09年不一樣的沙巴17天勁食勁歎之旅(全卷完)多相 - 東南亞旅遊 - U Travel 旅遊論壇 ::台灣,日本,韓國,英國,新加坡,澳門,自由行::旅遊討論區
遊玩情報     香港周圍遊     遊記     周末去邊度     特集     旅遊貼士    
 108 1234
發新話題
打印

[經驗分享] 09年不一樣的沙巴17天勁食勁歎之旅(全卷完)多相

09年不一樣的沙巴17天勁食勁歎之旅(全卷完)多相

我的沙巴十七天行程表


各網友想要有用資料的話,請用發短息方式
留e-mail,請不要直接留下e-mail.

大家跟local-tour記得幫襯些有印有蓋章收據公司,如果係既話萬一發生問題及意外係好難追究的,本身購買旅遊保亦很大機會不受理的。

Localtour出發前落HKD 100/人既訂金,就有免費來回機場-市區酒店-機場接送,訂房就50%訂金餘款到達沙巴再結,匯率2.5計不過客人可以選擇 1)俾小D訂金, 30%訂金,咁可以蝕少D或 2) 俾50%, 到達後俾晒全款, 跟住俾個匯豐銀行戶口
local-tour, local-tour會在你們離開前入返D訂金俾給你們, 咁就大家都唔使蝕啦.

首先要多謝沙巴的網友,在這半年幫了我很多忙及資料,亦要特別多謝心兒借了架私家車俾我們用左咁多日.

亦要多謝完美旅行社,因他們容忍我不段的更換行程及酒店,亦不段麻煩地追問他們的問題,亦提供很多食野的地方給我們,在這裡再次多謝大家能完成我這次的完美假期.

我們一行6人已買了馬航特價機票1028港幣來回已連稅,18-1-09至3-2-09。
香港至哥打京那巴魯, 星期日, 18 一月, 15:30, 航班 MH383, 經濟

哥打京那巴魯至香港, 星期二, 03 二月, 11:40, 航班 MH384, 經濟
18-1-09:香港>沙巴>珍珠海鮮晚餐>富源茶室宵夜>The Palace Hotel

19-1-09:
零晨4點去漁市場買海鮮>,印度薄餐>憶香茶餐室>海旺嘁茶室>富源茶室>晚上bbq開大餐>The Palace Hotel


20-1-09:
搭飛機到斗湖>Heritage Hotel>>
金陵海鮮大排檔>酒店


21-1-09:
酒店>仙本那>Seafest Hotel >馬布島>詩巴丹島浮潛>天旺海鮮晚餐>酒店


22-1-09:
酒店>馬布島體驗潛水>仙本那華人聯歡晚會>酒店


23-1-09:
馬達京島Mataking Island 住一晚


24-1-09:
仙本那>斗湖>金陵海鮮大排檔>斗湖機場>亞庇>發記餐廳宵夜>Apartment酒店


25-1-09:印度薄餐>五大民族村>giant大型超市>雙天海鮮檔>Apartment酒店


26-1-09:漁市場>香香板麵>Apartment酒店自家制火鍋


27-1-09:
意大利餐廳>富麗華下午茶>雙天海鮮檔晚餐>Apartment酒店


28-1-09:跟完美假期購物及食野團>螢火虫餐廳午飯>燕窩專門店有7折>
貴都海鮮樓晚飯>Apartment酒店


29-1-09:>
李黃海鮮樓午餐>私房燕窩莊>記得來食堂晚飯>The Palace Hotel


30-1-09:
默迪卡購物中心>韓國餐廳午餐>紅樹林螢火虫半日遊>The Place酒吧宵夜>The Palace Hotel


31-1-09:Mantanani
美人魚島一日遊>娘惹全豬宴>

gayana-eco-resort酒店

1-2-09:gayana酒店午餐>Shangri-la Rasa Ria 5星酒店>洒店自助晚餐


2-2-09:Rasa Ria早餐>旋轉餐廳午餐>KAMA'A按摩>螢火虫餐廳晚飯>Shangri-La's Tanjung Aru5星酒店>


3-2-09:回港

https://book.malaysiaairlines.com/itd/itd 馬航
http://www.airasia.com/site/ch/tc/home.jsp  搭內陸機是亞州航空
http://www.seafesthotel.com/   仙本那镇上好最好的酒店
http://www.heritagehotel.com.my     斗湖Heritage Hotel
http://likassquare.com.my/   Apartment酒店
http://www.marinacourt-sabah.com/KK Apartment
http://www.suterasanctuarylodges.com/ 神山酒店
http://www.sipadanbackpackers.com/index.htm馬布 mabul island resort

http://www.sipadanbackpackers.com/index.htm 潛水、出島浮潛都是這間
http://www.mataking.com/default.php 馬達京島
http://www.suteraharbour.com/ 酒店
www.shangri-la.com 酒店

http://www.gayana-eco-resort.com/index.php KK水上屋酒店

http://www.kmtglobalrentacar.com/ 租車的網址

http://www.e-erac-online.com/carrental.ASP 租車的網址
  









[ 本帖最後由 dusty 於 2009-4-9 22:10 編輯 ]
詳盡到以為係去了的行程回顧表
我只去過沙巴,但係好想去詩巴丹
想問你plan 大約使幾多錢到?

TOP

引用:
原帖由 wingkwok918 於 2008-11-20 00:52 發表
詳盡到以為係去了的行程回顧表
我只去過沙巴,但係好想去詩巴丹
想問你plan 大約使幾多錢到?
現在還未計好,因酒店都未完全報到價給我

TOP

好豐富既行程表呀,值得參考一下!
請問有冇邊 D 出島 LOCAL TOUR 比較可信的?



P.S 可以約到咁到多人一齊去旅行真係好高興

TOP

引用:
原帖由 mistyblue 於 2008-11-20 01:13 發表
好豐富既行程表呀,值得參考一下!
請問有冇邊 D 出島 LOCAL TOUR 比較可信的?



P.S 可以約到咁到多人一齊去旅行真係好高興
你pm我,留個電郵給我啦

TOP

我都買o左馬航特價機票去沙巴喎,下月15 - 19號,不過實際得三日玩咋。
諗住去island tour、熱帶雨林同埋睇螢火蟲~

TOP

引用:
原帖由 serenechan 於 2008-12-5 13:43 發表
我都買o左馬航特價機票去沙巴喎,下月15 - 19號,不過實際得三日玩咋。
諗住去island tour、熱帶雨林同埋睇螢火蟲~
你去幾多錢呀~
我上年呢個時間去
熱帶雨林係唔係神山下面的那個公園?
D 人說麻麻地
不過有無興趣去玩激流?我上次去玩level 2 都覺得幾好玩 (個日天氣唔好,玩唔到 level 3...)

TOP

引用:
原帖由 wingkwok918 於 2008-12-5 15:24 發表


你去幾多錢呀~
我上年呢個時間去
熱帶雨林係唔係神山下面的那個公園?
D 人說麻麻地
不過有無興趣去玩激流?我上次去玩level 2 都覺得幾好玩 (個日天氣唔好,玩唔到 level 3...) ...
機票連稅&燃油費都係$747
其實我三年前去過沙巴,果時都有玩激流,不過唔知係level幾,但都好激架喇,因為我唔識游水~
熱帶雨林麻麻地? 咁有冇其他地方好玩?

TOP

Yi...樓主應該差唔多玩完返來喇wor....期待佢去咁耐的大作!
我哋又嚟跳出香港!

TOP

今日十一點就到達機場,去了潮流飲茶,飲到下午二點鐘就辦好登機手續,飛機準時三點半起飛,六點半就到達亞庇新機埸,LOCALTOUR有職員來接機,我們第一站去了找換店唱馬幣,但發覺個匯率無香港百年好,第二站就去酒店CHECK|N,我們住四樓間房幾大同很簡潔,百幾蚊馬幣來講真係好抵住,酒店離雙天亦不遠,第三站去了珍珠海鮮酒家晚飯,我們一行十個人叫了虎蝦刺身四隻,非常彈牙及鮮甜,另點了奶油虎蝦八隻,D奶油味道做得非常好拿來撈飯簡直一流,白灼跳螺很鮮超正,獅炒貴很野味,竹筒麻辣牛肉及牛筋很難食,竹筒雞味道可以但雞肉好(鞋),清蒸野生筍殼魚必食推介,魚肉很滑又少魚骨,野生七星班刺身,肉身很爽很鮮,但可惜冰溶得太快,魚頭及魚骨拿去煲酸菜豆腐湯很好飲,豉椒炒鹿肉還可以,蒜蓉蒸元貝好厚肉唔會老,豉椒炒黃鱔無骨淡淡肉正呀,馬拉盞炒薯仔菜食落好爽囗,桔仔冰亦有兩款,一款係普通的,另一款係把桔仔攪碎但很酸,都係原味好飲些,十三味菜埋單共8XX馬幣抵食呀.


竹筒麻辣牛肉及牛筋很難食,竹筒雞味道可以但雞肉好鞋)
跟住再出發去富源食Ka ya麵包同拉茶,真係掛住了好耐了,麵包同樣很軟熟,多士焊得很好好好味呀,最後還試了個耶漿飯,個味道好似喇沙幾得意,然後就回酒店休息了.

TOP

今早四點鐘就出發到漁市場估唔到沙巴物價真係升到嚇死人買兩條魚都要三十五馬幣四隻海螺開價四十馬幣我們最後講價到二十五馬幣所以唔講價就笨喇跟住就去左食印度薄餐叫左四份簿餐加拉茶薄餐個咖哩醬汁好香又唔辣埋單都只係九個九馬幣勁平呀


然後回酒店訓到九點半起身出發去食牛什這間牛什很出,仲有電視台訪問過的店名叫憶香茶餐室我就點了招牌牛什麵裡面材料很豐富的有牛肚、牛肉及牛筋好(淋)、牛丸彈牙、牛柏葉最重要係個湯底夠濃呢餐又係平靚正的.

食飽後再出發去NOVOTEL酒店隔離個新商場行,商場無乜野睇又遠離市中心,都幾遠下同經常塞車.






行完商場後就出發去海旺茶室食午飯我們點了冬陰公魚什湯、炆龍頭和腩位、粉絲蝦煲、干撈麵、魚什湯、眉魚腩湯埋單三百六十蚊馬幣
先講下個粉絲蝦煲炒得好入味但可惜蝦唔夠彈牙魚什湯好鮮d魚麵真材實料很濃魚味但魚旦唔夠爽囗可惜左小小,個冬陰公係沙巴煮法很一般眉魚腩食落很重魚油的香味又厚肉用這種煮真係幾得意味道比想象中好很多,加上龍皮又厚又入味真係好食

食飽飽後就去超市掃飲品及燒烤食物然後再去富源下午茶我們初時只係點了普通的Kaya麵包個老闆話原來加了班蘭葉的Kaya,但不做堂食的食完後見到老闆就傾了幾句我話兩年前見過有人堂食過老闆就話無但就認得出我地所以特地叫職整俾我們食,真係好開心呀,終於都賞試到個味道亦無令我們失望到

跟住再回家準備bbq的食物,豉油煎大老虎蝦和蒜蓉蒸,d老虎蝦雖然係急凍的,但都很彈牙架,還有燒魚、臘腸糯米飯、四隻响螺煲雞真係鮮甜到唔知講乜好了,不過今晚落大雨.好彩都無影響到,食飽後老婆和師兄去了拔罐同按摩,之後再去食粥,然後回酒店休息。

TOP

09年不一樣的沙巴17天勁食勁歎之旅(第三天)

今早五點半起床梳洗完就落大堂CHECK OUTLOCAL TOUR準時六點有車來接送到機場飛機七點起飛唔洗一小時就到達了,我們再搭的士到酒店車程三十五分鐘車四十五馬幣.



CHECK lN手續之後就周圍走走及去左KFC食一個三十六蚊馬幣的套餐.


然後就回酒休息,兩點幾再去歎個下午茶,跟住去萬寧、屈臣士、百貨公司勁掃貨請留意手信編跟住買生果.


再去金陵海鮮大排檔食晚飯,我們點了上湯龍蝦、清蒸蘇眉、白灼跳螺、椒鹽琵琶蝦、馬拉盞炒通菜、蒜蓉炒通菜、田雞粥、豆腐花、埋單二百六十八馬幣,超抵食啊。






首先要讚alan wong呢位餐廳伙記,非常熱情,個上湯龍蝦啖啖肉可惜湯太多湯,清蒸蘇眉超滑、白灼跳螺很大隻同鮮甜、椒鹽琵琶蝦很野味,真係龍蝦的肉質草蝦的價錢,田雞粥超級推介,鮮甜到不得了啊,餐餐咁食法真係唔肥就有鬼啊,下午已經飲左兩包以羅了hahahaa,跟住回酒店食生果同訓覺。









TOP

09年不一樣的沙巴17天勁食勁歎之旅(第四天)

今日一早六點退房後,就約好左uncle chang潛水公司的職員來接我們去仙本那,收費每人數40馬幣,車程大概2個小時,到達後先到海豐酒店辦入住手續,之後就出發去詩巴丹島,大約需時四十五分鐘,到達馬布島先食個早餐,再乘半小時船程到詩巴丹島,個島好靚好多魚,可惜d浪比較大.


但我們只是在碼頭浮潛已經見到好勁多魚,d水清晰到不得了,仲見到好大條蘇眉,玩到下午三點幾就回程返馬布島,再回仙本那碼頭,建議去島玩的話最好自己帶食物去食,因潛水公司提供的都幾差。
晚餐就去左天旺海鮮飯店食飯,我們點了蒜蓉炒通菜,豉椒炒八爪螺,醬油雞半隻,豆豉蒸倉魚,鹹酸菜豆腐魚頭湯,蠔油生菜,味道一般,不過埋單85馬幣都算平,仙本那係個幾細既市鎮,好快就行晒。

TOP

09年不一樣的沙巴17天勁食勁歎之旅更新(第五天)馬布島編

今日食過早餐後就出發去馬布島玩體驗潛水,可能昨日我身體被曬傷了,所以成個人都唔舒服,我同阿文等到12點先去潛水,潛點只離馬布不遠,轉個彎到,個教練係識講廣東話的,同埋潛水比我想像中容易,雖然水質比較濁.但都好開心見到四隻海龜,但好可惜第一次下水冇帶到相機,好失敗呀,大約潛了半小時就回程返馬布食午餐.

下午2點再出發去上次潛點附近,今次一下水就見到滿地都係海星,一隻好大隻既海龜,今次仲可以同牠一齊影返張相添.
呢次潛了差唔多一小時很滿足很多野睇,4點幾就回程言仙本那碼頭了,回到酒店先冲返個凉,跟住就出發去中華商會舉辦的聯歡晚宴.

TOP

09年不一樣的沙巴17天勁食勁歎之旅更新(第五天)馬布島編




我們好榮幸被uncle chang邀請出席,還有些外國朋友一齊,成晚的氣氛好正,uncle chang和一班職員都很玩得投入,令到當晚既氣氛好高漲,我完全感受得到仙本那當地人的熱情,但可惜我不在狀態,如果唔係一定會更好玩。今晚晚宴上有八味菜,首先有什錦拼盤,跟住係海鮮羹、炸子雞、水晶蝦、炸青班、炸墨魚球、荷葉飯同埋生果拼盤,最後就係同一班朋友影下相,之後就回酒店休息啦。




TOP

09年不一樣的沙巴17天勁食勁歎之旅更新(第六天)馬達京島

今早八點起身食過早餐後,就在酒店對面的碼頭上船去馬達京,去到碼頭已經有馬達京既職員在等我們了,大概四十五分鐘船程就到馬達京,離遠已睇到馬達京,個景觀非常之靚,今日先上加埋我們只得八人,他們四位全是外國人,我們辦理好入先手續後,就周圍行下,最靚的就係對面既一個小島,當潮退既時候先可露出一條沙路行過去,但潮漲的時候呢條沙路就會被海水覆蓋,行唔到過去了,剛好我們一到既時候正正潮退,所以我們就行過去了.



下午既午餐好簡單,我們一邊食一邊用麵包餵魚,真係寫意,加埋周圍既環境真係一流,非常舒服,飯後我們拿左幾片麵包去到碼頭餵魚,見到碼頭有很多魚,而且水質非常清澈,我們還見到條龍躉,真係難以置信呀,之後就回房休息左一陣,因為過去幾日都玩得好累,有咁正既環境梗係要好好休息一下,大約四點到我們再出發周圍影下相,跟住我們去左一個露天的按摩浴池,一邊享受按摩浴一邊欣賞日落既景色,咁就真係人生既一種享受,如果係渡密月既話一定會更加正,加下島上非常寧靜,一定沒有人會打擾到你。晚餐後本來諗住去玩森林探險,但可惜今晚水位高漲,覆蓋左沙灘條路,職員因安全理由,所以取消左冇得玩,令到我們都幾失望,不過安全緊要冇辦法啦,只好去遼望台睇星星,不過都有收獲,見到好多星星,最後回房間休息。

TOP

多謝分享,d相好精彩

TOP

09年不一樣的沙巴17天勁食勁歎之旅更新(第七天)馬達京島編

今早一早起身去睇馬達京既日出,之後返去再睏多一陣,九點幾再起身食早餐,之後去碼頭附近浮潛,今次真係深深被這個海底吸引住,因真有很多魚,多到形成左個魚群龍捲風暴一樣,但望落到個海底真係好深,玩左一陣到十一點幾就返回仙本那,再坐酒店車回去斗湖.







去到斗湖到周圍行下睇下食下野.

到大約五點幾就去金陵海鮮酒家食晚飯,我們點了清蒸筍殼魚,蒜蓉蒸象拔蚌仔及大蜆,金香炒紅樹林蟹,海蟹粥,蒜蓉炒通菜,椒鹽斑馬賴尿蝦,酸汁海草,隻斑馬賴尿蝦係勁多糕的,食到我都唔識點講,總之就正啦,埋單3xx,之後職員alan wong還替我們叫的士去機場回亞庇市

回到亞庇市我們再去發記食轉消夜,我們點了南乳骨褔建炒麵甜酸水晶蝦蠔油雞翼鹹酸菜豆腐湯蒜蓉炒小唐菜,個南乳骨好香口,褔建炒麵超級推介,埋單唔記得幾多啦,因為太好味,好味到唔記得晒,只係記得好抵食好平,之後就回酒店休息了


[ 本帖最後由 dusty 於 2009-2-13 20:51 編輯 ]

TOP

斗湖-購物及酒店編

估唔到斗湖的萬寧、屈臣士、百惠百貨公司都有大把平野掃,真的幾驚喜下.


Heritage Hotel

Seafest Hotel

TOP

09年不一樣的沙巴17天勁食勁歎之旅更新(第八天)KK編

今日一早起身去食左個薄餐,呢間做得幾好咖哩汁好正.

之後出發去五大民族村玩,大概二十五分鐘車程就到達,個民族村係個森林裡面,環境好靚,好有特色,裡面有條小溪,d溪水好清涼好舒服,民族村中有個表演,係介紹五大民族村的特色好好睇,d女仔有幾個都好靚呀.




我只是記得當中有個係獵頭族,加達新族,水上民族咁上下,還包一餐自助午餐,大約玩左三個小時多就回程回市中心.

TOP

09年不一樣的沙巴17天勁食勁歎之旅更新(第八天)KK編



之後去左巨人超級市場行街,途中有間叫楊坤英蔬果店,就在中興超市隔離,裡面有種叫新鮮芒果乳酪的飲品,超濃芒果味同很滑,大家如果經過一定要試試.






再去雙天食晚飯,我們七個人點了1,7kg即二點八斤的石頭魚,雙天職員話呢條石頭魚係從賣呢種魚黎講見到最大條的,清蒸石頭魚、八隻白灼瀨尿蝦八隻豉油老虎蝦、海南雞一隻、豉椒聖子蜆、大蘿白蜆湯、八個海皇魚翅羹,每個都有足50克魚翅,水蟹粥、蒜蓉炒通菜,埋單974馬幣,首先講下個石頭魚,咁大條都蒸得咁好,啖啖肉又冇細骨,好鮮甜同d肉好厚好彈牙,
至於呢種瀨尿蝦呼籲大家唔好買黎食,雖然睇落好大隻但係就好似水蟹咁無咩肉架,同埋d肉係霉的,海南雞係好大隻架,但依然好滑有雞味,豉油老虎蝦好彈牙,
海皇魚翅羹個湯好濃加上d翅又彈牙,抵食,水蟹粥反而一般,食完就回酒店休息喇。


TOP

09年不一樣的沙巴17天勁食勁歎之旅更新(第九天)KK編

今日訓醒梳洗完就出發去市中心的街市買餸,因今日會來個自家制火鍋,我們買了牛骨煲個湯底、又買左紅樹林蟹、墨魚仔、青衣魚起片、黃衣魚起片、手打東星魚旦、好唔掂既午餐肉、蔥、韭菜、蘿白、通菜、西生菜、烏冬、菇類、極品珍珠馬拉雞.

以上的天橋底每天下午四點後就有很多VAN仔車在這裡賣榴槤架,味雅雞飯就在第二條天橋底轉左入就見到的。




下午我們去了吉隆坡好出名既香香板麵到食,我們點了幾款唔同既麵,包括版條板麵、板面幼麵、山東板麵、手工板麵、炒麵,但佢地既湯底係一樣既,不過好好飲,仲有點左個鮮榨番石榴汁,泰式豬腳,好正,埋單76馬幣。




晚上火鍋湯底就用小肥羊麻辣湯包,d蟹好厚肉好鲜甜,手打東星魚旦好彈牙好正呀,隻極品珍珠馬拉雞比普通的馬拉雞肉質更嫩滑,更重雞味,因普通的馬拉雞比較瘦冇乜肉食,但珍珠馬拉雞多肉些同好重雞味,呢餐買料都只係2百幾馬幣,真係抵到呀,晚上就留在apartment到打下麻雀,玩下啤牌咁應下節嘛。









TOP

一條氣睇哂你 d post
好想去沙巴呀

TOP

09年不一樣的沙巴17天勁食勁歎之旅更新(第十天)KK編

今早遲左起身,起身出去市中心的warisaw square裡面既一間意大利餐廳食午餐,我們點了蘑菇湯(好飲)、波菜魚湯(唔係好掂好多粉)、蔬菜湯(一般啦)、海鮮湯(很多料好好飲)、還有芝士蒜蓉包(好味)及番茄蒜蓉包(一般)、雞肉芝士寬條麵(味道較淡)、海鮮寬條麵(同湯一樣好味)、超級薄餅(幾好味),還加三杯咖啡,埋單178馬幣。

之後四周圍遊覽下,行到三點幾到就去左富麗華茶餐室下午茶,地點就在和生園食街,點了喇沙米粉(個湯唔夠正宗冇蝦味)、炒貴刁(好好味),叉燒干撈麵(一般),埋單60馬幣。


晚餐我們都係去雙天海鮮酒家食,點了石頭魚湯(用左日式煮法,味道一般)、馬拉盞燒蒲魚(即係魔鬼魚,味道很好又滑)、清蒸非洲魚(呢條係淡水魚,但估唔到出奇地好食又夠滑,又冇乜骨同冇泥味,正呀,而且仲好平)、紹酒蒸深海蟹(肉厚味清甜,好正)、蒜蓉
炒飯(味道係幾好,但可惜炒得唔夠干身)、辣酒蒸花螺(好正)、蠔油生菜、馬拉盞炒通菜,埋單365馬幣,食飽之後就回酒店休息。




[ 本帖最後由 dusty 於 2009-2-18 22:16 編輯 ]

TOP

嘩......蟹蚶好巨型呀
XD

TOP

哈哈, 個人比較為食~~
每次睇你 d post都覺得d 野好好食~~!!!

TOP

09年不一樣的沙巴17天勁食勁歎之旅更新(第十一天)KK編

今日睏醒後就跟完美假期旅行社出發去螢火蟲餐廳食午餐,我們每人點了一個蝦麵,仲有黃油煮珍珠馬拉雞、鹽焗珍珠馬拉雞、薯仔葉炒旦、蝦醬炒通菜、肉骨茶、胡椒豬肚湯、鮑魚片炆冬菇、鹹魚臘味煲仔飯,首先講下個大老虎蝦麵,隻老虎蝦好鬼大隻都只係賣15馬幣碗,真係勁抵食呀,加上個湯底真係超級無敵咁鮮甜,仲好重蝦味好正宗,黃酒雞好重酒味甜甜地,d雞好正好滑,另外鹽焗珍珠馬拉雞都係必食既,雞很滑同孚重雞味,但如果要食珍珠馬拉雞的話,記住一定要提早打電話去預訂,蝦醬炒通菜都好正,好味過用馬拉盞來炒,我們還打包左12盒蝦醬回港,每盒只售15馬幣,真係同香港既差好遠完全唔一樣,薯仔葉炒旦亦都好好味好正,他們用既薯仔葉係不含化學肥料種的,亦不同出面食到的品種,加上係秘制過先再炒,更加天然好味,肉骨茶係冇落味精的,因我們係出面食過好多都會加味精的,他們老闆講係用左24種藥材和香料煮成的,但湯底又唔會話好濃藥材味,裡面的肉丸很新鮮又彈牙,好好味,胡椒豬肚湯又係另一超級推介,很好飲,所有材料係點到即止,味道剛剛好唔會有太突出既味道,蓋過原有鮮味,個鮑魚片炆冬菇既鮑魚片係即食鮑魚片,但都煮得好軟身唔會靭,鹹魚臘味煲仔飯做得很好,d飯好入味,撈入蔥粒來食仲正仲好食,總結這間食店的食物真的好有水準。

食飽飯後我們就去左間燕窩專門店買手信,完美假期帶去的係有七折的,好鬼著數,師兄仲買了一斤瀑布洞燕盞7200馬幣四両裝,呢款瀑布洞燕盞係天然無加任何人手加工,同埋發起來後有三倍份量咁大,還最少需要浸三日以上,而我就買了純正官燕碎4768一斤,7折後真的平好多好抵食呀,還有東革阿里有馬來西亞人參之稱,聽聞醫糖尿好有效,其實佢都仲有好多功效的,我仲買左一條洞礦石做成的珠鏈,係幫助散熱,好似話如果發燒放係枕頭底會有助退燒,而我買的這一條仲係限量版,刻了佛字的,師兄都有買到一條,另外還買了兩個用錫制成的茶罐,最後再買左些少零食做手信,便回酒店沖涼再出發食晚飯。

晚上我們去了貴都海鮮樓食晚餐,我們點了紅燒鱷魚掌(炆得雖然好軟身,但可惜隻掌太細,冇乜肉)、蟹肉粟米羹(還可以啦)、花菇鹿筋海參西蘭花(如果d汁丙濃些就會更好味,但整體都幾好食)、招牌豬手係必食既(皮脆肉滑,又夠味)、招牌鑲豆腐(亦好好味)、另外想講講這間店的甜品真係唔錯,個芒果布丁(有好多果粒,加上又香滑而且不太甜,正呀)、椰子糕(又係好正)酒樓送的、奶油鍋餅(亦係值得推介給大家,好好味),埋單362馬幣,之後就回酒店休息了。




[ 本帖最後由 dusty 於 2009-2-19 00:54 編輯 ]

TOP

引用:
原帖由 mirotic 於 2009-2-18 17:35 發表
哈哈, 個人比較為食~~
每次睇你 d post都覺得d 野好好食~~!!!
哈哈哈多謝賞面

TOP

09年不一樣的沙巴17天勁食勁歎之旅(第十二天)KK編

今早睏醒後就出發去hill top地區的李黃記海鮮樓食午餐,這間店最出名食魚什既,我們六人點了不同的材料,我就點了魚旦魚唇河,湯底加入了番茄和魚骨煲成,非常鮮甜野味,好好飲,而魚旦有魚味,但就一般彈牙,特別推介係魚唇,非常厚可想而知條魚會有幾大條呢,我們還點了一窩魚什湯,即係所以材料都有啦,當中炸腐皮都好好食,還有一碟炸雲吞,炸雲吞係冇蝦的,全部都係用魚肉做成的,所以一樣都好鮮味,埋單145馬幣.

之後我們去了行下街街掃下貨,阿叔之後約左個朋友帶我們去買燕窩,這些燕窩係洞燕出產自山打根,同埋佢係家庭式運作,不過一般人唔可以去到的,要由熟客介紹的,同埋我們亦有折扣,血燕盞460一両,魚翅燕250一両,岩燕盞250一両,真係平過香港好多,最重要既係這些燕窩都係野生的,我們幫襯完之後,老闆娘還送我們每人一盞血燕盞試食,不過就經過人手處分過的.

回港後試了老闆送給我們的血燕價值RM190一兩,燕窩發得好大塊口感亦很好,真係平靚正啊.


之後再去行下街就出發去食晚飯,今晚食呢間叫記得來飯店,這間飯店係食野味的,我們點了一隻超大的水魚掌、清蒸東星斑、燒海南雞、炒水魚裙邊、蒜蓉炒通菜、蒜蓉蒸開邊蝦、藥材清燉鹿腩湯、燒腩肉、先講下隻水魚掌,炆得好淋,膠質很重,裙邊好厚可惜太少,

東星斑係雪藏貨,但都很鮮很滑,蝦好鮮甜,可惜蒸過火有些老,其他都不過不失啦,埋單540馬幣。

晚上再去和生園食街的皓利茶餐廳食消夜,其實主要來這間店食炸豬大腸的,很香很好味的, 可惜連續兩晚都一早賣哂了,我們唯有點了豬肉粥、蟹粥、雞粥同干撈麵、滷山豬肉,d粥麻麻地唔夠鮮味,反而個干撈麵就好食得多,個滷山豬肉都好入味同好淋,之後就固了
酒店休息。




[ 本帖最後由 dusty 於 2009-2-21 23:49 編輯 ]

TOP

 108 1234
發新話題
瀏覽我們
  • facebook instagram  weibo
 U Lifestyle      Beauty      Food      Know