遊玩情報     香港周圍遊     遊記     周末去邊度     特集     旅遊貼士    
發新話題
打印

[經驗分享] 09年不一樣的沙巴17天勁食勁歎之旅(全卷完)多相

09年不一樣的沙巴17天勁食勁歎之旅(第十二天)KK編

留位.............


[ 本帖最後由 dusty 於 2009-2-21 23:48 編輯 ]

09年不一樣的沙巴17天勁食勁歎之旅(第十三天)紅樹林編

今早起身在酒店食過早餐之後就出發去默迪卡(WISMA MERDEKA)購物中心的guardian*(即係香港既萬寧)oral-B電動牙刷,呢款牙刷在這裡只賣229馬幣,真係好平,另外牙刷頭亦好平只賣26.9有2支啦,另一款41馬幣有3支,同埋裡面有間找換店的匯率比較高的,之後就去返likas square樓下果間韓國料理食午餐,我們點了鐵板豬肉牛肉什菜鍋、什錦飯、豆腐湯、海帶湯、人參雞湯、炒粉絲,埋單200馬幣,這間店的食物不過不失啦,但個人參雞就無乜人參味啦.



之後就固酒店準備去紅樹林,我們三點出發去到已接近黃昏,食過小點後就出發,我們坐著快艇去睇長鼻猴,雖然係見到,但可惜離我們比較遠,中途還加入了捉蟹活動,就是放個籠落河到等佢行入去,之後回程時先再收回個籠,可惜今次係無收獲,哈哈哈,之後去食了餐豐富的自助餐,還有極品榴槤,呢些榴槤雖然好細粒,但d肉就好正,外面乾身唔黏手,肉味有濃濃的油香,可惜粒核大左小小,食飽之後再出發睇螢火蟲,見到成棵榭都係螢火蟲真係好靚,好似棵聖誕樹咁,閃閃下好靚呀,加上天上的星星又夠多所以好靚,好浪漫呀.

TOP

09年不一樣的沙巴17天勁食勁歎之旅(第十三天)紅樹林編

跟住旅行社就帶我們去買朱古力,我們買左好多唔同味道,之後再回市區消夜.

這晚的消夜係旅行社介紹的,店名叫ThePlace,本身係一間20小時既酒吧,只是係早上六點至十點係休息的,店裡氣氛好好,裝潢亦唔錯,而這間店所提供的菜式好多,分別有西餐、菲律賓菜、馬來西亞菜,足足超過50款美食,樣樣都只係十零二十馬幣,非常經濟實惠,我們點了芝士肉醬意大利粉、炒粉絲、炒油麵、牛骨湯、炒羊豆、公司三文治、黃油雞、檸檬雞、招牌炸牛奶魚、香辣牛肉、還有芒果奶昔,超級
好飲又平又抵食,埋單都只係二百幾馬幣,先講下個芝士肉醬意大利粉好白芝士味,如果喜歡食芝士的話一定好鍾意呀,個牛骨湯d肉炆得好淋好入味,個湯亦係一絕,真係飲完再飲,所以我們點左兩轉,黃酒雞亦好香的,公司三文治亦係必食既,招牌炸牛奶魚亦係超級推介,必食之選,條魚無乜骨就算有骨都可以食埋呀,因為真係炸得好脆,好香口,食飽之後就回酒店休息啦。

TOP

09年不一樣的沙巴17天勁食勁歎之旅(第十四天)美人魚島

今早要7點鐘起身,因要出發去美人魚島,車程要兩小時加一小時船程就到,雖然海面的風浪都幾大,但我們都可以好清楚見到神山山峰,話咁快就到島上了,d海水好清澈,清到見到底,我們還見到好多海膽,但可惜魚就比較細條同比較少,個沙灘今日只得二十幾個人,老婆去左玩浮潛,見到好多珊瑚礁,我就去了玩體驗潛水,個教練講解我好清楚,第一次下潛係潛得3至4米深,所以睇既比較少,之後食午餐,都幾豐富,跟住先再下潛第二次,今次就布10米深,所以睇到好多大珊瑚真係好靚,玩到大概4點就離開美人魚島回市區。





今晚係食娘惹菜,係之前同旅行社訂的,每人45馬幣,間店地址就係買朱古力隔離,佢地不做街客的,所以想食既話一定要提早搵local tour預訂的,首先來個前菜係用紅蔥頭炒蝦米干,跟住有鹹菜鴨湯、馬來占炒臭豆、沙角肉絲、滷豬什、亞參魚仔、五香滷肉、亞參干前蝦、芒果豆腐、甲必丹雞、最後係糖水,呢餐娘惹菜很多餸的味道都好得意,係值得試的,之後就住船出發去夢幻島住一晚。




TOP

09年不一樣的沙巴17天勁食勁歎之旅(第十五天)夢幻島編

因昨晚很晚才入島,所以都無乜時間四周圍行下,因為之前天氣唔好,所以改左行程,不過呢個島真係一流,我地住對海的房間係HKD 1,313.00/人(海景),一出露台就可以跳落海非常之正,加上個泳池又係一絕,透明玻璃隔開,望住個大海,另外如果做spa係可以望全個海一邊歎著冷氣做spa,加上又有按摩浴池,個spa120分鐘只需要2百幾馬幣,真係好平好抵,島上的水上活動除左香蕉船及潛水外,其他全部都可以免費任玩,另外早餐及晚餐都係包埋既,島上還有一個珊瑚保育區,裡面還有海龜和魚睇之外,仲有鯊魚睇添.



TOP

09年不一樣的沙巴17天勁食勁歎之旅(第十五天)夢幻島編

下午就去了島上的餐廳食飯,點了一些點心,同一條游水既七星斑做剌身,蛋白海鮮炒河,其實主要係想講下條七星斑剌身,190一條好新鮮,魚肉好彈牙,仲一斑兩食,個魚頭同魚骨係拿去煲鹹菜湯,都不用額外收費,對住個咁靚既海食飯特別好胃口.


TOP

09年沙巴Shangri-la Rasa Ria酒店編

飯後就出返市區直接去rasa ria resort,在途中見到有幾檔有炭燒椰子飲的,所以我地特登落車試試,我覺得個味道似七喜hahahaaa,很快地就到達酒店,間酒店規模好大,設施又多,海灘個海岸線很長很靚。

TOP

09年沙巴Shangri-la Rasa Ria酒店(房間編)

我們住係5樓526房,對住個海環境一流,間房好靚加上我們訂左兩間,所以佢地仲俾左間connecting room我們添.

TOP

09年沙巴Shangri-la Rasa Ria酒店(晚餐編)

今晚就在酒店裡面食自助晚餐,每位110馬幣,都幾多野食,這個價錢係香港一定食唔到,同埋d甜品幾好食的,食飽後就四圍行下影下相,跟住就返房休息了。

TOP

09年沙巴Shangri-la Rasa Ria酒店(早餐編)

今早起身就落去食個早餐,真係想象唔到Shangri-la Rasa Ria酒店個自助早餐係咁豐富的,花多眼亂都唔知食乜先好,所以一路睇一路影低d相。

TOP

你指Semporna?
XD

09年沙巴Shangri-la Rasa Ria酒店(自然保育區)

早餐過後,我們參加了一個探索自然保育區,每位RM50一個人,一定要10點前報名的,我們起程前要睇一段片段,內容係講點樣救出被人非法捉去的星星,睇完後就出發,一行出去就見到我最喜愛既大咀島,之後不到十分鐘的路程就到達目的地,見到有個職員不段叫隻婆羅洲星星過黎食野,跟住還見到很多馬騮黎偷野食,有隻馬騮bb好得意架,睇完後就回酒店準備出發去市中心那間Shangri-La's Tanjung Aru酒店。

TOP

09年17天沙巴之旅(第十六天)旋轉餐廳

去完Shangri-La's Tanjung Aru酒店check in後,就出發去金融中心樓上18樓的旋轉餐廳食午餐,成個場都冇咩客,個環境好靚,如果黃昏時間睇住個日落一定會更加好,可惜今日天氣麻麻地,呢度一個餐既價錢大概RM50-90不等,我們點了白汁雞皇意粉、羊扒、西冷牛扒、炸軟殼蟹、ASSAM牛尾餐、燒春雞、凱撒沙律、蟹肉湯、蘑菇湯,這間餐廳既廚師煮既食物很有水準,特別推介個ASSAM牛尾及蟹肉湯,牛尾炆得夠(淋)完全入晒味,蟹肉湯好重蟹味真係飲完又想再飲啊。


晚餐就再去THE PLACE酒吧,因實在太掛住個牛骨湯了,同埋下午食得太飽,所以求其點幾了招牌炸牛奶魚、牛骨湯、牛肉炒菜、芒果奶昔,之後就出發去做按摩.

消夜同樣再去螢火蟲餐廳,早一日前特別訂了三粒榴槤,同埋點了大老虎蝦麵、鹽焗珍珠馬拉雞,呢度的榴槤係我食過最好味的,市中心那些都要行埋一邊啊,但真係太飽太飽喇,之後就回酒店休息。

TOP

引用:
原帖由 Guest from 219.79.3.x 於 2009-3-10 00:20 發表
我同朋友買左機票去新加坡 但係好想好想去卡巴來島(沙巴) 有咩方法可以去到 !怎樣可從新加坡到仙本?及需多久..請HELP US 我地係香港人!因為見到你去左好多島 很想問一些關於當地既資訊 係新加坡除左坐港龍,馬來西亞, ...
新加坡要搭到kl或kk轉機到斗湖架,一定要搭亞航或馬航到斗湖的,全程坐air asia最平

[ 本帖最後由 dusty 於 2009-3-13 23:03 編輯 ]

TOP

我們下午12點就到達Shangri-La's Tanjung Aru酒店checkin,我們住Tanjung Wing第4層,房間同樣好靚,但景觀就比較差,因為好多椰子樹擋住晒d海景,真係激死,簡直浪費左個海景房呀,同埋個酒店環境都唔夠Shangri-laRasa Ria酒店大,個海灘好細。

但個spa房就好鬼正,我們雖然無做,但都八掛入去睇下個環境,同埋在海旁那邊睇個日落都幾浪漫架。

TOP

09年沙巴17天之旅更新(第十七天)Shangri-La's Tanjung Aru早餐編

Shangri-La's Tanjung Aru酒店的自助早餐真係勁豐富,種類多得嚇人,要你試晒都幾係野啊,可惜我早餐通常食得唔多,真係幾浪費,所以只好影晒d相,同大家分享一下啦。

TOP

09年不一樣的沙巴17天之旅-likassquare Apartment酒店編

likassquareApartment酒店離市中心十分鐘車程,如果搭的士要RM10-15蚊,Apartment外表平平無奇,但入到裡面就黎個大變身,裝修得好靚,加上係對海的,廚房的石油氣及餐具要同職員拿的,亦有泳池及健身室,樓下有餐廳同超市都算方便,我們入住係千幾呎、三房兩廳,主人房亦有獨立洗手間的,價錢係RM450晚,如果人多的話可考慮。

TOP

引用:
原帖由 Guest from 58.177.236.x 於 2009-3-17 18:54 發表
你個 post 好多好野食呀,多謝分享。係呢....沙巴玩浮潛貴唔貴?
通常都係唔洗錢的,碼頭搭船出島就可以喇,除了美人魚島RM330一個人,當然這個島靚過晒市區出去的那些島啦

TOP

09年不一樣的沙巴17天勁食勁歎之旅(手信編)多相

今次在沙巴買了好多野,現在和大家分享下。

沙巴萬寧、屈臣士都有很多平貨掃架。

檳城蝦麵超好味及maggi麵,很多超市都有得賣,價錢還好平添。

螢火虫餐廳買的蝦醬,RM15一盒,用黎煮麵及炒菜一流。

福順買的野生七星班係冷藏的RM2X一條,條魚好新鮮d肉好雪白,超正。

萬利公司私房燕窩莊,野生洞燕RM190兩,發得幾倍大,用冰糖燉,口感很好。

野生洞血燕RM250兩,不過未試。

野生海燕窩RM250兩,聞落就好香,用黎燉豬肉,不過未試。

完美旅行社帶去買的,瀑布洞燕碎RM3百幾蚊兩,用冰糖燉口感亦唔錯的。

TOP

09年不一樣的沙巴17天之旅-短片編

今次在沙巴拍的短片,雖然都係亂咁拍,但都同大家分享一下。
http://hk.video.yahoo.com/video/video.html?id=1445606  <------仙本那華人商會新年聯歡晚會

http://hk.video.yahoo.com/video/video.html?id=1432233 <------馬達京島

http://hk.video.yahoo.com/video/video.html?id=1422380 <------馬達京島喂魚

http://hk.video.yahoo.com/video/video.html?id=1492152 <------美人魚島體驗潛水(1)

http://hk.video.yahoo.com/video/video.html?id=1488717 <------美人魚島體驗潛水(2)

http://hk.video.yahoo.com/video/video.html?id=1429905 <------美人魚島體驗潛水(3)

http://hk.video.yahoo.com/video/video.html?id=1429920 <------美人魚島體驗潛水(4)

TOP

wow.....你個 17天旅程好豐富呀, 日日食同玩, 勁歎...haha...看完你個blog 好想即刻去...
我都想plan 下去沙巴 7 天團...你是自由行是嗎?? 但有時是join 當地的 local tour嗎??點樣join當地的 local tour 呢???請指教一下...謝謝..

或send個方法比我啦... kimmy1811@live.com

TOP

引用:
原帖由 Guest from 219.79.20.x 於 2009-6-9 21:37 發表
dusty, would you please send your travel information to
thanks
資料已給你了,有問題再問我啦 。 最好你編輯走個電郵地址,以免收到不良廣告。

TOP

引用:
原帖由 kim1811 於 2009-6-18 12:15 發表
wow.....你個 17天旅程好豐富呀, 日日食同玩, 勁歎...haha...看完你個blog 好想即刻去...
我都想plan 下去沙巴 7 天團...你是自由行是嗎?? 但有時是join 當地的 local tour嗎??點樣join當地的 local tour 呢???請指 ...
我是自由行的,跟團唔好玩的,其實去沙巴自由行計劃行程很容易的,資料已給你了,有問題再問我啦 。 最好你編輯走個電郵地址,以免收到不良廣告。

TOP

引用:
原帖由 Guest from 113.52.113.x 於 2009-7-30 01:04 發表
嘩,,去旅行十七日 ,勁爽呀...........不過total要用几多錢呢..
總共兩個人用左兩萬幾蚊啊

TOP

引用:
原帖由 dusty 於 2009-8-6 22:43 發表
總共兩個人用左兩萬幾蚊啊
2個人2萬幾都幾抵wor!

TOP

想要沙巴有關local tour, 酒店等貨料, 可否發給我???  已留電郵給你. 謝

TOP

引用:
原帖由 hihi1031 於 2009-8-22 09:54 發表
想要沙巴有關local tour, 酒店等貨料, 可否發給我???  已留電郵給你. 謝
資料已給你,有問題再問我啦 。

TOP

十分懷念馬布島

幾年前都係去沙巴再落詩巴丹潛水,住o係馬布島, 極力推介住係馬布島。島上的寧靜至今難忘,每日潛完水就在房間露台欣賞日落,晚上就一班朋友圍埋睇返當日潛水片段,睇星星,談天說地....聽到敲鑼聲就去餐廳食飯.....好寫意!

TOP

引用:
原帖由 Jess 於 2009-10-8 17:27 發表
幾年前都係去沙巴再落詩巴丹潛水,住o係馬布島, 極力推介住係馬布島。島上的寧靜至今難忘,每日潛完水就在房間露台欣賞日落,晚上就一班朋友圍埋睇返當日潛水片段,睇星星,談天說地....聽到敲鑼聲就去餐廳食飯.....好寫意! ...
馬布島民宿定Resort先?

TOP

引用:
原帖由 Jess 於 2009-10-8 17:27 發表
幾年前都係去沙巴再落詩巴丹潛水,住o係馬布島, 極力推介住係馬布島。島上的寧靜至今難忘,每日潛完水就在房間露台欣賞日落,晚上就一班朋友圍埋睇返當日潛水片段,睇星星,談天說地....聽到敲鑼聲就去餐廳食飯.....好寫意! ...
我都去過詩巴丹潛水,同埋都住係馬布島,真係好正,感覺好舒服!!推介~~

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know