遊玩情報     香港周圍遊     遊記     周末去邊度     特集     旅遊貼士    
 75 123
發新話題
打印

[經驗分享] 2010年上海世博美食6日5夜之旅世博攻略+美女編(超多相)完

RE: 2010年上海世博美食6日5夜之旅day4-世博編(PART43)



哈薩克斯坦館




23.摩洛哥館

24.卡塔爾館

25.土庫曼斯坦館

以色列館

26.阿曼蘇丹館

27.巴基斯坦館

睇完巴基斯坦館後,我們就決定去食晚飯

2010年上海世博美食6日5夜之旅day4-世博編(PART4)


我們選擇黎呢間店叫塔哈爾,係食正宗新疆菜的,我們點了小盤雞、羊肉串、烤羊排、烤雞翼、一品鑲、香茜牛舌、香蔥野木耳、熗蓮白、涼拌青瓜、魚羊二鮮鍋仔、過油肉伴麵、新疆哈密瓜排、酸奶、新疆黑啤,埋單$357

新疆烤羊肉好出名的,這個細路技術好似幾好

涼拌青瓜:青瓜好清新爽脆

香茜牛舌:普普通通

烤羊排:羊排烤得好香,肉質幼嫩,一點都不羶的

小盤雞:這道菜初初以為會好辣的,但食落完全另一回事,d 汁好野味及濃得黎唔會好咸

配上這個類似


羊肉串:羊肉烤既時間剛剛好,食落好有肉汁的


烤雞翼:雞翼烤得過了火......

香蔥野木耳:木耳都幾爽,這樣炒都幾清淡,但就食得出木耳的味道

熗蓮白:其實係椰菜,但個汁係黑醋煮的,但就好好好味道呢

魚羊二鮮鍋仔:見到有魚有羊唔洗講都知有幾好飲啦,這個鍋其實有好多材料的,黃花魚的味道好搶,個湯非常好飲

這個透明物體似薯粉或葛粉,煙煙韌韌


過油肉伴麵:蕃茄汁好好味,麵質又有彈性

一品鑲:其實係很多羊雜,但我最喜歡係羊肚,要黎配酒飲一流

新疆黑啤isa姐都讚口不絕啊

酸奶:其實真的幾酸,但配上新疆提子乾後,味道即刻唔同晒,咪睇少這粒提子的威力,極之清甜,我之後都買了一斤回港啊

新疆哈密瓜排:未食之前還在想新疆哈密瓜出名又甜又多汁的,點知原來我們點的係密瓜皮......激死,我都唔多想多講喇


食飽飽後就回酒店休息

TOP

2010年上海世博美食6日5夜之旅day5-(超多相)

今日基本上的行程都係在南京西路,因為要買手信


我們的早餐選擇了在南京步行街附近的永和豆漿,我們點了咸豆漿、甜豆漿、炒米粉、炸油條、栥飯、排骨年糕、蛋餅、鮮肉小餛飩,埋單$86蚊

炒米粉:估唔到米粉炒得幾香,缺點係油左些少

咸豆漿:味道好豐富,有油條、銀蝦仔,好正

甜豆漿:豆味都幾濃
炸油條:即點即炸,但唔脆又唔香......

栥飯:這飯團都算過得去,起碼肉鬆係幾香的,如果落多些就好了

排骨年糕:年糕係輕輕炸過的,所以外脆內軟,排骨就很差了,用好多鬆肉粉醃過的,不過個醬汁係幾好味
蛋餅:又係上海地道小食,薄薄的蛋漿,但就食到淡淡的蛋味

鮮肉小餛飩:我覺得餛飩大粒了點,我喜歡超細粒的

我們買了一斤金華火腿,不過都幾貴


臘豬頭


超大粒的荔枝,不過勁貴


我們都買了好多粽回港,特別係互芳齋的


下午飯去了黃河路食街


小楊生煎


大家食的時候一定要小心燙咀,因為d肉汁又多又熱的,真係皮薄餡靚


油豆腐牛肉粉絲血湯:個湯好好飲,粉絲又好味


第二站係佳家湯包,我們點了純蟹粉小籠包、蛋黃野肉小籠包、鮮肉小籠包、雞鴨血湯、埋單$130.


價錢牌


如果要薑絲的話,係要俾$1蚊碟的

純蟹粉小籠包:價錢比上年貴左,$96蚊有12隻的

比一般的小籠包大很多的


皮薄得黎又唔易穿,師父的技術真係好


睇下d蟹粉幾咁多,啖啖都咁香濃,非常美味啊,鼎泰豐都要企埋一邊啊


蛋黃野肉小籠包
我覺得無乜特別,蛋黃搶晒其它的味道


鮮肉小籠包:食得出肉既鮮味,

雞鴨血湯:個湯好似飲白開水咁樣,無黎味道

單據

TOP

2010年上海世博美食6日5夜之旅day5-(超多相)


晚餐我們就在創興金融中心裡面的蘇浙匯食晚飯


餐廳裡面的裝修得幾靚,我們六點黎到還未入得,但記得要一早打去訂位的


d職員企晒在門口被啊頭訓話


我們都買了一盒,裡面係獨立真空包裝的

我們點了干燒四季豆、老醋海蜇頭、招牌樟茶鴨、特別黃魚羹、清炒河蝦仁、椒鹽手抓餅、蒜椒白肉、蔥油拌麵、蝦籽蹄筋、雞汁白靈菇、鱔糊、招牌香棗椰糕、特色寧波湯圓、生果盤,埋單$749蚊.


前菜小食:花生炸得幾香口,另外一碟都好味


干燒四季豆:四季豆睇落外層好乾身,但其實內裡好嫩多汁,個師父控制得剛剛好

老醋海蜇頭:海蜇頭唔講都知係脆的,因為成本都貴過海蜇很多的,但今次特別想講講他們用的老醋,真係好美味

招牌樟茶鴨:這隻鴨真係非點不可,鴨肉嫩滑之餘,他們用的醬汁非常夾鴨的味道,不同於一般的醬鴨,我們個個都贊口不絕

這籠包係配樟茶鴨黎食的,包做得好好,非常軟熟及唔乾身,

特別黃魚羹:這碗黃魚羹有別於一般上海食店的,一般食店通常都會落胡椒粉黎辟走d腥味的,但這間就完全無落,黃魚的鮮味很凸出,黃魚的肉質超滑啊

清炒河蝦仁:這碟蝦反而有點失望,河蝦肉質唔算好彈性,反而碟醋好味好多嘻嘻

椒鹽手抓餅:這個餅又係驚喜之一,脆之餘味道亦好香濃,必點

蒜椒白肉:回窩肉的味道,但肉質就好嫩

蔥油拌麵:蔥味都幾香,裡面亦加了些蝦米,令到味道更豐富

蝦籽蹄筋:蹄筋就好腍滑,但蝦籽一點都唔香,令到成碟菜的味道都差晒,變得非常普通

雞汁白靈菇:菇的味道好濃

鱔糊:這碟鱔糊其實煮得好好的,味道唔會太濃,可以鱔比較細條了些,唔夠肥美

招牌香棗椰糕:棗的香味好濃,糕的口感係煙煙韌韌的

特色寧波湯圓:非常普通的湯圓,唔係正宗寧波的

生果盤

晚上我們返酒店時去了對面的街邊檔買宵夜食


好多款式都係$1蚊串,最估唔到的係個老闆娘竟然認得我,可能無人會這樣影相啦hahahaaaa,還送了幾串給我們,真係非常熱情


這個係老闆個仔


叫了三份不同的炒麵


買了很多串,但價錢就好鬼平,好抵食


三款不同的麵都係炒得好夠鑊氣的,味道亦很好,起碼食完唔口渴

TOP

RE: 2010年上海世博美食6日5夜之旅day6-(超多相)

今早起身我們就在酒店附近搵早餐食,因為呢幾日食得太多酒店既早餐了,行行下竟然在酒店後面見到個街市,所以決定入去睇睇


這些係蠶豆,上海的特產,我都係第一次見到原貌

她們好忙地割雞,不過姿勢好得意,我忍唔住偷偷影了


其實這一帶還保留了一些舊區的感覺,街市裡面很熱鬧,完全感覺到他們街坊的和藹可親,可能他們都係舊街坊吧


之後在酒店對面發現一種好吸引的食物,很多人幫襯的,我們當然要試試啦,反正個肚都餓壞了


老闆話自已係山東人,呢些係山東地道早餐,名叫山東煎餅



我覺得這塊餅的靈魂係果塊好脆的物體


咪睇呢塊餅的材料好似好普通,但味道非常好,裡面類似擦了海鮮醬、蔥花,加上塊餅皮係好薄薄的,熱辣辣脆卜卜,口感又好,還可以擦辣椒醬在裡面的
過幾間舖就發現專賣包的,這個菜肉包裡面還有肉汁流出黎架


青菜包(大白菜):d青菜塞到滿滿的,但我無試到,因為很飽了,加上要留肚食午餐


王子百貨裡面的麵包店


蛋撻我無試到,但師兄話味道唔錯

TOP

RE: 2010年上海世博美食6日5夜之旅day6-(超多相)



午餐我們就在王子百貨裡面間申宴酒樓食,這間店係新開的,亦係上海朋友介紹的


裡面裝修都幾唔錯的


我們之前訂了位,安排在VIP房裡面,當然這酒店有好多間VIP房的,我們點了水晶肴肉、古法蒸鲥魚、汾酒醉雞、家常炒飯、翅湯娃娃菜、豉油黃肚尖、絲瓜毛豆、黃魚海參羹、滷水拼盤、醉蟹鉗、醋椒海蜇頭、鹹菜百葉絲,埋單$549蚊.


黃山菊花杞子茶


水晶肴肉:我覺得很一般,肉質乾了些


古法蒸鲥魚:之前就聽得多,但就無機會試到,今次總算硬起心去試試,因為半條都成$200蚊的,點解咁貴?因為越食越少及係野生的,通常都都係連魚鱗蒸的,但d魚鱗係幾脆,有點似薯片(誇張了少許),但個汁係用糯米酒蒸的,令到條魚更鮮味,可以話係絕配


魚肉唔算幼嫩的種類及幾多骨的,所以食時要小心


汾酒醉雞:這隻醉雞真係俾到我驚喜,可能我對上海的雞無晒期望啦哈哈哈,肉質嫩滑、又少肥膏,正啊

家常炒飯:這個飯唔知點講好,d飯一粒粒炒得好分明,但就有點硬,似係珍珠飯的感覺,可能我食慣軟飯啦哈哈哈

翅湯娃娃菜:初初還在想,三十幾蚊點會有翅湯你食,點知上到檯個賣相幾吸引,個汁好似幾濃味,食落真係幾濃翅的味道,津白吸晒d翅汁又甜又好味,最重要係唔鹹嘛

豉油黃肚尖:肚尖滷得又腍又爽口,味道又夠

絲瓜毛豆:其實平時我都唔會食絲瓜的,但呢度的絲瓜好甜的

黃魚海參羹:我飲第一啖已感覺嘛嘛地,無蘇浙匯咁好味,因為胡椒味太重,蓋過晒d黃魚味

滷水拼盤:整體都唔錯,滷得入味之餘又唔會鹹

醉蟹鉗:成碟差唔多我食晒,蟹鉗酒味唔算好濃,剛剛好,加上去了個殼,真係夠細心嘻嘻



醋椒海蜇頭:差唔多餐餐都心點的,這間都做得好味,
海蜇頭夠脆又夠凍


鹹菜百葉絲:這碟我覺得煮得很差,差在d味道好唔得,古古怪怪,所以無乜人食

TOP

RE: 2010年上海世博美食6日5夜之旅day6-(超多相)


之後我們紅過昨晚的教訓後,今次預早很多去搭地鐵再轉磁浮火車


磁浮火車早、午、晚開的時遠都唔一樣,下午係最快的


時速成431km/h


大約七分鐘時間就到達浦東機場


我們係搭國航,即時去辦理登機手續先


我的行李重量,今次輕好多呢


我們入到禁區後,見還有大把時間,所以飲個下午茶先,我們點了冰滴咖啡、芒果沙冰、咖啡雪泡、玫瑰花茶、雪梨西芹汁,埋單$205蚊

冰滴咖啡:難飲,唔識欣賞


芒果沙冰:沙冰唔夠幼細,味道就還可以


咖啡雪泡:無試


玫瑰花茶:師兄話好飲過環球金融中心果間喎


雪梨西芹汁:無試


終於到登機時間了,估唔到話咁快就完成今次的旅程


飛機餐


麻婆豆腐:一般般


肉絲炒麵:難食

TOP

磁浮又真係好快喎!!我未試過呀!通常上上海都係坐機場二號線巴士〔因為我多數坐下晝機,去到時磁浮應該已經收車啦〕,去到靜安寺落車〔回程巴士站都係久光旁邊個停車場咋〕;耐就耐d,大約50分鐘左右啦;不過都幾方便囉!好便宜,rmb22.00咋。。。

TOP

你講起街頭小食,之前出差上上海,都係住延安西路武夷路邊,朝朝早都會見都有人推車仔賣即做旦餅,就好似你張相隻咁,大約rmb1.00一份,好多本地人都買做早餐。。。
不過我就鍾意食一間叫天山大飽〔賣旦餅旁邊〕豆沙飽,直徑有成差不多4吋,皮算薄,好多餡,rmb1.00;我食一個已經可以飽晒;好抵食!佢仲有其他包點賣,朝早係排晒隊!!得閒可以去試下喎…

TOP

引用:
原帖由 leekris 於 2010-7-1 11:39 發表
磁浮又真係好快喎!!我未試過呀!通常上上海都係坐機場二號線巴士〔因為我多數坐下晝機,去到時磁浮應該已經收車啦〕,去到靜安寺落車〔回程巴士站都係久光旁邊個停車場咋〕;耐就耐d,大約50分鐘左右啦;不過都幾方便囉!好便 ...
我知道機場巴士係方便,因為我酒店都近上海火車站的,不過他們想搭磁浮,磁浮都開到好夜的。

TOP

引用:
原帖由 leekris 於 2010-7-1 11:57 發表
你講起街頭小食,之前出差上上海,都係住延安西路武夷路邊,朝朝早都會見都有人推車仔賣即做旦餅,就好似你張相隻咁,大約rmb1.00一份,好多本地人都買做早餐。。。
不過我就鍾意食一間叫天山大飽〔賣旦餅旁邊〕 ...
豆沙包我麻麻地,不過上海好多地道食物都平到笑啊

2010年上海世博美食6日5夜之旅-世博美女編

今次影的美女集係受朋友的所托,可惜有些相係out force得好厲害,希望各位滿意啦.


[ 本帖最後由 dusty 於 2010-7-2 01:30 編輯 ]

TOP

我鍾意幫人蓋章著杏色V領衫〔側面〕個鬼妹,個輪廓好靚呀:s ..... 不過正面係咪都咁正呀???

TOP

引用:
原帖由 leekris 於 2010-7-2 18:59 發表
我鍾意幫人蓋章著杏色V領衫〔側面〕個鬼妹,個輪廓好靚呀:s ..... 不過正面係咪都咁正呀???
這個係西班雅館的,正面都係唔錯的

TOP

貼錯..................

[ 本帖最後由 dusty 於 2010-12-11 02:00 編輯 ]

TOP

 75 123
發新話題
瀏覽我們
  • facebook instagram  weibo
 U Lifestyle      Beauty      Food      Know