誠徵女性朋友扮伴侶瞞騙屋企人已經係老土到電視劇都唔再拍的條段。但正所謂「橋唔怕舊,最緊要受」,近日有男網友的討論區開帖「呃親戚自己有女朋友,有冇絲打可以陪我去台灣?」,誠徵女網民扮女朋友一齊同佢屋企人去旅行!
男網友指將與親戚遊台灣4日3夜,「一支公」的話要跟領隊一齊訓一間房,當親戚問有沒有女朋友同遊,當時人一口就說有,所以要出招「徵女朋友 / 同房」,仲要有要 6 大要求:
1. 唔食煙
2. 唔講粗口
3. 唔醜樣
4. 年紀細過我 (18歲以下)
5. 矮過我 (170cm以下)
6. 瘦過我 (50kg以下)
唔止有要求,仲要行「AA制」,價錢HK$1,099起。最後表明「旅程途中不會作出親密行為,例如親嘴、攬等」,仲表示自己「靚仔過中上」。
要求咁有趣,其他網友都覺得過份,紛紛留言「騙徒手法層出不窮 」、「同個三唔識七既人做戲仲要應酬埋你親戚,你比返錢人就差唔多」,「睇完你既要求,其實真係諗唔到有咩理由要陪你去」,有個更有趣的,表示既然樓主咁急切要女朋友,「去淘寶 bid 番個囉」。
雖然樓主話自己係真心搵「旅伴」,但網上識旅伴始終有一定的危險,所以都提提大家要小心點啦!
來源:高登討論區
#旅遊熱話
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓