遊玩情報     香港周圍遊     遊記     周末去邊度     特集     旅遊貼士    
發新話題
打印

[經驗分享] 2011沙巴飲飲食食休閒5天遊潛水+酒店+短片全卷完(超多相)

2011沙巴飲飲食食休閒5天遊潛水+酒店+短片全卷完(超多相)

今次一行七人去沙巴,之前亞航做特價時買到平機票,來回票係$690連稅及行李費,今次本人主要去考潛水牌,黎緊五月去詩巴丹潛水.
AK 6803 HK to BKI 17:55 to 20:55<------去程航班編號

AK6802 BKI to HK 14:20 to 17:25
<------回程航班編號

22-1-11 沙巴機場>TOSCANI`S意大利餐廳>
市區行街>宵夜>likassquare Apartment酒店

23-1-11
酒店>(隆美)東星魚旦麵早餐>街市買海鮮>NEXUS POOL VILLA酒店>BBQ(考潛水牌)

24-1-11 酒店半日>家鄉牛什午餐>KAMA'A Menu Spa按摩>好味海鮮茶室食野味晚餐>
市區行街
>NEXUS POOL VILLA酒店(考潛水牌)(四位團友再見螢火蟲遊)

25-1-11
早餐>海旺城茶室>
雙天>KAMA'A Menu Spa按摩>發記宵夜>Hyatt酒店Sea View(考潛水牌)(位團友雙島遊)

26-1-11


http://www.hyatt.com/hyatt/hotels/gallery/photos.jsp?hotelId=64&start=4
<------Hyatt酒店Sea View

http://likassquare.com.my/   Apartment酒店

http://www.perfectholidaysborneo.com/ 完美假期網頁


[ 本帖最後由 dusty 於 2011-2-8 10:00 編輯 ]
熱切期待你的潛水靚相呀~~~

TOP

引用:
原帖由 cooler 於 2011-1-5 09:21 發表
熱切期待你的潛水靚相呀~~~
今次係過去學潛水,唔知會否影到靚海底相,但五月果轉應該很精彩的

TOP

引用:
原帖由 dusty 於 2011-1-6 02:45 發表
今次係過去學潛水,唔知會否影到靚海底相,但五月果轉應該很精彩的
哇哇哇,你一月已經諗定五月的活動,真係佩服你呀!你工作係咪同旅遊有關架,可以周圍遊,好正呀!~

TOP

引用:
原帖由 cooler 於 2011-1-6 12:29 發表


哇哇哇,你一月已經諗定五月的活動,真係佩服你呀!你工作係咪同旅遊有關架,可以周圍遊,好正呀!~
因為之前亞航做特價時已買定五月的票了

TOP

期待你既靚相....

TOP

引用:
原帖由 JamieOliver 於 2011-1-7 15:38 發表
期待你既靚相....
謝謝你的等待啊

TOP

2011沙巴飲飲食食休閒5天遊更新DAY1(多相)

今日一行七人準時四點在機場check in,之後四圍睇下野等時間


班機準時18:05分起飛,大概三小時就到達亞庇了,之後就出發去市中心食晚飯


今晚選在TOSCANI`S意大利餐廳


呢位就係這餐廳老闆,非常熱情架,又主動介紹些美味的新菜給我們,聽完介紹後就點了蒜蓉包、龍蝦湯、蘑菇湯、海鮮湯、、鐵板虎蝦、炭燒虎蝦、四式薄餅(辣腸、三文魚、火腿、海鮮)、焗蘑菇、西班雅海鮮飯、紐西蘭羊腿、芝士焗龍蝦、墨汁意粉、芒果沙冰、蕉糖焗布丁、檸檬芝士蛋糕

蒜蓉包:蒜蓉味好香濃,包亦烤得脆,有水準


海鮮湯:非常鮮的湯,一碗裡面已經有咁多料,點會唔好飲呢?



蘑菇湯:這個湯係我最愛,湯比較杰的,但又飲得出有好多蘑菇碎,所以好濃菇味的



龍蝦湯:真係用龍蝦熬出黎架,所以蝦味十足呢



四式薄餅(辣腸、三文魚、火腿、海鮮)



三文魚



辣腸



海鮮
其實四款都各有特式,最緊要係好味,芝士又香,材料絕對唔少的,薄餅又夠薄,必食之一



西班雅海鮮飯:這個飯一樣咁出式,材料多之餘,味道及賣相都好正,d飯又夠煙韌



睇下隻蟹爆晒膏架



芝士焗龍蝦



我老婆勁喜歡這碟龍蝦,因為芝士非常多,包實晒每塊龍蝦肉,蝦肉又新鮮彈牙



鐵板虎蝦:睇下d蝦幾咁大隻,四隻都已經霸晒整個鐵板喇



炭燒虎蝦



真係大過我同老婆的手板架



蝦肉唔洗多講都知好味啦hahahaaaa



紐西蘭羊腿:我無試到



但老婆話d薯葺好好味



焗蘑菇



我覺得這個
蘑菇味係好濃,但就無口感



墨汁意粉:這碟意粉我們七個人都讚好味,因為墨汁濃得黎係無腥味,最衰就係份量太少喇......



蕉糖焗布丁:無試



檸檬芝士蛋糕:無試



芒果沙冰:黎這裡必飲的,因為芒果味很濃的



之後在市區行了一陣就再去富源食消夜,因為太掛住d拉茶及kaya麵包喇



kaya麥包焊底:因為得返麥包焊底,所以都照要,不過口感無麵包的好......



kaya麵包:麵包無總店的軟熟,但最緊要kaya夠新鮮



厚厚的麵包加埋一片牛油及kaya,咁簡單的配搭,但已經賣到開幾間分店,真厲害



凍拉茶:今次我醒目喇,一於要少冰,但感覺都唔少囉,不過真係勁好飲囉,我飲了兩杯先夠喉啊,之後就返酒店休息喇

TOP

2011沙巴飲飲食食休閒5天遊更新DAY2(超多相)

今天七點幾就起身去隆美食早餐,因為我9點就要去考潛水牌

等了成年又可以再臨舊地品嘗超美味的東星魚旦麵喇hahaaaaa

咁真材實料的魚旦麵都係賣rm7蚊咋,勁抵啊

不過今早唔知做乜?有班似議員的人員黎做埸大龍鳳,搞到勁難搵位泊車及勁多人啊......我食緊麵時還走黎握手,我心諗我唔係本地人呢......

真係東星班片黎架,還有個湯頭飲一啖就知係百份百魚骨熬出黎的,鮮到不得了

超級彈牙的魚旦,可惜無時間食多碗剩魚旦,只好等五月再去幫襯過
食飽飽後就出發去市區裡面的碼頭

呢隻船就係我們坐的喇,今日還有個香港女仔過黎潛水的,她都經常黎沙巴架,同d職員好熟

我們首兩日都係在沙比島學習

我在準備及檢查裝備是否正常

等待教練通知


終於有得落水喇hahahaaaaa

以上照片鳴謝香港女性朋友拍下的

教練好詳細地教導,不過呢幾日KK都有落雨,所以海水較濁,同水溫都比較凍

一群小魚圍埋一齊,這樣會安全得多

唔知這三條魚在食緊d咩美食

好得意的小丑魚

教練的泳姿真係好有美感啊!哈哈哈(擦下鞋先)

終於都完成早上的課程喇
畫面一轉就到了老婆他們的午飯時間,午餐在家鄉牛什食

牛什米粉

牛骨湯

牛筋

干撈[油面/米粉/河粉]
呢餐無我份,所以我唔多講......不過班團友食得很滿足

我就慘喇,得碟唔好味的炒飯食咋,諗起還有2日要捱,唉......




[ 本帖最後由 dusty 於 2011-1-31 16:36 編輯 ]

TOP

2011沙巴飲飲食食休閒5天遊更新DAY2(超多相)



島上一到午餐時間,d蜥蜴就會自動自覺出黎的,不過唔會主動去攻擊人類的,除非你手多去攪牠啦hahahahaaaa

原來沙比島係可以宿營的

休息了兩小時後,就繼續下午的課程,總共會潛兩次水的

海膽都唔少,所以要小心些

我們潛到水深大概15米

教練唔講我們真係唔會發現得到的,原來係條石頭魚黎架

下午兩次的潛水課程就完結了,之後我就回酒店準備豐富的bbq哈哈哈
點知打個電話同老婆報道時,老婆竟然話NEXUS POOL VILLA停電啊,我無聽錯啊?咁我就問她們現在點算?好彩她們都已準備好晒bbq的食物了,除了黑些之外,其它都無乜野,好彩現在KK晚上都比較涼的,如果唔係實熱死,不過我返到去都已經七點幾了,他們已經在開餐中,大概晚上八點電力就回復正常喇.
以下係我們bbq的材料,不過有些都唔記得左影

螄蚶

扇貝

虎蝦

香港帶過去的香腸

帶子

雞扒

香菇加忌廉醬

金沙骨

豬扒

雞翼

兩盤大沙律(同酒店訂的)

蘑菇湯

沙白

在後花園燒烤真係特別寫意的

班團友就邊食邊打麻雀

飲品

本來想薑蔥炒蟹的,點知他們忘記拿生抽、老抽、糖,所以我決定整個超級海鮮湯

d蟹已經填滿晒整個煲喇,然後加水待煲滾後

再加入帶子、扇貝、螄蚶、魚旦

隆美買的魚旦

材料都煮熟後就拿起d蟹,再加入大量的蔥就完成了

勁好美的啊(贊下自已先)hahahaaaa

TOP

2011沙巴飲飲食食休閒5天遊更新DAY3(超多相)

今早繼續在沙比島考潛水牌,早上的天氣非常好


不過浪就比較大


呢位就係來自香港的潛水女子,今天她都繼續有黎


今日早上第一潛就要到30米深的,壓力唔少呢


海星都玩一餐.....


就這樣完成了早上的課程


見到牠們就知道又係午飯時間,我又係食炒飯......
休息後繼續兩次的潛水活動


好巨型的海參啊,見到都覺得恐怖


迷你蝦


教練發現左下角的洞口有些異樣,因為有兩條長觸鬚伸了出黎


我把相機伸入洞裡面拍照,原來係個龍蝦的洞穴,還有很多龍蝦bb啊





石頭魚


雞泡魚


潛完兩次水後,上返水面時開始陰陰天及有雨,我們返碼頭途中更落大雨啊

2011沙巴飲飲食食休閒5天遊更新DAY3(超多相)


之後去了富源總店歎下午茶,因為大肚餓喇


kaya麵包


kaya麵包焊底


拉茶
晚上就去了好味海鮮茶室食晚餐,這間店上年都有去過,專門食野味架,今次我們點了豆豉蒸魔鬼魚仔、蒜蓉蒸魔鬼魚仔、咸菜大眼雞湯、紅燒巨鯊魚唇、苦瓜大倉魚、清炒菜心、魚膘炒蛋、椒蔥炒琵琶蝦、辣椒炒海鱟、藥材燉野生鱷魚掌.


先黎杯凍茶漱下口先


豆豉蒸魔鬼魚仔


蒜蓉蒸魔鬼魚仔


魔鬼仔細條比較好食,皆因肉質較滑,很鮮味


咸菜大眼雞湯:咸菜的味道很突出,可惜一人得一碗,太少了

紅燒巨鯊魚唇:呢隻鯊魚你估有幾重?答案係500公斤以上的,係有成千磅重的鯊魚,不過我們只食牠的唇,因為骨膠原超豐富的,睇下幾咁厚就知啦,正啊


苦瓜大倉魚:苦瓜超好味,完全唔苦架,條倉魚變了配角添hahahaaa,其實條海倉都一樣好味架


清炒菜心:菜很甜


魚膘炒蛋:無乜特別,但老板話這樣炒法勝在夠串喎......


椒蔥炒琵琶蝦:味道夠晒野味,只係草蝦的價錢,超抵食


辣椒炒海鱟:五億年前已存在的生物,我們點的呢隻其實很巨型的,比我以前食的更大,不過我唔喜歡這樣炒法,太辣喇......浪費了


藥材燉野生鱷魚掌


嘩嘩嘩!!!真係成隻手掌咁大架


睇下隻手指尖幾咁兇猛

鱷魚皮非常厚啊,越食越黏口,食到個咀都開唔到......重勁過膠水啊


骨膠原萬歲,女人的恩物,我老婆不停密密食


啖湯精華所在,勁濃味,好補啊
食飽後就回酒店休息喇


怡保白咖啡


蜜瓜奶

TOP

2011沙巴飲飲食食休閒5天遊更新DAY4(超多相)

今天係考潛水牌的最後一日,而今日的訓練場地分別在蘇緣島及馬慕迪島


這個蘇綠島係近市區最漂亮的,水質亦較好一些的


今早在蘇綠島訓練完後就回馬慕迪島食午餐,不過午餐都無乜特別

以下係老婆她們在海旺城茶室的午餐

紅燒龍躉


粉絲蝦煲


魚什湯

下午我們繼續在馬慕迪島潛了兩次

就這樣完成了今次高級牌照的考試,回程時天氣不穩定,有雨及大浪


之後我去了KAMA'A Menu Spa按摩店同四位團友會合,我就選擇了草藥球及腳底按摩,非常舒服,因為辛苦了三日終於可以鬆馳下神經喇.

TOP

2011沙巴飲飲食食休閒5天遊更新DAY4(超多相)


然後就出發去雙天食晚飯,估唔到雙天現在的規模大左咁多


睇完晒海鮮後,我們點了奶油虎蝦、白灼跳螺、白灼螄蚶、沙白湯、清蒸石頭魚、清蒸筍殼魚、薑蔥炒蟹、蒜蓉炒菜心仔、-蒜蓉炒通菜、桔仔冰、榨碎桔仔冰,埋單$rm675.5蚊.


我們選擇了rm50隻的那種,絕對長過手掌架


奶油虎蝦:奶油撈飯係指定動作,加上d蝦肉非常之彈牙,四朵金花邊食邊贊好味
睇下蝦頭都有很多膏架


白灼跳螺:跳螺好大好多肉,味送超鮮甜

白灼螄蚶:螄蚶我係好鐘意食的,但在香港及內地就唔敢食,但在沙巴就唔同,因為水質乾淨很多的
沙白湯:這個湯又係必飲的,因為平靚正,沙白厚肉得黎又唔韌,果啖湯試過就知係上品


清蒸石頭魚:今次的石頭魚我們非常唔滿意,因為肉質無彈性的,同埋d骨唔係綠色的,我們即時投訴啦,之後廚房就解釋話:石頭魚有兩隻品種的,今次我們食的係肉質較腍些的,搞到鬼咁失望......


清蒸筍殼魚


好彩呢條魚靠得住炸,肉質超滑的,食到耳仔都郁埋啊


魚肝被啊珠一啖食晒啊......少少都唔留俾我!


薑蔥炒蟹:蟹肉好鮮甜的,呢種蟹係較深海的,所以價錢亦會貴些的


差些大過我手掌啊


蒜蓉炒通菜


蒜蓉炒菜心仔


桔仔冰:唔飲唔安樂的桔仔冰


榨碎桔仔冰


單據
飽飽後就在市區行下街買下雪條食,然後就出發去發記食宵夜


咸菜豆腐湯:這裡的咸菜好好味架,加上滑滑的豆腐,有水準


南乳骨:排骨非常之腍,南乳入晒味啊


蜜汁雞翼:雞翼都好野味架


豬油渣炒福建麵:主角出場喇,叫了廚房落多些豬油渣去炒的,碟都未放低,個個都已經聞到很香的味道,唔洗講一陣就已經清晒


蒜蓉炒菜心:菜心又脆又甜
食飽飽後來就行返去酒店,因為非常近.

TOP

2011沙巴飲飲食食休閒5天遊更新DAY5(超多相)

唔經唔覺下午就要回港喇,所以早上在酒店食完早餐係就出發去買手信,我們由旅行社安排去了豐盛海產店


裡面見到我偶像的生招牌呢


海參


龍蝦仔肉


虎蝦


各種東星班


好大條的倉魚


我們滿載而歸啊,不過提醒各位,每人只能帶7KG內的重量回港
之後就去機場辦手續回港


叻沙:味道比想象中好,無乜選擇的話算唔錯


炒河粉:味道唔錯,但很油


今次主要去考潛水牌,所以玩的、食的、影的都較少,不過五月尾我會再回來的.heehee


TOP

2011年沙巴飲飲食食休閒5天遊-Likas square酒店編

Likas square 今次我們訂的係3房的


以上係套房


另一間雙人房


另一間雙人房

廳的洗手間

TOP

2011年沙巴飲飲食食休閒5天遊-NEXUS POOL VILLA酒店編

NEXUS POOL VILLA 今次我們入住係有三間房的

後花園


大廳


廚房


大廳洗手間


另一間雙人房

另一間雙人房
以上係套房

TOP

2011年沙巴飲飲食食休閒5天遊-Hyatt酒店編

今次我們選擇住Hyatt酒店,因為房間係全面新裝修的

酒店大堂

食早餐地方

麵包店

日本料理店

酒店贈送的飲品
以下係我入住的Club King房間

房間出面的景觀
以下係啊珠她們住的雙人Sea View房間

以下係師兄住的單人Sea View房間

TOP

2011年沙巴飲飲食食休閒5天遊-Hyatt酒店編

以下係酒店的早餐,種類算多及有質素的

TOP

2011沙巴飲飲食食休閒5天遊更新潛水短片

TOP

好精彩呀, 我下個月會去沙巴玩, 睇完立刻想出發 ^^

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know