日本人飲食禮貌要求高,早有報道指華客在餐廳因為分享點餐而惹起當地人不滿,指明不歡迎 中、港、台食客 《另看:日店家數華客用膳5大罪狀》最近就有網民在討論區發帖,題為「日本請勿兩個人食一個餐」,指去日本旅行時,見到很多香港、台灣和內地旅客到餐廳食飯,都喜歡二人分享一個餐。樓主認為這個做法不尊重日本的文化,引來日本人奇異的目光,令坐在附近的樓主感到沒有面子。
樓主指他們要節省旅費也不應在食方面著手,就算吃不完也不應該二人食一個餐,寧可浪費也要尊重當地的文化。
(按圖放大)
全文如下:
岩岩去完東京返黎...係依五日入面已經見到有好幾對情侶都係兩個人食一個餐
當然我都好明白有好多時女仔未必食到咁多又唔想浪費食物...依樣野係岩既
不過我認為如果你係買小食企係街邊兩個人食既係好合理
但如果坐係本地人既餐廳入面就真係好冇禮貌
因我同我老婆去東京...我老婆都食唔到好多
但我地入餐廳食既都會各自叫一個...最多佢食唔哂我盡量幫佢食得幾多得幾多
因為依幾日真係見到好多香港人、台灣人同國內人都係兩個人食一個餐都會比日本本地人用一種唔好既眼光望住...我坐係對面望住真係想快快食完急急腳走(除非係食火鍋個D)
個人覺得去得旅行就算買野慳錢都唔好慳係食到
最緊要係大家既文化唔同...去到人地既地方就應該迎口當地人既文化
最後重有岩岩師兄提返起
有好多人食完野都唔識得拎返自己用過既餐具等等
日本大部份既餐廳都係食完要自己拎去拎還口
依幾日都見到好多人食完就咁就走左去
(按圖放大)
帖子一出就引起其他網友討論,有網友贊成樓主的看法,認為了解當地的文化十分重要,一人點一個餐是基本禮貌,如果怕吃不完,可以揀份量較少的餐,或要求廚師少飯。不過,有網友批評樓主為了面子而浪費食物,加上在日本吃剩食物,廚師會覺得自己的出品有問題,是不尊重廚師。
雖然小編去日本都喜歡和朋友分享食物,因為可以多吃幾樣食物,但尊重當地文化亦同樣重要,大家要作出衝量。
如果想和朋友分享食物,居酒屋、街頭小食也是不錯的選擇呀:
來源: 香港討論區
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓