廣島、宮島交通全攻略 附加玩埋關西、福岡小貼士

玩厭了關東、關西？以後去日本又多個選擇。最近廉航推出新航線，大家終於可以平飛廣島啦！想知廣島有咩玩、有咩食，詳看: 《廉航新航點！廣島必去10大吃喝玩樂景點》。

雖然廉航為你提供一張平價機票，但想玩盡廣島，你必須了解清楚當地交通系統。所以想了解清楚當地交通和出發前，記得記得刨熟此攻略！

廣島市內交通

對遊客來說，只要知道廣島電鐵和循環巴士就可以。於市內乘搭電車，可遊遍整個廣島，單程約 160円 (約 $10)。另外，廣島特設循環巴士「meipuru~pu」，主要駛經各大景點，大約30分鐘一班，單程約 200円 (約 $12.5)，不過切記巴士尾班車時間較早。 

以上兩種交通分別推出1 Day Pass：

- 電車1日乘車卷：一天之內可無限次乘搭廣電電車全線，售價600円 (約 $38)。

- 1日循環巴士乘車卷：一天之內可無限次乘搭，售價 400円 (約 $25)，而持有最大範圍的日本鐵路周遊券旅客可免費乘搭。(詳看官網)

前往宮島交通

遊廣島的朋友，當然不會錯過位於宮島，被喻為日本三景之一的「海上大鳥居」。大部份遊人都會由市區出發，搭車至宮島口，然後再轉搭渡輪。

由市區至宮島口，可以選擇搭電車，車程大約一小時，車資約 260円 (約 $16 )。又或者乘搭JR，車程只需約30分鐘，約 410円 (約 $25 )。到達宮島口後，再轉搭渡輪至宮島。

渡輪有兩條航線，分別由宮島松大汽船和JR西日本經營，兩者都是大約15分鐘一班，船程大約10分鐘。來回船票大約是 360円(約 $22)。持有日本鐵路周遊券者可以免費乘JR西日本的航班。

另外亦可以由平和記念公園出發，坐大約45分鐘船，不太建議因船資較貴。

廣島Open-jaw

雖然JR沒有發行廣島、宮島地區的PASS，但JR西日本推出多款跨地區PASS，如果想玩廣島又想玩埋關西或福岡嘅朋友就要留意啦！想由大阪入廣島出、廣島入福岡出都無問題！ 

大阪入或出

「關西&廣島地區鐵路周遊卷」適合往返大阪至廣島地區人士，必須連續5日使用，日本購買價 14000 円 (約 $924)。

福岡入或出

另一款「廣島&山口區鐵路周遊卷」，適合來往博多至廣島，必須連續5日使用，日本購買價 12000 円 (約 $792)。

來源：hiroshima city / meipurupu / miyajimaferry / miyajima-matsuda i/ JRWEST / HiroshimaElectric Railway