怪風辛樂克.伴我遊台灣 (29/10 新增:Day 4 台北淡水行夜市) - 台灣旅遊 - U Travel 旅遊論壇 ::台灣,日本,韓國,英國,新加坡,澳門,自由行::旅遊討論區
遊玩情報     香港周圍遊     遊記     周末去邊度     特集     旅遊貼士    
發新話題
打印

[經驗分享] 怪風辛樂克.伴我遊台灣 (29/10 新增:Day 4 台北淡水行夜市)

怪風辛樂克.伴我遊台灣 (29/10 新增:Day 4 台北淡水行夜市)

今年中秋,去了台中和台北一趟
因為打風的關係,所以原本去的台中清境農場及住民宿都唯有取消
不過,仍然玩得幾開心,特別係台中,真係好多好有特色的餐廳,而且價錢相宜

Day 2: 台中遇颳風於 P.1 #7

Day 3: 台中遇颳風於 P.1 #12
新增 Day 4: 台北淡水行夜市 P.1 #16

Day 1:香港 -> 台中


上機喇,華信航空,旁邊的人話”點解架機仲細過巴士呢”



2+2坐位,不過坐落都幾舒服



個早餐,短程機來說是很好的了!



係香港的天空上,仍然很好天



但係去到台中已經烏雲密佈.....



台中清泉崗機場,一落機已經感受到颱風的威力







下機後,先去旅遊服務中心申請台灣青年旅遊卡,有很多旅遊點都有優惠



之後,坐台中朋友的車出台中市打邊爐,d牛肉勁新鮮!



唔講唔覺,以為係剌身來 tim!



平時很多人行的精明一街,因為打風都無晒人...



唯有早些回飯店,下面呢間我們還覺得ok la...不過真係幾平,1180 新台幣 (約港幣 300 元)



待續.....


[ 本帖最後由 wingkwok918 於 2008-10-29 12:11 編輯 ]
睇黎台中都唔錯wor~
之前去過台北已經覺得台灣d野好食又唔貴,我諗台中應該會更抵玩~

原來辦張台灣青年旅遊卡有著數架?參觀乜野地方有著數呀?
下次去台灣玩都整番張先~~

期待下一回呀~~

TOP

台中好似好抵玩... 有機會都想去睇睇

TOP

貴人出門招風雨 wor..
AE 既飛機餐比我想像中好 tim ,嘿嘿

係啦,期待下一回。
XD

TOP

引用:
原帖由 turqoise69 於 2008-9-30 16:13 發表
睇黎台中都唔錯wor~
之前去過台北已經覺得台灣d野好食又唔貴,我諗台中應該會更抵玩~

原來辦張台灣青年旅遊卡有著數架?參觀乜野地方有著數呀?
下次去台灣玩都整番張先~~

期待下一回呀~~  ...
其實青年旅遊卡都ok多野著數,例如清境農場、美麗華百樂園有優惠(多數都係打8 折左右)
不過好像有很多青年旅舍及民宿有聯絡,可以平d住房
可以上官方網頁 http://www.youthtravel.tw/ke/ytCard/zh_TW/index.html

台中d野真係好平,例如相中的打邊爐約 $150 一位,但係質素應有香港 $200 價錢
而且之後第二日食的燒烤仲平,約 $100,對比香港個d韓燒 $150 仲係食緊垃圾般真的差很遠

TOP

引用:
原帖由 sophiasun 於 2008-9-30 16:52 發表
貴人出門招風雨 wor..
AE 既飛機餐比我想像中好 tim ,嘿嘿

係啦,期待下一回。


我都估唔到,AE的飛機餐仲好食過KA個d
不過我覺得好看當日的彩數。

而且,可能因為打風的關係,架機係台中上面的搖擺程度,可毗美坐船遇浪咁
香港的搭客都「嘩嘩嘩」打到黎咁

TOP

Day 2:台中遇颱風

來到第 2 天,天氣還沒有好轉,清境農場之旅唯有泡湯了。乖乖地留在台中市吧.....

這是從酒店看出去的景色,簡單來說只是烏雲密佈啦....



台中市的情況。唔係講笑,真係好大風架!



看我的雨傘吹成這個樣子便知道....



台中火車站,行到去就落大雨....濕透...


台中的朋友們載我們去吃燒烤....





食物新鮮到呢...即刻覺得和香港的是天壤之別...









下大雨都沒有什麼東西好做,唯有看電影....



好抵架,110新台幣可以看全日,不過都係次輪電影。



台中朋友說這一檔的小吃「超好吃」的,那就試試看...






我對這個豬血做的米糕沒有什麼興趣...



台中朋友帶我去住另外一間在台中很hit 的汽車旅館.... 2200 新台幣..即係500多元港幣..有咁的質素..fit 到漏







估唔到台中市都可以玩 3 天,唔知第 3 天會做d 咩呢?

TOP

哇...燒烤果d 帶子真係睇到我流哂口水呀

well...唔怪得你睇我篇韓國牛肉咁好笑啦

TOP

有一朝早,台灣朋友好體貼咁買埋比我地食,但係真係怪怪地,可能我接受唔到佢係豬血造既。

wah.. 個washroom 好靚,仲要有埋 「心心樹」,唔怪得你話 fit 爆啦
XD

TOP

睇到流口水呀
個汽車旅館都好靚好舒服咁wor~
不過汽車旅館即係咩呀?

TOP

引用:
原帖由 turqoise69 於 2008-10-5 12:18 發表
睇到流口水呀
個汽車旅館都好靚好舒服咁wor~
不過汽車旅館即係咩呀?
汽車旅館其實係專給一些架車的旅客住的旅館
通常都會係一d比較無公共交通去到的地方
因為個度無咁近中心地帶,所以租都平d
不過,其實係市中心搭的士都唔係太遠
係美國汽車旅館好流行,亦即係所講的 Motel.

Day 3: 台中來當一天美國人

最後一天在台中,又拜託台中的朋友和她的媽媽車我地呢度去,個度去!

先來第一站,台中公園

台中公園的門口有一個心形的裝飾





台中公園最出名的湖,好多影台中的postcard 都係影呢度,不過今日天氣不好而已。



太陽堂餅家,是台中的朋友介紹的,比較正宗。其實太陽餅是台中的名氣手信,不過朋友說道有很多間都是不正宗。
太陽餅吃下去,很像是元朗的老婆餅般,個人喜愛情度一般啦





跟住係台中市內遊玩:



有一對新人正在拍婚紗照喔



這裏的感覺很悠閒,有很多小店子,而且還有可愛的小妹妹:










係台中市,今日特別覺得好像是去了美國一樣,因為去了以下的store:



嘩...個supermarket 大到呢,其實係美國類似 Wallmart 的設計。



汽水同美國一樣,都係免費可以再加!



18 吋大pizza,食都食死人!



Pizza, 肉卷都係 79 新台幣(約 HK$ 20),食到飽鬼晒!





來到一中一街









有無朋友可以話我知,下面個舊係咩來的?



離開台中前,來到呢度好像是澳門的舊建築區吃麵,很地道的




再來一碗陽春麵~



黃昏時份,離開台中,向台北出發。
坐高鐵? No la, 巴士平 3/4 呀(巴士:新台幣 120 / 高鐵:新台幣 500 )
坐兩個多小時,只係港幣 30 蚊,邊度搵?





晚上 8 時多,來到台北的第一中心點 --台北車站。



女朋友的朋友,正在等我們吃晚飯呢!今晚去食台北海鮮!好正



活魚刺身之也!



連在旁的貓仔也忍耐不住要吃魚呢!



今晚在台北住的酒店,好像很鬼魅呢.....不過係房尾,意頭真的不太好...



[ 本帖最後由 wingkwok918 於 2008-10-14 10:31 編輯 ]

TOP

好多謝wingkwok918豐富詳盡既報導!

台灣真係美食天堂,所有野我都覺得好好味
太陽餅同桂花餅我都覺得好好食

看圖競猜:果粒野係咪茶粿?

TOP

引用:
原帖由 turqoise69 於 2008-10-14 15:17 發表
好多謝wingkwok918豐富詳盡既報導!

台灣真係美食天堂,所有野我都覺得好好味
太陽餅同桂花餅我都覺得好好食

看圖競猜:果粒野係咪茶粿?
桂花餅私無吃過,不過鳳梨酥就真係唔試唔得。
Bingo, 茶粿答中晒,不過好遺憾地,呢個唔係有獎遊戲,無積分加....

TOP

引用:
原帖由 wingkwok918 於 2008-10-17 07:40 發表


桂花餅私無吃過,不過鳳梨酥就真係唔試唔得。
Bingo, 茶粿答中晒,不過好遺憾地,呢個唔係有獎遊戲,無積分加....
好野答中左~

桂花餅私無吃過--> 點解wingkwok918忽然講日文?

TOP

Day 4: 台北淡水行夜市

近來比較忙,未有時間update, 唔好意思

一早出門口,先搭捷運到我們的台北第一站景點,去台灣的人一定去過的中正紀念堂。

中正紀念堂的地下通道,站在中間影相好正好有 style 架!



中正紀念堂,去個日都無咩人,只有幾對香港人及外國人。





內裏的畫展。





嘩,像不像香港的臘像館呢?不過,唔俾入去影,有d可惜。





蔣公以前的座架之一。





行完,來到台北車站,真正的市中心。



台灣故事館,好多人都話 ok 好玩,但係時間所限,所以都係有機會先去啦!



台北車站乘淡水線(紅線)去終點站淡水途中,終於第一次見到相中的台北 101。



很有名的圓山大飯店。



來到淡水,第一件事就係走到海邊,好refresh!



唔覺唔覺,好快就到日落時間,行了去紅毛城。





我的影子







相中同畫中的山係唔係好似呢?



看完日落,去到紅毛城下的領事館 cafe 啖個 tea 先。





狗仔也懶洋洋的在睡:



我們的新同伴,7 仔陪我們搭捉運返市區喇~



來到台北一定要去的地方 - 士林夜市。當然唔少得的是去食大雞排啦!





嘩....麻辣豆腐,辣度可想而知...



隨離檔的煎蠔餅也不錯,好像專sell 香港客咁:「香港人,快快坐底試下」講的是廣東話。





士林夜市的街景。

TOP

你去幾多日呀?
我planning 5月去環島遊
你係買package的嗎?

TOP

引用:
原帖由 KwokLaiYing 於 2009-2-6 12:53 發表
你去幾多日呀?
我planning 5月去環島遊
你係買package的嗎?
不是的, 我是分開機票及酒店訂的
我去了  6 天而已,不過我都有 fd  上年9 月環島
用了兩個禮拜, 去完成個人 sunshine (黑了)不少

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know