遊玩情報     香港周圍遊     遊記     周末去邊度     特集     旅遊貼士    
 44 12
發新話題
打印

[經驗分享] 09年上海、杭州美食之旅超多相(更新手信編)全卷完

09年上海、杭州美食之旅超多相(更新手信編)全卷完

首先要鳴謝上海朋友(小石頭)的幫助及熱情的招待,無論訂酒店、餐廳、行程及搭車都一一為我們做妥,在這裡向她講句無限的感謝。
我們買了港龍來回機票連兩晚上海新世界麗笙酒店,價錢$2480一個人已連稅.
華美達中土酒店$300晚包早餐
望塔樓賓館$160晚
仁和酒店$690晚包早餐




28-9-09星期一/DAY1:港龍航空夜機>機場(浦東機場)>華美達中土酒店

29-9-09 星期二/DAY2:
豫園一天遊:早餐(王家沙)>豫園>午飯(上海老飯店)>下午茶(西施豆腐坊、佳家湯包)繼續逛豫園>晚餐(成隆行蟹王府>華美達中土酒店

30-9-09 星期三/DAY3:上海火車站>嘉興>烏镇一天遊>
望塔樓賓館


1-10-09 星期四/DAY4:烏镇>仁和酒店>午餐(樓外樓)>西湖一天遊>清河坊>晚餐知味觀>宵夜滿記糖水>仁和酒店

2-10-09 星期五/DAY5:西湖半日遊>午餐
(山外山菜館)>晚餐外婆家>上海>壽寧路大排檔>華美達中土酒店

3-10-09 星期六/DAY6:永和豆漿>海洋水族館>晚餐(保羅)本幫菜>(逛吴江路美食街吃各地小吃)小楊生煎包>上海新世界麗笙酒店

4-10-09 星期日/DAY7: 徐家匯>龍之夢購物廣埸>1010牛肉麵店>遊浦東(環球金融中心觀光廳)>晚餐小南國日式燒烤(浦東店)>逛浦東濱江大道夜景>上海新世界麗笙酒店

5-10-09 星期一/DAY8:南京東路>吳越人家>雲都>沈大成>回港



http://www.ramadazhabei.com/default.html 華美達中土酒店
http://www.radisson.com/hotels/chnsghnw上海新世界麗笙酒店
http://www.dianping.com/
上海美食網頁
http://tw.tourguide.sinotour.com/shanghai/
上海旅遊網
http://www.uutuu.com/dest/g.AS-CN-02-Hangzhou.htm
杭州
http://www.wuzhen.com.cn/big5/zxxs/zxxs_wzsy.asp
烏鎮網頁
http://www.wuzhenyou.com/ 烏鎮網頁
http://www.sozhen.com/default/towninn_3.html 烏鎮酒店網


[ 本帖最後由 dusty 於 2009-10-21 22:00 編輯 ]

09年上海、杭州美食之旅(第一天)

今日準時下午5:00PM在家出發去機埸,很可惜落大雨影響晒心情,到達機場就即刻去辦理登機手續,跟住就去食野同周圍行下.



我們8:20PM就夠鐘登機,45分就準時起飛,另外就係港龍個飛機餐非常好食及有質素.


胡蘿蔔迷迭香燴豬:豬肉煮得好好味,一d都唔(鞋)

鳳梨米型麵沙拉:鳳梨好甜


大概2小時機程就到達上海浦東機場,我們過左關就即刻趕去搭夜宵機場巴士,搭一線車到人民廣場落車,車程一小時及車資$20蚊.


然後再轉的士到華美達中土酒店,點知網友買了當地月餅俾我食,搞好手續就上房洗澡沖涼訓覺喇.

鮮肉月餅:好有肉汁,外皮又鬆化


TOP

今早七點幾起身,梳洗完就落去酒店餐廳食個早餐,之後就在門口塔933號公車到南京西路落車,再行去王加沙食早餐,點知原來好多點心及其它都要11點後先供應,我們只好叫了一籠蟹粉小籠包10蚊有4隻。


籠蟹粉小籠包:湯汁就多不過無蟹味,個皮唔係薄,但入又幾容易穿底。

之後在南京西路3號口搭地鐵去老西門站出,行了二十分鐘就到豫園,其實在外灘走過去都係五至十分鐘時間.





TOP

我們先到老上海飯店食午飯,我們點了扣三絲、醉雞、燻魚、蟹粉豆腐,埋單$183蚊,

蘿蔔:好爽口.

醉雞:皮薄有雞味,但酒味非常之淡,雞既肉質有少許韌.

燻魚:味道偏甜的,係幾濃味的菜式,魚肉比較乾.

蟹粉豆腐:豆腐非常滑,但無乜蟹粉味,反而薑味就比較重.

扣三絲:所有材料都好(鞋),個湯就有金華火腿味,完全唔識得欣賞啊.

估唔到老店都煮得比想象中更差的.


跟住去完豫園,之後再行去西施豆腐花店吃,我買了一碗甜的$5蚊.


豆腐花:豆腐滑之餘亦有豆味,我最喜歡他們加了類似山楂的材料,酸酸甜甜好好味。
豫園行了大約3小時就行完,裡面無乜特別。



TOP

09年上海、杭州美食之旅(第二天)(PART3)

食完後再行回地鐵站搭去陸家濱路站出,行去左邊斜對面行落去,到第一個街口轉左就到,大概十分鐘就到佳家湯包,店裡很少客人,我們點了最貴的蟹粉小籠包$81蚊12隻,會分開每6隻一籠上。

鴨血湯:無乜特別


蟹粉小籠包$81蚊:雖然係$81蚊,但絕對值得食,蟹粉好濃好濃,裡面又勁多湯汁,皮又夠薄,真係好滿足呢,
佳家湯包果然靠得住
.


之後搭返地鐵到人民廣場站,在南京路及外灘行街及影相,雖然外灘封左,影唔到d特式建築物,但上海浦東發展銀行建議大家一定要入去睇睇,因為裡面裝修得非常有特式及眼前一亮的感覺,可惜唔可以在裡面影相的.




之後我們在九江街行落去就見到成隆行,我們一星期前就訂了位,這間店係香港人開的,專食太湖蟹的,我們點了鹽焗手撕雞、涼拌黑木耳、蟹肉冬瓜湯、4.5兩公蟹同3.5兩母蟹各一隻,杏仁豆腐、埋單$542蚊,環境及服務都很滿意,值得推介.


太湖4.5兩公蟹

太湖3.5兩母蟹

無論蟹公同蟹母同樣多糕、肉甜,真係勁新鮮,同香港食的果然係唔同的.

涼拌黑木耳:非常好爽口,

杏仁豆腐:味道淡淡的杏仁味,豆腐唔係滑果種口感.


跟住就回人民廣場搭46路公卓車回酒店休息.

TOP

09年上海、杭州美食之旅(第三天)烏鎮東棚編

今早6點半起床及梳洗,食個早餐後就出發去上海長途汽車總站,買了9點二十分的嘉興車票$40蚊位,可惜因塞車關系足足等了一小時架車先到,上車後用了兩小時車先到達.


然後再買去鳥鎮的車票$9蚊位,車程約一小時就到達.

望塔樓賓館老闆娘在車站口等著我們,然後用私家車載我們回賓館,辦完手續後就出發去東棚景點同買票,在西棚口有免費車到東棚的,但要留意最後班次係下午4點40分開,東棚開放時開到下午6點,東棚加西棚聯票指定在東棚才有得賣的,$150蚊一個人.


東棚沒什麼特別的景點,行了一陣就隨便去了間餐廳食午飯, 我們點了鹽水蝦、醬鴨、羊肉麵、咸菜豆腐湯,但全部食物都落重味精的,埋單$135蚊.

鹽水蝦:係就幾鮮味,但唔知係咪在條河裡面撈的.


咸菜豆腐湯:豆腐好滑,咸菜味道剛剛好,唔會太過咸.



羊肉麵:羊肉好香好(淋),不過湯底有點咸.
醬鴨:好大碗,一定有成半隻,用大量醬油煮的,所以勁咸啊,有些相唔見左,所以無得睇




TOP

09年上海、杭州美食之旅(第三天)烏鎮西棚編

之後就出發去西棚景點,裡面就好多民宿提供的,環境還很好的,問過最平要四百幾一晚,但夜晚就真係好靚.

TOP

09年上海、杭州美食之旅(第三天)烏鎮西棚編(PART2)

我們晚餐去了52號的津驛客棧裡面,點了汪剌豆腐湯、蒜蓉炒小白菜、醬油炒耶菜、清蒸白太魚、白切雞,埋單$115蚊,超抵食呀,之後四圍影下相就回酒店休息了.


清蒸白太魚:呢種魚係好多骨的,但味道鮮甜無比,肉質嫩滑,正啊

蒜蓉炒小白菜:烏鎮的蔬菜真係特別甜的

醬油炒耶菜:椰菜好爽脆,真係炸得好正

白切雞:非常滑嫩又夠雞味

汪剌豆腐湯:呢個湯真係要認真贊一贊,材料十足,有成四條魚咁多,湯好奶白不特止,果啖湯鮮甜到唔知點形容好,配上極滑的豆腐真係絕啊.

TOP

09年上海、杭州美食之旅(第四天)西湖編

今早7點半起身及梳洗完就去辦退房手續,由於昨天一早訂好左8點45分去杭州的車票,酒店老闆開架電單車送我地去烏鎮車站,然後去了村口間快餐店食早餐,點了同牛肉麵,埋單12蚊.

:個湯清清地幾好飲,係d餛飩皮厚左些,始終係福建的餛飩最正宗
牛肉麵:牛肉比較乾身,但個湯底同d麵就幾好味


之後回車站準時上車出發去杭州,大概一個半小時車程就到達杭州長途汽車站,我一出到街上就被人群嚇親,人多到連上落天橋都打蛇餅,個天橋仲要係又長又大的,唔好話搭公車就連搭的士都好難,我地搭的士到仁和飯店,車費$21蚊,辨完手續後就出發去西湖
干炸響鈴:唔知點解係杭州先可以做到咁薄的腐皮出黎,放入口一咬落去就即刻分解晒,真係做得出色

手撕蜇頭:好爽口配上麻油的香味,食起黎更加正

叫化童雞:唔係想象中咁正,但成個場差唔多每台都叫一隻,但雞脾位係幾滑既
宋嫂魚羹:胡椒味雖然係重些,但都阻止唔到d魚肉既鮮味,我覺得唔錯

東坡燜肉:東坡肉非常之入味,同燜得好(淋)好(淋),味道又唔會有咸的感覺,肥膏入口即溶,無得頂啊

響油鱔絲:講食過鱔糊黎比,樓外樓係我覺得最正的一間,材料非常足,加上條黃鱔好肥美,啖啖肉,加上價錢又唔貴,真係好幸運地點中左

TOP

之後再慢遊西湖及雷峰塔.

TOP

09年上海、杭州美食之旅(第四天)清河坊編

晚上再去清河坊一帶行街,呢度有好多古舊的建築物.



[ 本帖最後由 dusty 於 2009-10-13 01:29 編輯 ]
之後再行清河坊條食街,真係勁多人,地方比較窄,但就好多不同既小食選擇,價錢又平睇你怕唔怕衛生既問題.

晚餐我地揀了知味觀,點了西湖牛肉羹、龍井蝦仁、干煸四季豆、蒜子菜心苗、菜千層墩、埋單$186蚊.

干煸四季豆:老婆的最愛,呢間炒得非常野味,連我唔鐘意食豆都忍唔住夾黎食啊.
西湖牛肉羹:裡面有好多牛肉及其它材料碎,味道做得幾好架.


菜千層墩:好精致的一道菜,麻醬好多加上有少少辣,同埋粉皮有口感又夠凍.

蒜子菜心苗:菜心非常甜,點煮都一定好味.

龍井蝦仁:黎到杭州無理由唔點這道名菜的,蝦仁夠大粒,加上粒粒都好新鮮又彈牙,真係貴些都要一試架.

之後就回酒店做腳底按摩,$98蚊有80分鐘,酒店送了20蚊贈卷兩張,浸足浴老婆揀了兩包牛奶,我就揀了去死皮的一包,每包$10蚊,我還做埋修腳甲,今日行了咁多路,做個腳底按摩真係好正,師父手勢好好,做完埋單$215蚊.


之後再去食滿記糖水,原來夠$30蚊就送芒果布丁,另外點了榴槤班戟同芒果糯米池,埋單$34蚊,然後回洒店休息.

芒果布丁:唔知係咪食完榴槤班戟既關系,食落去感覺無乜味道

芒果糯米池:芒果好香好甜,正啊

榴槤班戟:無香港做得咁多榴槤,所以食起黎都唔夠榴槤味.

TOP

09年上海、杭州美食之旅(第五天)西湖編

今早8點早床,梳洗完就落去酒店餐廳食早餐,之後搭車到杭州城南火車站買今晚8點40分既票,$54蚊一個人.

跟住就行去解放路既奎元館食麵

大概20分鐘路程就到達,我地點了蝦爆鱔麵、川片兒,埋單$39蚊.

蝦爆鱔麵:這裡的麵係好大碗架,一般香港女子應該食唔晒的,蝦爆鱔麵係招牌麵之一,材料味道就一般,但個湯底同d麵就好正.

川片兒:裡面的雪菜非常好味,雪菜爽之餘味道又唔會淡.

之後用10分路程行返酒店,辦理退房手續後就繼續遊西湖,首站去三潭印月,船票$45蚊一位.

其實都幾呃錢,島上無野睇得塊石碑咁大把.
然後出發到杭州植物公園裡面的山外山餐廳食飯,如果2小時內食完飯出到入口處就不用買門票的.

TOP

我地在山外山點了清湯魚丸、宋嫂魚羹、白斬雞、茅草根石耳,埋單$136蚊.

極品魚頭皇:這裡的招牌菜式,由於實在太大窩了,我們得兩個人,所以放棄了.
白斬雞:無乜雞味好淡好淡,加上肉質有點韌

宋嫂魚羹:味道奇差做得極唔掂,淡到死又好少魚肉.

茅草根石耳:茅草根我從來都未食過,本身帶點酸味,但口感非常爽的.

清湯魚丸:同已往食完的係兩回事,這間做出來的魚丸係好軟綿綿的,一啜落去非常幼嫩,魚味十足的.


鮮搾奇異果:味道比較淡,可能溝左水.

之後再去靈隱寺,其實又係呃錢景點,門票要$45蚊位,但唔包入寺費的,另外個飛來峰千萬唔好行上去啊,因為上面都係得塊碑睇.




TOP

之後我地就搭車去杭州城南火車站,揀了在外婆家食晚飯,不過當晚超多人,等了半小時先有位,我們點了干煸四季豆、涼拌海蜇、水晶蹄肉、生煎松江鱸、鐵板煎聖子、清香豆花羹,埋單$108蚊.


涼拌海蜇:海蜇用鎮江醋浸住,所以越食越酸,係非常酸果隻,加上我地點的唔係海蜇頭,所以唔爽脆的.

干煸四季豆:這道菜炒得好失敗,可能人多廚房就炒得比較求其,四季豆炒得比較生,完全入唔到其它材料既味道.

水晶蹄肉:無乜特別

生煎松江鱸:估唔到呢條鱸魚會整得咁好食的,魚皮煎得好香好魚,魚肉一梳梳夾黎食好鮮味,連老婆都食到唔停口啊.

清香豆花羹:外表就好似西湖牛肉羹,但就煮得差幾倍啊,味道唔識形容,加上又有薑粒碎及似松子碎的材料.

鐵板煎聖子:聖子比較細隻及瘦,好睇唔好食
之後就搭火回上海,大概2小時車程就到達


再轉地鐵到人民廣場站,再轉46號公路,然後在壽寧路大排檔買消夜回酒店食,而且這裡很旺很多人幫襯,呢度的串燒大部份都係$1蚊串,真係好抵食,另外還買了炒麵及炒蜆,跟住回酒店.


其它串燒都好味架

炒蜆:可能過了食蜆季節,蜆肉唔夠鮮

炒麵:非常夠鑊氣啊,味道又好

TOP

自己人顶一下!
不愧为美食家,那么多美食,吃的比景点多啊!赞一个!

TOP

流口水啦~...

TOP

引用:
原帖由 maggiexst 於 2009-10-13 14:20 發表
自己人顶一下!
不愧为美食家,那么多美食,吃的比景点多啊!赞一个!
不要這樣說我啦,我會很害羞的你送的大閘蟹母的很多糕啊,非常美味

[ 本帖最後由 dusty 於 2009-10-14 01:10 編輯 ]

TOP

引用:
原帖由 AShin 於 2009-10-13 14:26 發表
流口水啦~...
我自已睇返都會流口水架

TOP

那就好,下次11月份的时候过来吃,蟹会更肥

TOP

09年上海、杭州美食之旅(第六天)

今早訓到9點先起身,梳洗完就落去辦退房手續,然後搭的士到新世界麗笙酒店,辦好手續回房放低行李後,就去了永和豆漿食早餐,我們點了肉鬆飯團、蛋餅、鮮肉餛飩、油條、菜飯、凍熱豆漿各一杯,埋單$29蚊.

肉鬆飯團:好耐未食過咁好味的粢飯了,肉鬆好新鮮,如果有埋炸菜就真係無得頂喇.

油條:睇個樣都知即叫即炸的,熱辣辣,初時以為會好脆的,點知咬落去(淋)既,原來他們唔會炸得太脆的,但客人可以要求炸脆些的.

蛋餅:比我想象中做得差,因為街邊賣果些會做得厚身些及蛋都有多些的,但薄薄地味道都唔錯.

菜飯:幾香菜味的,唔錯唔錯

鮮肉餛飩:我唔喜歡d餡太多,但d肉食得出好鮮

凍熱豆漿各一杯:有豆味,不過熱豆漿係淡的

之後就搭地鐵到陸家嘴站,首站係海洋館票價$120位,睇完後就去正大廣場行一陣,然後搭地鐵回酒店放低野,就搭的士去保羅酒樓食晚飯,我們點了瑞士牛扒、海鮮油條件、蔥油拌麵、欖菜炒四季豆、醉乳鴿、核桃酥、砂鍋魚頭湯,埋單$197蚊.

蔥油拌麵:非常失望,因為我好鐘意食蔥油拌麵的,但這裡做出黎的都唔知係乜?無
蔥味不特止,d麵又有些黐黐地似糊的狀態

醉乳鴿:雖然食唔出酒既味道,都唔知係咪拿錯滷水乳鴿黎,但就好入味,d肉好嫩.

欖菜炒四季豆:這道菜係用醬油炒的,還加了松子入去,但我就唔鐘意d豆切得咁細粒.


砂鍋魚頭湯:這個唔似魚頭鍋囉,因為成條魚黎煮架,係好大條果隻,尾部在底下,果鍋湯大得驚人,兩個人飲了十碗都好似無少到咁,但價錢只是$55蚊炸,材料非常足.

瑞士牛扒:牛扒係普通貨,非常(淋),應該用了鬆肉粉的關系,味道偏甜的,但點了黃色似香橙的醬汁後會更加好味的.
海鮮油條件:油條炸得好脆,d沙律醬好多好多,所以個味道都好重沙律味.
核桃酥:裡面有好多合桃碎的,外圍粉太原了,所以我咬開後剩係食裡面的餡.

月餅:因為係中秋期間,所以這店每桌都會送的,但已經勁飽了,根本就食唔落.

之後去南京西路買手信,跟住出發去吳江路小食區,一去到就見到小楊生煎包店排晒長籠,我地買了一客四隻$4.5蚊.

小楊生煎包:皮薄、餡多、肉汁更多,都唔知點解會咁多汁的,真係好好味架/

吳江路小食區得幾檔賣串燒的.


我們行到去南京西路站那裡,就在門口有間麵包店,我們點了摩卡沙冰及布丁奶茶.


布丁奶茶:有布丁在底層的,一路啜一路食到d布丁入口,幾得意.

摩卡沙冰:都唔覺得有沙的感覺囉,d冰攪得唔夠碎,但味道幾濃的.



行左一陣就回酒店休息了.

TOP

09年上海、杭州美食之旅(第六天)海洋館特集                                                                                                                                                                                                                                                                                                                       

TOP

TOP

原来鲨鱼有脚的,真是长知识了

TOP

09年上海、杭州美食之旅(第七天)

今早8點起身梳洗完就落酒店餐廳食早餐,之後就出發到徐家匯一帶遊玩,果度一帶有好多商場.


另外有間教堂係好值得去的,裡面裝修到有種好神聖的感覺.

跟住下一站就係中山公園站,一出站裡面就係龍之夢購物廣埸.

在裡面有間叫1010牛肉麵店,我們點了原汁3寶麵、茄紅半筋半肉麵、滷水牛舌、滷肉荳芽,埋單$97蚊.


茄紅半筋半肉麵:個湯底同羅宋湯一模一樣的味道,有點失望,初初以為會好濃的蕃茄味添,牛腩就好(淋)好入味.

原汁3寶麵:材料有牛肚、牛筋、牛舌,個湯底好有牛肉味,牛肉亦都好(淋)好入味,反而牛肚就切得太過細條喇.


滷水牛舌:好大塊的牛舌,滷得好夠味

滷肉荳芽:荳芽好爽口,加上d滷汁就更加正





[ 本帖最後由 dusty 於 2009-10-15 23:56 編輯 ]

TOP

晚餐就去了正大廣場的小南國日式燒烤,點了二人套餐,其實個套餐多3至4人食都得,份量好多,另外再點一個豬肉里脊及一渣桔仔冰,埋單$298蚊,之後回酒店休息了.

開胃菜:味道無乜特別

蔬菜巴拉:好大碟的蔬菜,好新鮮,邊食肉邊食菜個感覺特別清新的.


豬肉里脊:雖然唔會有(鞋)的感覺,但真係唔需要另加食物的.

特式牛肉海鮮拼盤:肉類都幾雪花架,蝦都好新鮮

烤雞肉:肉質好(淋)身的,以為係會幾彈性既添

炒粉絲:粉絲都幾粗下,但味道唔錯的

京都錫紙牛肉末:這道菜有小辣,感覺似食緊韓國鍋,連味道都好似.

基尾蝦:三隻之中有一隻肉質係霉的,其餘就其常

帶骨牛小扒:好香牛味,真係想另外點多轉

火鍋麵:牛肉灼一灼就要食,如果唔係會韌的,d麵勁唔掂,煮極都好勁,古古怪怪

桔仔冰:好好飲架heehee

朱古力布丁:味道好淡好淡

西瓜:好甜好甜,起晒沙的,最正就係咬落有口感,最怕係食(淋)身果些

呢餐食左咁多野,真係飽到上心口啊.

TOP

09年上海、杭州美食之旅(第七天)浦東新區特集

我地搭地鐵到陸家嘴站出,我地先去浦東新區周圍影下相,不過我地無買票上到去.

環球金融中心

連商場裡面個廁所都有得洗PAT PAT架

之後再去金茂


先上5X樓,那層係凱悅酒店大堂,可以在那層免費影相的,但我們就揀了去87樓的餐廳,我們點草苺及芒果雙球雪巴、咖啡蛋糕配咖啡雪糕,埋單$145蚊.


咖啡蛋糕配咖啡雪糕:咖啡蛋糕超好味,好軟滑既呢hahahaa

草苺及芒果雙球雪巴:味道非常濃,好好味


[ 本帖最後由 dusty 於 2009-10-16 00:18 編輯 ]

TOP

引用:
原帖由 maggiexst 於 2009-10-15 15:08 發表
原来鲨鱼有脚的,真是长知识了
我還以為是生殖器官呢

TOP

09年上海、杭州美食之旅(第八天)                                                                                                                                                                                                                                                                                                                                今日9點半起身,梳洗後就去辦退房手續,然後去了吳越人家食早餐,我們點了醇香排骨麵同吳越拌川,埋單$40蚊.

吳越拌川:麵係炸的,但一點都唔脆,配料就炒得好生下,所以特別鮮味.

醇香排骨麵:排骨既醬汁非常好味,排骨亦好(淋)好入味,麵就好一般,一點都唔Q的.


跟住去了佳家湯包買了5盒湯包回港,然後搭地鐵去上海火車站出,因為上海朋友請了我們去雲都食午飯,呢間店做本幫菜係好出色的,亦很多菜都得獎的,我個朋友真係非常好客,一早訂了房同菜,我地四個人點了蜜汁素雞、熗河蝦、白斬雞、周庄咸菜毛豆、毛蟹年糕、外婆紅燒肉、鱔糊、揚州干絲、童子冰糖水魚、(羅漢齋)
唔記得個名、粢飯團.



毛蟹年糕:d毛蟹個殼好薄炸得好脆,d肉好鮮味又多羔,個醬汁又夾.


外婆紅燒肉:整件肥肉食起黎有些咬口,煮得入晒味.

白斬雞:又係這道菜、又係走地雞、又係出名菜式,雞味十足,如果有薑蓉就正喇.
周庄咸菜毛豆:毛豆大大粒好有豆味,好濃咸菜味,但又唔會好咸的感覺.

揚州干絲:湯就好飲,干絲就......(鞋)囉

童子冰糖水魚:初初見到真係驚心動魄,還要原隻撕黎食,以為係烏龜,原來知道係水魚後都無咁驚,點知食落就驚為天人,無論味道、肉質都係勁美味的,d肉質還要比田雞更嫩滑啊.

粢飯團:這裡很有出名的名菜,第二度好難做得咁出色,外脆同嫩.

蜜汁素雞:素雞好滑好似豆腐咁,幾得意

熗河蝦:呢道菜這樣的做法,完全食得出河蝦既鮮味,d蝦係生的,有些蝦還在彈下彈下.
(羅漢齋)唔記得個名:果些係魚腐,同香港食的差不多.


鱔糊:這道菜唔係用黃鱔煮的,係好細條的鱔煮的,鱔既味道比一般的濃.

每道菜都很好食,不過真係食唔晒,他們還送了昆山正宗陽澄湖大閘蟹俾我地,食飽後就同他們道別.


我們再搭地鐵回人民廣場一帶買手信,之後去了沈大成食蟹粉小籠包同鮮蝦小餛飩,埋單$30蚊.

鮮蝦小餛飩:餛飩都很鮮味

蟹粉小籠包:d湯都幾好味,

TOP

然後回酒店打包d手信,這間酒店的服務真係好體貼,他們冰塊提供給客人打包大閘蟹及其它,之後我們搭地鐵2線到龍陽站再轉磁浮列車,持有當日機票就有8折優惠,即$40蚊一張,架車真係超快,用了8分鐘就到了機場.

港龍航空在D閘口,之後就登機回香港了.

煙鴨胸伴通粉:材料夠新鮮,青瓜特別好味

紅酒燴牛肉配意大利麵:意大利麵好好味,都幾濃紅酒味架.

原粒豆豉雞配白雞:雞唔夠滑,有點失望

哈根達斯雪糕:咖啡味及士多啤梨味

後記:今次旅程雖然唔可以講好好,又加上黃金週效應,四圍都勁多人,體驗到人山人海的景象,但我感受最深的係上海朋友的熱情,大家祇係在網上傾過幾次計,但她竟然全心全意去幫助及招待我們,那份心意我會永世難忘的,能夠認識到呢位朋友,亦係一種奇妙的緣份.

TOP

 44 12
發新話題
瀏覽我們
  • facebook instagram  weibo
 U Lifestyle      Beauty      Food      Know