遊玩情報     香港周圍遊     遊記     周末去邊度     特集     旅遊貼士    
 93 1234
發新話題
打印

[經驗分享] 2010年沙巴11天勁食勁歎勁好玩之旅-KK詳細攻略全卷完超多相

2010年沙巴11天勁食勁歎勁好玩之旅-KK詳細攻略全卷完超多相

今次一行七人三個月前訂了亞航深圳直飛KK,不過價錢好浮動下,有些就六百幾、九百幾、千二蚊都有,但去程和回程都係同一日。

鳴謝:沙巴完美假期旅行社提供資料及意見,另外更要多謝特別團友同我們到山打根玩樂,掛名團友Edmond(自稱釣魚小王子)、三陪團友(Tracy妹妹)陪玩、陪食、陪飲、打雜團友(爛GAP Tony揸)打點一切大小事項

(Day 1) 26/02-機場>富源>海王城>ThePlace宵夜>LIKAS SQUARE

(Day 2) 27/02-(
隆美)東星魚旦麵早餐>萬利公司(私人燕窩莊)>家鄉牛什午餐>NEXUS POOL VILLA酒店>新佳雅鮮餐廳睌餐>酒店


(Day 3) 28/02-酒店>李黃記海鮮>Centr POINT商場>菲律賓市場> TOSCANI`S意大利餐廳>發記茶餐室宵夜> LIKASSQUARE

(Day 4) 01/03-
神山攻頂> 2D1NVia Ferrata Walk The Torq / Mesilau Naturebbq

(Day5) 02/03-神山山腳>桂冠餐廳沙嗲/啊三叻沙湯底火鍋>東方按摩>LIKAS SQUARE


(Day 6) 03/03-KK
機場/ 山打根/睇長鼻猴Labuk Bay >森森海上風味勁食海鮮大餐>SWISS-INN Hotel>市內觀光>海上皇餐廳晚廳>酒店

(Day 7) 04/03-Selingan Island(海龜島)

(Day 8) 05/03-
海龜島>Lankayan 朗 卡央島體驗潛水/浮潛


(Day 9) 06/03-山打根>南財肉骨茶早餐>新民興牛屎撻>九記午餐>老細茶餐廳>機場>KK>夢幻島

(Day 10) 07/03-
夢幻島>忘憂島>朱古力店買手信>私房菜
紅燒魚唇,炒魚漂, 鯊魚骨晚餐>Imperial酒店

(Day 11) 08/03-回港

http://lankayan-island.com/ 朗卡央島
http://www.gayana-eco-resort.com/bungaraya_site/index.html  忘憂島/夢幻島
http://www.goldendays.co.uk/SelinganIsland.html 海龜島
http://likassquare.com.my/   Apartment酒店
http://www.nexusresort.com/new/ 酒店

http://berlincompanyexchangelimited.blogspot.com/ 香港百年找換店
http://www.airasia.com/ 搭內陸機是亞州航空



[ 本帖最後由 dusty 於 2010-4-29 18:34 編輯 ]

2010年沙巴11天勁食勁歎勁好玩之旅(DAY1)

今日一早起身搭西鐵去柯士甸站,然後行去圓方裡面的中港通車站,我們之前在7仔買了單程車票去深圳寶安機場,價錢$100蚊.


我們九點半開車,大概十一點就到達,然後在D區裡面辦登機手續,不過深圳機場真係檢查得幾嚴.



之後去了餐廳食下野,我們點了揚州炒飯、三絲炒麵、海鮮炒飯,埋單$214蚊,都很貴又唔好味.

三絲炒麵:麵炒得求其又唔香,米粉好似隔左幾日咁......

海鮮炒飯:呢個還可以,不過就好事油好事油

揚州炒飯:同海鮮飯一樣......
之後我們算準時地在1點半就起飛
大概410分就到達KK


而完美假期的車亦在門囗等我們,第一站先去新店的富源食麵包及拉茶,不過舊店的質素比新店好




kaya麵包:新鮮的kaya真係特別好味的





kaya西多:這個西多真係非常之脈,好食過麵包果種





拉茶:呢間的拉茶在KK算係數一數二好飲的,但d冰就越黎超多......

第二站就去LIKAS SQUARE
酒店辦理手續,途中見到對面發生山火,聽話KK成個月都未落過雨了,所以天氣真係幾熱下




第三站就去了找換店唱錢


之後就去了海王城食晚飯,相比幾年前的海王城,現在裝修得又大又靚,我們點了清蒸石頭魚、奶油老虎蝦X8、白灼跳螺、蒜蓉蒸象拔蚌、蒜蓉炒芥蘭、蒜蓉炒菜心、招牌豆腐、咸菜海鮮豆腐湯、埋單RM$545




TOP

2010年沙巴11天勁食勁歎勁好玩之旅(DAY1)


醃木瓜:這間的木瓜醃得很好,味道唔會太過醃,木瓜好爽口又醒胃

蝦片:好脆脆呢

桔仔冰:等了一年終於又再相遇喇,飲一杯又點會夠啊?

攪醉桔仔冰:呢個係師兄的最愛,因為桔仔係攪碎晒的,所以會比較酸的


白灼跳螺:跳螺好大隻,連d肉都好大條,d鮮味搶住彈出黎啊

蒜蓉炒芥蘭:賣相唔似係芥蘭,但味道就好似

蒜蓉炒菜心:菜心好甜又無渣


清蒸石頭魚:這裡的石頭魚比較細條,所以肉質都很一般,有點失望

蒜蓉蒸象拔蚌仔:象拔蚌仔蒸得剛剛好,又嫩又鮮甜,啖啖肉食得好痛快

招牌豆腐:裡面主要有雞肉,但我唔太欣賞

咸菜海鮮豆腐湯:一睇到咁新鮮的材料都知啖湯一定唔差得去邊啦,d咸菜好爽口下,咁熱既天氣飲呢種湯最好的

奶油老虎蝦:d汁做得幾好,拿來撈飯超好味的,蝦又好彈性


然後去了超市買些日用品,這間店開到晚上11點半的,離巿中心大概5分鐘車程




之後大家回酒店休息一下,到了10點半我們4個人出發去The Place宵夜,其餘3個朋友因為太累所以唔去,我們去到就點了炸魚、牛骨湯、什菜讓尤魚筒、海鮮炒冬粉、芒果奶式、今次食完後發覺差了很多,所以唔會再去了,跟住就回酒店休息.



炸魚:外脆肉嫩,但淡水魚都有一點泥味,所以一定要點豉油黎食


芒果奶式:依然好濃芒果味,正啊

牛骨湯:超級大退步及失望,牛味超淡又多油,睇黎呢次係我最後一次幫襯了

什菜讓尤魚筒:尤魚好厚肉又唔會太干,但我唔喜歡裡面有很多薑粒,味道都幾辣下





海鮮炒冬粉:味道炒得好好,呢碟最好味

TOP

2010年沙巴11天勁食勁歎勁好玩之旅(DAY2)

今早一早起身就出發去麗都街市,裡面很多新鮮的貴價魚買的,價錢還好平好吸引

之後去附近的隆美餐廳,呢間店很出名食東星魚旦,自從三年前食過後就念念不忘,我們點了東星魚片魚旦河、喇沙東星魚片魚旦麵、干撈麵、白倉魚片魚旦河、淨東星魚片魚旦、淨魚旦、淨倉魚、埋單57RM,很高興老闆的執著,堅持用新鮮魚來做個湯底,所以同三年前的味道一模一樣的.

隆美餐廳就在麗都街市KFC隔離,好易就找到的

干撈麵:個豉油汁好好味,麵又有少少彈性

東星魚片魚旦河:東星魚片好新鮮又雪白,湯底鮮味十足,咸酸菜又爽口

淨東星魚片魚旦:同上面一樣

白倉魚片魚旦河:這裡的白倉係貴過星班的,上年錯過了,今年一定要食到,倉魚白雪雪,肉質實淨、呢碗麵材料多得緊要,差唔多有成條魚架

淨魚旦:唔叫返碗淨魚旦邊夠食架,魚旦彈牙不在講,魚味重好濃,香港都幾難食得到咁正的
喇沙東星魚片魚旦麵:無試

熱奶茶

熱咖啡

呢餐真係食得好滿足呢


之後我地去了拿車近市中心的商場唱錢及行街

完美假期的車

啊叔架車......

KK塞車真係越來越嚴重了

WISMA MERDEK就在HYATT 酒店隔離的


呢架車好多懷舊零食賣架

不知名的地道小食,不過我太飽,所以無食到

呢間店係啊叔的朋友開的,之前都有黎換錢的,因為他給我們個匯率係最好的.


TOP

2010年沙巴11天勁食勁歎勁好玩之旅(DAY2)

跟住中午飯就去了家鄉牛什食,人未到就聞到好濃郁的牛味,我們點了牛什湯河、牛什撈麵、三式奶茶、拉茶、埋單唔記得了幾錢.

這間店好出名的,連馬來西亞極紅星級廚師都黎幫襯就知啦

頂級超辣誇張了少許HAHAHAAA

睇下D滷水汁幾咁濃

好濃的牛骨湯

牛雜麵好多唔同的材料,個湯底無得頂啊

牛舌:好嫩滑

蘿蔔:好甜好入味,最緊要係無渣嘛

一睇D色就知幾咁入味啦,很好味

剩撈河

牛肉碎撈河

三式奶茶:裡面有練奶、咖啡、茶葉,味道幾好黎,新野黎架

拉茶

芒果布丁:芒果味唔算濃,但就幾清新
晚飯就去了新佳雅食海鮮,呢間店雖然選擇唔算多,但價錢都幾划算,我們點了清蒸游水黑星班、薑蔥炒肉蟹、蒜蓉蒸大蝦、馬拉盞炒通菜、海皇煲、西蘭花扒冬菇、蜜糖雞、白酒浸沙白, 招牌炒飯,埋單RM$473蚊,然後就返酒店休息喇。

炸花生小食



攪碎桔仔冰



桔仔冰



清蒸游水黑星班:條魚蒸既時間非常好,肉身非常幼嫩



蒜蓉蒸大蝦:呢種蝦係虎蝦興草蝦配種出黎的,蝦肉好彈牙又夠鮮甜



馬拉盞炒通菜:通菜焗得太熟了,失敗

蜜糖雞:味道做得好野味,要黎送酒一流,可惜我唔飲酒的heehee



海皇煲:裡面有很多不同的材料,主要有海參、魚標、魚肚、鮑片,整體唔錯架



白酒浸蛤貝:初初見到咁大隻以為煮出黎的肉會好韌的,因為通常都係飲果淡湯,點知剛剛相反,蛤肉好嫩,湯勁鮮甜






薑蔥炒肉蟹:呢種蟹係紅樹林種,所以特別兇惡又大隻,要揀靚蟹只需要用手嚇一嚇它就知道,蟹肉非常結實,蟹味特別甜的,最緊要係價錢一點都唔貴的



西蘭花扒冬菇:一般水準



招牌炒飯:飯硬了少許及比較油

TOP

2010年沙巴勁食勁歎勁好玩之旅NEXUS POOL VILLA酒店編


KK巴士總站

今日我們入住NEXUS 酒店,分別入住POOL VILLA及舊區那邊,等我先介紹POOL VILLA,裡面係兩房一廳的同埋全部套房都係對海的

呢個係大門入口,係一間獨立屋,看似很豪華的

入面有拖難供應


大廳的天花


裡面亦有生果盤供應的


大廳


主人套房


房間的設備


主人房洗手間,裡面有按摩浴缸、一個站立式浴室


廚房係可以煮食的,裡面的什麼食具都齊全的

以上係另一間房,分別有兩張床位
大廳的洗手間



門口獨立泳池



獨立屋的後面



隔離



會所的泳池

TOP

2010年沙巴勁食勁歎勁好玩之旅NEXUS POOL VILLA酒店編



個沙灘海岸線都好長下



好得意的寄居蟹



入夜後沙灘都幾大風



師兄掛住晒太陽



迷人的海灘加迷人的日落,所以同老婆合照了很多相



晚上的海灘



晚上老婆特地幫我整了個泡泡浴,她呢方面真係有一手,可以攪出勁多泡泡啊



聽講呢樽水係可以清熱氣的,但無味道的



酒店可安排在後面BBQ的,價錢亦唔貴的



其它活動時間表



酒店地圖


生果盤

[ 本帖最後由 dusty 於 2010-3-12 13:43 編輯 ]

TOP

嘩! 好靚呀d 相!
我想問下如果去十一日,要幾多budget到呢?
有機會暑假去下先!

TOP

引用:
原帖由 rice86 於 2010-3-12 10:06 發表
嘩! 好靚呀d 相!
我想問下如果去十一日,要幾多budget到呢?
有機會暑假去下先!
好似我咁玩法,我們兩公婆用了萬幾蚊港幣,當然人多先可平些的

TOP

2010年沙巴勁食勁歎勁好玩之旅NEXUS Resort編

呢間就係NEXUS Resort正門入口

分別兩個泳池,兩每個泳池都有獨立按摩池的


我們坐酒店的車去Borneo Garden Deluxe Room

之後就去睇下酒店做SPA的地方


裡面的裝修好有古羅馬feel


呢個滴油SPA係勁舒服架,RM300 45分鐘,但老婆覺得貴,所以無做到

TOP

2010年沙巴勁食勁歎勁好玩之旅NEXUS Resort編

第三日一早食完早餐後,就周圍影下相

個水池竟然發現有蜥蜴,不過就唔算大隻的

周圍都會搵到島巢架

鬥雞

2010年沙巴勁食勁歎勁好玩之旅NEXUS Resort 早餐編

今早的早餐其實有點失望的,因為款式唔算好多,同香格里拉比的話還欠很遠啊

TOP

2010年沙巴11天勁食勁歎勁好玩之旅更新(DAY3)超多相

我們今早在NEXUS酒店玩了半日後就出發去李黃記海鮮餐廳食午餐

李黃記海鮮餐廳就在這棟建築物對面,這間餐廳出名食魚雜麵的

魚雜麵個湯底係用蕃茄加魚骨煮出黎的,所以個湯底特別鮮甜,如果要齋魚雜湯的話,個湯底會更加濃的

加了花奶的魚湯,所以會更加滑的

個魚唇係其中一個賣點,睇下幾咁厚,d骨膠源係極豐富的

大大塊班片

海哲好彈牙

撈麵

魚標

薏米水好濃

攪碎桔仔冰

又係一餐滿足的午餐,最緊要真材實料又抵食
之後我們去了Centre Point商場逛,不過呢度係菲律賓人聚集點,所以比較雜,一定要小心財物的

我們去了五樓,呢層係比較多野食的

香蕉船:賣相唔錯

唔記得個名

小麥蛋糕:係好健康的一款

榴槤蛋糕:榴槤味幾濃的,不過就甜左少少

唔記得個名,不過味道幾得意

鮮榨青萍果汁:萍果好濃又唔太酸

凍咖啡

檸檬沙冰

埋單RM118.45

老婆差些辣親隻手啊

我們兩款包都有買到,其中我和老婆就試了朱古力味,個包熱辣辣的,裡面個餡好正又唔太甜

馬拉地道小食,係用馬拉盞撈d生果,味道古古怪怪,另一種係尤魚撈通菜,不過唔記得影相

TOP

2010年沙巴11天勁食勁歎勁好玩之旅更新(DAY3)超多相


之後我們等啊餐黎食晚飯其間,我們無聊就第一次去了菲律賓市場,不過裡面的環境就比較差,因為成個係街市格局,乜都有得賣,最出名那些燒烤食品都有很多檔,不過衛生問題我們就唔敢試了,同埋都要小心財物,裡面當地人比較多,之後啊叔黎到知道我地去過,就俾他鬧了一陣......
我們晚餐就選定了在Toscani's食,這間店係食意大利菜的,其實上年已經想黎試的,點知新年的關系關了門,一走入去睇到裡面的裝修好有feel的,原本想坐出面露天的,因為出面係對住個海的,睇日落一流,但亦近個碼頭及菲律賓市場的關系,但老婆話有臭味所以放棄了,當我們討論坐邊度的時候,竟然有個識講廣東話的職員黎招呼我們,問多兩句原來係老闆娘,係幾年前香港嫁過黎的,所以我們當晚特別好傾,老板娘亦親自介紹了很多好味的菜式俾我地,我們呢餐得四個人食,因為其他人去了紅樹林睇螢火蟲,經老闆娘的介紹我們分別點了芒果沙冰、鐵板虎蝦、四式薄餅(辣腸、三文魚、火腿、海鮮)、什錦前菜小食(焗蘑菇、馬利司麵包、芝士焗蕃茄)、巴時魚長通粉、西班雅海鮮飯、鐵板虎蝦,埋單$RM310.85

什錦前菜小食(焗蘑菇、馬利司麵包、芝士焗蕃茄)

焗蘑菇:呢種蘑菇味係好濃的,聽老闆娘介紹係澳洲入口的

馬利司麵包:呢個麵包上面係放了大量的蕃茄粒,唔知係咪我影得太多相,所以搞到個麵包唔脆,因為d汁被麵包索晒而變腍

芝士焗蕃茄:老闆娘叫一定要趁熱食,凍了味道就會變

我咁大個人都係第一次食西班雅海鮮飯炸,個飯賣相非常好睇,材料又多又新鮮,d飯唔會太生同過熟,煙煙韌韌好鬼正,如果有安康魚在裡面就更正宗,值得超級推薦

巴時魚長通粉:唔記得有否寫錯,但個芝士好香好香,巴時魚啖啖肉又無骨

四式薄餅(辣腸、三文魚、火腿、海鮮)

總括我覺得喜歡海鮮及辣腸的薄餅最好味

鐵板虎蝦:成碟有成七隻虎蝦咁多架,有大有細,加上個底的蒜蓉不段被高溫鐵板煎緊,所以d虎蝦都好香,蝦頭又多膏

芒果沙冰:芒果味夠,d沙冰又幼細

老闆娘咁好招呼,當然要黎張合照啦hahahaaa
食完晚飯後又要過去發記同他們會合,我們點了南乳骨、蠔油雞翼、褔建炒麵、蒜蓉炒通菜、冬瓜燉雞湯、鹹酸菜豆腐湯

冬瓜燉雞湯:無試

南乳骨:排骨唔會炸到好硬,咬落d肉好腍的,同埋d南乳好香

蒜蓉炒通菜:呢些通菜先叫靚嘛,食起來脆架

蠔油雞翼:蠔油味唔會太重,不過d雞肉有點鞋

鹹酸菜豆腐湯:鹹酸菜好爽,個湯又好飲

褔建炒麵:終於到主角出埸喇,特別叫老闆落多些豬油炒的,所以勁香又夠鑊氣
師兄細妹係好鐘意飲肉骨茶的,所以特別在對面間新記肉骨茶外賣過黎

新記肉骨茶:但她試完話嘛嘛地同鹹左少少,之後就回酒店休息了,因為明天辛苦的旅程要開始了......

TOP

2010年沙巴11天勁食勁歎勁好玩之旅更新(DAY4)神山編超多相

今次登山成員總共有六個人,分別有以下成員:
1.組長: DUSTY(有一次成功攻頂經驗)
2.助理:Tony揸(有三次攻頂經驗)打點一切大小事項
3.肥牛殺手 啊BEN(無經驗)
4.師兄(有一次成功攻頂經驗)
5.啊文(有一次成功攻頂經驗)
6.啊文女友(無經驗)

今朝一早起身,望出去就不見到離遠既神山,唔知今次攻頂會否順順利利呢?我們比原定既時間遲了些,早上7點半先在酒店樓下出發,我地坐完美假期的車大概要兩個小時的車程.

其間一路聽導遊既講解,因為還有兩個台灣女子係去神山一日遊的.

講講下就到達了神山攻頂登記處.

以下這個Via Ferrata 就係今次黎的主要原因

首先要入去登記及如果行利要挑夫幫手拿的話,就要在門口磅清楚個重量

我既背包都唔輕架,有成7.2kg架

Tony幫我們辦理手續其間,我就四周圍影下相
氣溫有成15度,很舒服的

望住個神山,真係估唔到咁高及咁遠既路係可以爬到頂的,真神奇啊

搞好晒全部手續後,就坐車出發到1866.4米的出發點

最快時間排行榜,不過實無我份的

呢位人兄真係好厲害,俾我實行唔到第二個亭就訓低了
我們個個都未食早餐架,所以先醫下個肚先,RM$5蚊一盒飯或麵算係有良心了

睇下Tony幾好胃口?

我就選擇食麵喇,唔想食得太飽啊

又多一個強人

睇下Tony隻麒麟臂幾咁大

Tony都唔差架,死都話要幫我拿背包,但他自已個背包已經係勁大個的,見他咁有誠意,我就一於慳返筆挑夫錢啦

我們在早上10點名36分正式要出發喇

原路邊行邊影下花花草草


[ 本帖最後由 dusty 於 2010-3-16 20:08 編輯 ]

TOP

2010年沙巴勁食勁歎勁好玩之旅(DAY4)神山編



行行下就到達了第一個休息站,但Tony遲遲都未見人

師兄就繼續分段食埋盒麵

終於見到Tony上黎了,未行之前已經問了他拿咁多野得唔得的?他好神氣地答複:當然得啦,我有三次攻頂經驗嘛,點知第一個亭已經投降了

我們既導遊就靠得住喇,所以我決定背包交給他,點知這樣做亦係我錯誤的決定,大家一路睇落去就會知道

Tony叫我們行先,他會慢慢趕上黎的,所以我們就跟他道別後繼續上路

行了一段路程後就到達了第二個休息站,師兄繼續食他未食完的麵,休息後繼續上路

好得意的豬籠草

神山的樹真係好鬼高的

睇下d路幾咁爛

不經不覺我們又到達了休息站,不過休息一陣後又繼續上路

師兄見到靚女就忍唔住睇多兩眼,哈哈哈

就係在這裡,我決定一個人先上路,因為休息時我突然覺得好眼訓,不停地在釣魚,加上個溫度好舒服,我怕自已失去鬥智,所以要先行一步

其間見到個外個人對鞋好特別的,非常之貼地架,真係好得意

當我自已一路行行行既時候,見到有位攻頂旅客被抬落山,都幾慘架,行到咁高先黎出事


[ 本帖最後由 dusty 於 2010-3-16 12:47 編輯 ]

TOP

2010年沙巴勁食勁歎勁好玩之旅(DAY4)神山編

我們大概六點鐘就落去旅館食晚餐

生蕃茄:好新鮮

冬瓜湯:我覺得很好飲,唔知是否餓得緊要呢?

麵包

白飯:好似隔夜飯咁

炒麵:唔錯

咖哩羊肉:好羶,但唔知點解好好味

咖哩牛肉:肉質好鞋

炒白菜:菜好甜

炆雞脾:味道唔錯架

鹹蛋:無試

炒洋蔥:正

漢堡包:無試

唔記得:無試

唔記得:無試

椰汁糕:無試

蛋糕:無試
開餐喇

食飽飯後我們就欣賞一下神山的日落

之後就聽教練講解明天玩Via Ferrata的路線及技巧

TOP

dusty,

Hi! 我睇咗你上年嘅遊記,我下個月會去沙巴呀...想請問你買燕窩嘅資料呀!!
1)你去萬利係點去架...有無地址及咭片呀,因我想去買呀...
2)同埋你有幾多折扣??
3)血燕盞460一両,魚翅燕250一両,岩燕盞250一両,係港幣定馬幣??

thank you!!!!
my email address: emilyho0612@yahoo.com.hk

TOP

引用:
原帖由 emilyho0612 於 2010-3-17 00:14 發表
dusty,

Hi! 我睇咗你上年嘅遊記,我下個月會去沙巴呀...想請問你買燕窩嘅資料呀!!
1)你去萬利係點去架...有無地址及咭片呀,因我想去買呀...
2)同埋你有幾多折扣??
3)血燕盞460一両,魚翅燕250一両,岩燕盞250一両,係港幣定馬幣??

thank you!!!!
my email ...
野生洞燕RM190兩勁抵食的,我今次都買了兩斤,其實呢些價錢已經係批發價,他們一般不做陌生人生意的,所以我資料裡面已有個華人司機電話,到時你約他時間後,就會接和送你們去的,但車費要俾RM$50,全部都是馬幣計算的,你們亦可以問他沙巴的資料架。

TOP

2010年沙巴11天勁食勁歎勁好玩之旅更新(DAY4)老婆編超多相

首先要嗚謝:師兄細妹的男友(Denny)全程的拍照及提供照片

今日我們幾個人去了神山攻頂,老婆的行程都會在神山山腳住一晚,第二日就神山一日遊,他們一訓醒就是十點幾了,跟住就去了海旺城茶室食龍躉,他們點了醬燒龍躉及魚麵.


以前係老闆親自炒架,現在換了打手黎炒......


醬燒龍躉:味道唔錯,龍躉皮好厚又有彈性
魚麵:魚麵大大條,真材實料100%魚肉手打的,非常之彈牙,好味


魚雜湯:碗湯好鮮甜,有不同的魚部位,但其後食完後,很快個個人都話好口喝,唔知係咪落左味精的關系呢?上年我食過就無呢個情況出現的
之後他們去了超市買今晚火鍋的材料,因為租了神山山腳的渡假屋住


神山餐廳有提供火鍋爐具的,所以黎住的話不訪買些海鮮黎打邊爐,都咪話唔正啊

神山晚上的景色

TOP

2010年沙巴勁食勁歎勁好玩之旅(DAY5)神山攻頂(我係第一)編

今早零晨1點鐘就起左身,昨晚出奇地竟然無高山反應,可能訓前食了兩粒必理痛的關系啦,梳洗完後就出去影天上的星星,點知個月亮鬼咁光,d星星唔係好多,真係激死人,只好開餐醫下個肚先,d食物係我們一早在超市入定貨的,係咪好豐富呢?

每個人食飽後就準備出發向最後最辛苦的攻頂之路出,不過大家先黎個大合照先

睇下肥牛殺手(啊BEN)幾咁有型hahahaaa

大家都充滿信心的樣子,到底最終有幾多個人能夠成功登頂呢?

我們零晨2點20分到達閘口,等開門

但係大家在等既過程中,信心的樣子都變了,而我自已其實都好擔心的,因為幾年前的經驗話我知,最後果段路係幾咁辛苦的,每行10步就要一小休,那個畫面不段在我腦海裡面浮現出黎,何況今次攻頂的準備功夫一d都無做到,只是跑過一次步咁大把.
等了大概5分鐘就有個職員黎開閘,我亦一馬當先向山頂進發,我當時的位置應該排在頭5名之內.

黑嘛嘛加上崎嶇的山路,所以大家要慢慢行唔好急


終於到了登記站,但屋裡面都係一個職員都未有的,這個站其實係記錄你已經到達神山某個呎數,已經可以拿到證書的,不過當然是另一張的,而不是成功登頂那張,然後我繼續向山頂進發,其他隊友已經離我很遠了


一路上都係孤獨一個人行上山,四周又靜又大風,感覺似整座神山只得自已一個人一樣,都有點怕架,hahahaaaaa


其實爬到一半時,我已經知道自已係第一名,無理由一路上前面一個人都無,同埋電筒的燈都唔見有,雖然自已都好少開著電筒黎走,因為月亮的光都照到條路,加上自已的狀態非常之好,越行越有動力,可能心想用最佳時間上到山頂啦

自已已經麻木晒咁不段向上爬,點知原來已經爬到山頂上,個心情非常之興奮,因為我竟然可以成為第一名,因為通常都係外國人或本地人行得最快的

睇下當時的時間,我自已都嚇一跳,竟然用了2小時多些就能爬到山頂,現在係零晨4點27分,2-3-10這一天,在所有攻頂隊伍中,我成為了第一名.

所以我把握時間趁無人在,自已就不段自拍,然後我用電筒不段射向天同射向神山下面,等攻頂途中的同伴見到我向他們打招呼,不過這樣都好有趣,因為見到很多不同的人用電筒向我打招呼,但當靜下來的時候,其實都幾凍,因為都很大風及溫度只有4至5度或更低.
之後終於在5點幾就見到第二名及第三名一齊到達,她們係外國女子,還叫我幫她們拍照



時間到了差不多6點鐘,但自已的同伙一個人都未見到,真係好擔心他們的體力能否支持得到,但好快地見到肥牛殺手到達,真係不得不佩服他,因為他平時又煙又酒又不做運動的,連行路都少啊,都係車出車入的,所以攻到頂真係唔簡單,之後就係啊文及他女友,我們亦黎個合照,但師兄及Tony就一路都未見人,我們等到6點半亦決定落山,因為我們要在8點前到達登記處集合,準備玩攀爬索道.



我都終於等到有人幫我影張靚姿態既相片喇heehee



神山的美景真係百看不厭的





[ 本帖最後由 dusty 於 2010-3-20 01:20 編輯 ]

TOP

雖然每次爬完後都會話係最後一次,但點知又有第二次,但今次自已做出了咁好的成績,相信亦不會再有第二次了,因為師兄亦歲月不留人,今次竟然上不到山頂,另外Tony就躲在一塊大石後面睡覺,最衰當時唔記得影相,如果唔係實笑死的,不過亦要諒解他既,因為他的腳真係出了問題,能捱到這個高度已經不簡單了,所以我心裡面亦很佩服他的.

睇下Tony爬得幾咁辛苦


肥牛殺手就在笑Tony hahahaaaa

然後我們去到集合點著好攀爬裝備後,教練就帶我們到3520米的起步點,但Tony就放棄今次的行程,自行返旅館等我們.

由於我們個個都無經驗,所以不會玩專業路線,我們玩的係綠色路線,由3520米索道攀爬到3411米為終點
其實我既心情又緊張又興奮,同埋我係今次既組長,由我帶頭爬落去

全副裝備係咪好PRO呢?哈哈哈

望落去都咪話唔恐怖,如果有畏高實嚇壞的,不是景色就一流

原路我們都好團結,不段提醒團友要小心及慢慢爬,特別我們要照顧喂一的女子

肥牛殺手同我講話:等咁耐,都係煲支煙先,煲完都未爬得啊

我就係爬到繩索中間時,又要等他們的進度先可前進,但條繩就搖黎搖去,我個心都差些跳了出黎......,到底幾時先行得架?

等我影低個情形先

啊文女友話想放棄,但其實係無得放棄的,當你決定起步時就無得回頭的,所以爬之前一定要想清楚,其實啊文女友當初想放棄架,但啊文話呢些係給她的考驗,所以一定要她行到終點......咁都得

全程大概用了兩小時, 雖然太陽係好晒及刺激,但如果玩專業級的話,我相信自已都應付得黎的,同埋個風景真係好靚.
跟住就落返旅館食野補充體力,順便叫醒tTony,早上食早餐時聽佢講,話昨晚高山反應,所以完全訓唔到,我就問他做乜唔食藥囉?然後我們整理行裝就準備下山.

我、師兄及肥牛殺手首先行落山,因為我們腳步比較快,Tony就腳痛、啊文就要照顧他女友,所以足足到下午5點幾先落到山腳,而我們三個人就下午二點就到達了山腳,不過比起上次落山時間足足都遲了兩個幾鐘,不過落山真係辛苦很多的,尤其是就黎到終點那段斜路,見到都忍唔住講返幾句粗口鬧下啊
落山中途時,在某個亭休息時,見到好多得意的松鼠走黎走去,我們就影返幾張相.

睇下師兄幾咁有愛心

TOP

其實我既心情又緊張又興奮,同埋我係今次既組長,由我帶頭爬落去

全副裝備係咪好PRO呢?哈哈哈

望落去都咪話唔恐怖,如果有畏高實嚇壞的,不是景色就一流

原路我們都好團結,不段提醒團友要小心及慢慢爬,特別我們要照顧喂一的女子

肥牛殺手同我講話:等咁耐,都係煲支煙先,煲完都未爬得啊

我就係爬到繩索中間時,又要等他們的進度先可前進,但條繩就搖黎搖去,我個心都差些跳了出黎......,到底幾時先行得架?

等我影低個情形先

啊文女友話想放棄,但其實係無得放棄的,當你決定起步時就無得回頭的,所以爬之前一定要想清楚,其實啊文女友當初想放棄架,但啊文話呢些係給她的考驗,所以一定要她行到終點......咁都得

全程大概用了兩小時, 雖然太陽係好晒及刺激,但如果玩專業級的話,我相信自已都應付得黎的,同埋個風景真係好靚.
跟住就落返旅館食野補充體力,順便叫醒tTony,早上食早餐時聽佢講,話昨晚高山反應,所以完全訓唔到,我就問他做乜唔食藥囉?然後我們整理行裝就準備下山.

我、師兄及肥牛殺手首先行落山,因為我們腳步比較快,Tony就腳痛、啊文就要照顧他女友,所以足足到下午5點幾先落到山腳,而我們三個人就下午二點就到達了山腳,不過比起上次落山時間足足都遲了兩個幾鐘,不過落山真係辛苦很多的,尤其是就黎到終點那段斜路,見到都忍唔住講返幾句粗口鬧下啊
落山中途時,在某個亭休息時,見到好多得意的松鼠走黎走去,我們就影返幾張相.

睇下師兄幾咁有愛心
我們到了山腳就去呢個餐室休息一下,順便醫醫肚,不過我就勁口渴多些,同埋這間餐廳價錢好經濟的,我們就係在這裡等老婆及Tony他們

鮮搾紅蘿蔔汁加奶:初初見肥牛殺手點呢杯野就覺得好奇怪,唔係掛紅蘿蔔汁再加奶?會唔會飲完肚屙架?但他話好好飲的,我忍唔住都點了杯黎試試,味道還唔錯啊,無想象中咁奇怪,又無紅蘿蔔的臭青味

鮮搾西瓜汁:西瓜味好濃好甜,完全無加糖水的,非常之好飲

唔記得個名,係西馬地道的煮法,但我覺得似韓國的炸醬麵,因為都係黑色的,賣相雖然唔好睇,但味道就唔錯,加上個麵都幾Q,又多新鮮的蔬菜,但肥牛殺手話味道唔夠正宗喎......

唔記得個名,只知係炒飯,係肥牛殺手食的,我聞到味道似鹹魚雞粒炒飯

凍奶茶

TOP

2010年沙巴勁食勁歎勁好玩之旅更新(DAY5)老婆編

今日老婆的行程係神山一日遊,呢間係昨晚過夜的渡假屋(禪園),裡面共有三間房,每間房都有獨立洗手間的

大廳

三間不同的房間

獨立洗手間
他們早上十一點就在禪園附近的餐廳食早餐+午餐

粥及其它配料



炒椰菜

海鮮豆腐煲

炒麵

唔知個名

甜酸炸雞

炸雞

炒菜心
食飽後就在附近影影相


之後正式入去公園裡面


TOP

2010年沙巴勁食勁歎勁好玩之旅(DAY5)老婆編

神山泳池

神山溫泉區

神山溫泉泉眼

下面果間係VIP溫泉屋

普通的VIP溫泉屋

豪華VIP溫泉屋

阿諾爾特大花:世界最大的花,但唔講唔知原來係菌類黎,不過當日他們看到的不是很大朵,同埋平時見到的通常只得五塊花瓣,但今次他們見到的有六塊花瓣,雖然第六塊係比較細,但好難得的

老婆他們玩完一日的行程後,就過黎同我們會合,因為我們幾個人實在太累喇,所以決定在LIKAS SQUARE酒店樓下間桂冠餐廳食晚飯,我們決定要食火鍋


咖哩湯底:咖哩味夠濃夠香,少許辣可接受的

唦嗲湯底:唦嗲比較淡些味的

醬料都有成八種咁多,但我都忘記晒喇

糖心皮蛋:皮蛋應該好好味,得咁少邊夠師兄搶......啊,可憐我掛住影相,影完已經被人食晒喇

什錦串:乜都有些,材料雖然普通了些,但都有些係有特色的

魚肉讓青椒:辣辣地幾刺激

肥牛:這碟肥牛已經係成個KK最好的了,有牛味但有點韌,但價錢很貴很貴架

珍珠馬拉雞:出面餐廳絕少食得到的,普通馬拉雞較細隻的,所以無乜肉食,但珍珠馬拉雞就不同,肉滑重雞味,唔平的......

超大虎蝦:肉質彈牙非常,初初我還擔心會韌,不過真係好正

蝦滑:雖然用新鮮蝦做的,但可惜無清理蝦腸,所以食上黎感覺有沙,這係敗筆

花蟹:蟹肉好鮮甜,平時KK街市較難買到的

攪碎桔仔冰:我要飲返幾杯先夠喉啊

TOP

2010年沙巴勁食勁歎勁好玩之旅更新(DAY5)老婆編


呢些係神山特有的野生榴槤,係老婆在神山路上遇到的,每隻都只有手掌般大,有些橙橙地既顏色,因為呢些係無經過人工基因改良過的,味道帶有些少苦,但粒核就超大的,所以無乜肉食的,用皮包骨黎形容它係最貼切的

TOP

2010年沙巴勁食勁歎勁好玩之旅山打根-(DAY6)長鼻猴編

今次山打根之旅要多謝特別團友同我們到山打根玩樂,掛名團友Edmond老鴣(自稱釣魚小王子)、三陪團友(Tracy妹妹)陪玩、陪食、陪飲、打雜團友(爛GAP Tony揸)打點一切大小事項
今朝我們很早就起身就出發去機場,因為我們搭馬航早上七點飛山打根機,在機場搞好晒手續後就去了麥當奴食早餐,然後就登機.
在飛機上近距離睇神山山頂整個樣貌真係另一番景象


在飛機上傾下計、飲下野,話咁快就到了山打根領空,大概四十分鐘的機程就到達了


呢位空姐的笑容係好燦爛的,所以落機時要黎個合照留為紀念
山打根的機場係比較落後的,等運輸帶送行李出黎既時候,不忘睇下呢個最出名的海鮮餐廳既廣告,因為今晚我們會到這裡食晚飯的


好得意的電話亭


大概八點左右,Labuk Bay公司的大巴黎接我們去睇長鼻猴,初初還以為會有其他旅客的,點知成架車得我們坐晒,首先要贊一贊Labuk Bay公司的老闆(啊sham),我係之後先知道原來啊sham係老闆,我之前誤會他係Labuk Bay公司的導遊添,同埋啊sham係華人黎係講廣東話的,跟住以下係要講講長鼻猴的故事,不過可能會悶親你們的哈哈哈.
原來長鼻猴個真正名字係源自荷蘭人的,話說好耐以前山打根的祖先有日發現了一個外國人,祖先覺得他的樣子非常之似長鼻猴的,又係鼻大大,之後呢位荷蘭冒險人同山打根的祖先做了好朋友,呢位荷蘭人亦住了一段時間,某日個荷蘭人話係時候要離開這裡,繼續他的冒險旅程,於是山打根祖先為了紀念呢位荷蘭人,就把長鼻猴叫成荷蘭猴這三個字.

大概一個小時的車程我們就到達睇長鼻猴的地點

呢個洗手間的男女圖案好搞笑的


呢個就係入口及開放時間,總共分兩段,老闆話早上那段係最好睇的


呢個紅樹林的彈塗魚係我從未見過咁大條的,真係肥美得好厲害,如果可以捉黎食就好了,真係流晒口水啊


經過大概十分鐘的路程就到達觀猴的地點,首先再次要再講個故事給大家聽聽,其實呢個紅樹林係啊sham搞了個保育中心,就係用來保護呢帶的野生長鼻猴,因為紅樹林的樹被人類過度砍伐,所以他就怕長鼻猴的數目會越黎越少......
其實長鼻猴點解會係沙巴獨有的品種?因為長鼻猴只可以靠食紅樹林的嫩葉黎為生的,獨孤一味,同埋
們的胃係好敏感的,亦試過用其它食品黎喂過
們,但全無效果,某天發生左一件改變長鼻猴不再獨孤一味的事情,話說有個職員整了些用麵粉做成的PANCAKE同青瓜做午餐,但突然有事個職員就離開了,回來時見到個奇景,就係有隻長鼻猴竟然在食那些食物,當時職員見到後就講俾其他同事聽,其他同事就半信半疑,點知第二日差唔多時間呢隻猴子再次出現,而那個職員就再次給食物牠
吃,慢慢地那隻猴子越帶越多同類過黎開餐,所以在這裡係可以近距離睇到D猴子,但就不能接觸牠
們.

中間呢隻就是這族群的王


睇下牠
們幾咁害羞



們好喜歡爬上頂掉條尾巴落黎的


隻王個鼻子係特別大的

[ 本帖最後由 dusty 於 2010-3-26 18:48 編輯 ]

TOP

2010年沙巴勁食勁歎勁好玩之旅更新山打根-(DAY6)長鼻猴編


這邊係另一個族群,其實這隻長鼻猴在前兩個星期打敗了當然的王,勝者為皇,勝者就可以得到一群後宮,敗者就要離開,但通常都生存不到一段長時間就會死去的,可能係年青力壯的關系,這隻王特別喜歡挑釁另一邊族群的王


這群係另一個族


睇下個王幾咁緊張視察四周,其實牠
係怕自已的老婆被對方的王吸引而離開牠
自已


真係連食都唔安樂,如果係之前的王就唔怕,因為牠
們相識多年,大家都有共識的


睇下幾咁近就可以睇到長鼻猴


其實長鼻猴的腳板係好大架,下面的子孫更係保持長期作戰狀態的


新的王終於忍唔住要過黎挑戰對方,這個埸面啊sham話好難得的,另外長鼻猴跑的姿勢係好搞笑的,們跑既時候,落地那刻會好大力拍個地下的,發出好大既聲音,可惜太突然,所以影唔到什麼

呢棵紅色突出黎的嫩芽就係長鼻猴子的食物


長鼻猴子的屎屎

睇了大概一小時我們就坐車去啊sham的餐廳食早餐,因為我們幾個人之前諗住留肚食野的,點知道要先睇了長鼻猴先

餐廳個環境都幾好又陰陰涼涼


呢種椰青叫Pandan椰子(香葉椰青),係啊sham培植出黎的新品種,形狀特別圓同細些的,得這裡先可以飲到的,個味道有陣香味,好清甜,椰子味唔濃的

初初見到Tracy妹妹不停地挖裡面的肉黎食,我見到當然唔輸蝕啦


睇下Tony挖完食完,再睇真d重有冇椰肉hahaaha


海鮮炒麵:材料及蔬菜都係好新鮮的,有咁好既材料炒埋一齊,唔洗多講都知有幾好味啦,連調味料都唔洗點落,原汁原味,正啊

TOP

2010年沙巴勁食勁歎勁好玩之旅更新山打根-(DAY6)長鼻猴編

食飽後就出發第二個睇猴子的場地


呢隻海賊係野生的,因為細細隻時受了傷,被工作人員發然後就帶了回來,之後醫好了但又唔離開,見牠同職員玩的時候,感覺到他們的感情係好深厚的,同埋海賊的智商就好似細路仔一樣,好Q的


呢隻長鼻猴忍唔住黎偷食


因為同牠的距離真係好近好近,大概兩、三個身位,但它就食極都唔飽,密密食


其間發現到一隻細蜥蜴

突然有隻大嘴烏飛過黎食野


呢隻狗真係路霸啊,成條路好似係牠的咁樣


TOP

2010年沙巴勁食勁歎勁好玩之旅山打根-(DAY6)市區半日遊編

睇完長鼻猴子後,我們就商討緊去邊度食午飯時,啊sham就主動介紹了SIMSIM區第八橋的森森海鮮餐廳,不過一去到見到個環境就唔開胃,好彩唔係好臭

呢度好多鹹魚賣的

一路行到尾就到了森森海鮮餐廳,不過當時見到一左一右有兩間森森喎,啊sham帶我們去右手面果間,海鮮選擇唔算太多,但都已足夠填飽我地班人既肚腩heehee

其間被我望到屋裡面竟然有條鋸齒鯊既頭啊,我見屋主訓緊覺,我咪偷偷地入去影張相囉,我咁大個人都係第一次見到真實的炸,不過個鋸齒鯊頭都幾鬼重下架

以下係隔離間森森,見很多船都埋他們那裡,把一條條大魚送上去

呢條魚都大得誇張架

唔知係乜野鯊魚,但好大條

我們坐底就點了白灼獅蚶、白灼跳螺、薑蔥炒沙白、龍蝦刺身、腐乳炒瀨尿蝦、醬炒尤魚筒、椒絲腐乳炒唐生菜、蒜蓉炒通菜、海鮮炒彈弓麵,因為我們有十二個人,所以全部的菜都分開兩碟的,埋單RM$495

白灼獅蚶:初初還擔心會煮到d肉好老的,因為d獅蚶都幾大隻的,點知一打開個殼就見到咁靚仔的獅蚶,好唔好食大家心中有數啦,其實獅蚶我係好鐘意食的,但由於污染問題已經極少食了,今次難得黎到山打根點都要試試的,呢些獅蚶肥大肉厚係它們的特徵,果種獨有的鮮甜味道真係引死人啊

薑蔥炒沙白:其實黎之前啊sham講話呢度最出名的就是沙白,但果些沙白係成隻手掌咁大的,因為來貨不多,通常好早就賣晒,所以今次無緣試到喇,但呢些沙白一樣係無沙的,d肉好鮮嫩

蒜蓉炒通菜:炒得好一般,d菜唔太靚

椒絲腐乳炒唐生菜:唐生菜炒得幾爽脆

腐乳炒瀨尿蝦:我初初聽都覺得怪怪地,到底好唔好食架?因為我想清蒸的,但又想試試新食法,所以試聽老闆既推薦啦
估唔到個味道係幾夾的,d肉夠厚夠鮮甜,最緊要係價錢唔會太貴嘛


至於隻瀨尿蝦幾長幾大就唔洗多講啦,黎得沙巴食海鮮,點會細得去邊呢?heehee

被呢個爪整親實好痛的,又尖又利


龍蝦刺身:其實剛剛上碟時個個都在嘩然,隻咁靚既龍蝦點會斬件架?我們食刺身一定很切薄片的嘛,反正都送到黎,算啦


龍蝦肉晶瑩通透,雪咁白,睇見都想即刻放入口啊,耐何還要影相......,離遠的師兄被我影到正,睇下他個咀都未停過,就知呢餐海鮮係幾咁正啦哈哈哈


我們今次在香港帶了日本豉油及芥辣醬過黎,就會為了呢餐而用的,點一點醬汁就放入口,即時感覺到隻龍蝦在口裡面彈黎彈去啊,加上係厚切的關系,果種口感特別實在的,鮮甜無比,我完全唔知講咩好了......


TOP

 93 1234
發新話題
瀏覽我們
  • facebook instagram  weibo
 U Lifestyle      Beauty      Food      Know