭菲雖然細細杯,但齋睇配料已經十分豐富。紅豆蓉、忌廉、蜜柑、櫻桃、小丸子的配料下是加入了抹茶寒天的抹茶慕絲,滑溜之餘更添一份口感,隨杯仲附送抹茶朱古力醬添。(320円,約HK$22)
▼芝士迷絕對不能錯過這個抹茶芝士杯!以抹茶醬繪成的大理石紋下有兩層芝士,上層為原味,下層則是加入了宇治抹茶的芝士。一次嘆齊兩種口味!(198円,約HK$14)
▼雖然宇治抹茶大福看上來不太特別,但餡內用上兩款抹茶而製的忌廉,加上白朱古力脆脆,口感都幾新鮮!(125円,約HK$10)
▼日式泡芙是不少甜品愛好者的心頭好,但滿滿的忌廉餡往往令怕甜的朋友耍手擰頭。這款抹茶泡芙用抹茶獨有的微澀中和忌廉的甜膩,令你再食多個唔怕膩!(160円,約HK$10)
▼怕甜的朋友仲可以挑戰綠茶冬甩。抹茶味的冬甩即使加上糖衣亦不會太甜膩,可以一戰!(110円,約HK$8)
--------------------------------------------------------------------------------
LAWSON的抹茶甜品雖然不夠7-11多,但勝在夠精緻。
▼這款銅鑼燒不單忌廉餡,就連銅鑼燒本身都用上京都抹茶老鋪辻利一本店的抹茶,配上北海道的紅豆,用料可謂相當講究。唔怪得有日本網友覺得LAWSON的抹茶銅鑼燒與百貨公司的高級甜品有得揮!(160円,約HK$12)
▼不要少看這款大福平平無奇,內裡的抹荼忌廉餡可是用上京都抹茶老鋪辻利一本店的抹茶而製。中間夾住北海道的粒粒紅豆,又再一次體現抹茶紅豆的完美配搭。(140円,約HK$11)
▼抹茶曲奇雖然不是新鮮的組合,但LAWSON的抹茶曲奇勝在抹茶味夠濃郁,加上原粒白朱古力中和抹茶的苦澀,哦依絲!(130円,約HK$10)
7eleven和Lawson有咁多不同口味的抹茶甜品,抹茶控去到日本必食啊!
資料及相片來源:Spotlight
【延伸閱讀】
Pablo一連兩款期間限定 抹茶白玉芝士撻、草莓杏仁豆腐芝士撻
超人氣回歸!日本Starbucks夏日限定 朱古力抹茶忌廉星冰樂
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓