遊玩情報     香港周圍遊     遊記     周末去邊度     特集     旅遊貼士    
發新話題
打印

[經驗分享] 3個月的印度之旅 (慢速update中...)

3個月的印度之旅 (慢速update中...)



印度遊記[url=http://hk.rd.yahoo.com/blog/mod/art_title/*http://hk.myblog.yahoo.com/soniaw1711/article?mid=587]HK-->Kuala Lumpur-->Trichy[/url]擺低左好耐都未繼續講旅行ge野, 因為真係唔知點講. 咁就順時序講la.

今次貪平搭Airasia, 係Kuala Lumpur轉機去南印度ge Trichy.

無咩興致係途中影相. 第一次自己出門咁耐, 所以一日未到Udaipur, 我都好緊張. 係Malaysia入境咭上面寫住"販毒會被判死刑", 搞到我超paranoid, 用行李袋入背囊, 又鎖個行李袋, 又要成日都望實D行李先安樂.

由香港去到Kuala Lumpur係半夜, 要等成晚先至可以搭第二朝7點機去Trichy.

終於捱過左果一晚. 由KL去Trichy班機基本上全部都係住係馬來西亞ge印度人, 我係唯一一個外國人. 未到印度己經感覺到果種氣氛, 上機D人唔排隊又爭先恐後.

落機真係嚇左一跳. Trichy個機場超簡陋.... 果時Swine Flu啱啱開始, 落機要過檢疫. D人完全唔排隊.好在我係外國人有另一條隊, 如果唔係我一定會係最後果個. 印度係一個好paranoid ge國家. (之後會有其他例子)遊客入境有visa係唔夠, 要填個地址. 個問題係我會不停搭車, 所以根本無地址. immigration果個大叔, 英文講唔通,又直情當我透明. 我果下好嬲 -- 解決唔到ge野唔代表唔存在........ 但好多印度人都有咁ge attitude.好彩佢上司好人好多, 都搞掂左. 但當時心情真係好差, 搭完機又辛苦. (我唔鍾意搭機) 猶疑左好耐終於行出左呢個頹到唔似機場ge機場.

第一個challenge係由機場出番市區. That means我要搭Rickshaw. 係印度搭Rickshaw絕對係一件苦差,尤其是當你拎住2大件行李, 心急想走. 你係無咩bargaining power. 我想搵prepaid rickshaw stand,但原來果度無. 跟住一班的士司機+Rickshaw司機埋黎"圍攻"我. 的士司機好好笑, 係咁話Rickshaw唔安全, 唔好搭.不過我係唔會搭的士, 太貴la. 結果比左100 Rupees搭Rickshaw. (Lonely planet寫60, 但2年過左,我又唔係太鍾意殺價, 但呢段路80 Rs就夠ga la)

第一次搭Rickshaw係好~驚! 真係好驚! Rickshaw開得快, 風又大, D車係度左穿右插. 好記得第一次ge印象係搭Rickshaw刺激過機動遊戲. (講下only, 因為我無玩過機動遊戲.)
--------------------------
[url=http://hk.rd.yahoo.com/blog/mod/art_title/*http://hk.myblog.yahoo.com/soniaw1711/article?mid=588]Trichy --> Bangalore[/url]
由Trichy機場搭Rickshaw去邊呢? Bus Stand. 一路係Rickshaw都好緊張, 驚佢行錯地方.印度ge城市通常有2個巴士站. 一個係短途, 本地ge; 一個係長途, interstate ge巴士.我要去ge係interstate果個bus stand.

我ge路線係由Trichy --> Bangalore --> Mumbai --> Udaipur, 全程都係巴士.

去到Trichy個Bus Stand, 個人呆晒唔識點反應. 因為好混亂好污漕. (其實唔係咁, 我第二次去Trichy時就覺得好乾淨.可能係啱啱到埗仲未適應.) 但我好記得巴士站有幾個人訓左係度, 睇落去佢地就快死, 不過完全無人理佢地.果一刻其實好震撼(唔多鍾意呢個有少少Cliche ge詞語, 不過我諗唔到其他方法形容), 但我又一定要走. 因為四周圍好多人,一停我就會有好insecured ge感覺. (要澄清係我啱啱到印度ge錯覺, Trichy其實係一個幾"企理"ge城市)

個心好難受, 知道自己幫唔到果幾個人, 又嬲其他人咩都唔做. 但同時有少少明白左點解D印度人係咁. 因為死亡可以係你眼前發生, 見得多的確會容易令人麻木, 我理智上知道唔可以怪佢地.

最後我都開始去搵Bangalore ge巴士. Interstate ge巴士站通常好大, D人又亂咁點你行.所以要一路行一路問人"bangalore? bangalore?". D司機就會指你行去. (但你一定要不停咁問, 因為巴士站太大,同埋佢地有時唔知又會亂答你.)

好好彩(你地會不斷見到我講好彩, 因為真係咁ge)去Bangalore ge巴士15分鐘之後就開, 唔洗等成個鐘. 去左買水, 就好安心咁上車. 成車又係得我一個外國人.... 有D驚, 不過無辦法, 5月唔係旅行旺季.

司機大佬開始播電影DVD. 唔洗問, Tamil電影la. 第一套係Ghajini Tamil版男主角Surya主演,我認得佢所以都睇左一陣. 跟住都係訓.......因為搭巴士感覺係好漫長, 無野做, 一定會訓. 原先我係好驚唔見野, 打死都諗住唔訓,結果梗係唔得......

到左4 pm, 司機落車, D人又落車. 但果個地方一D都唔似Bangalore. 問司機司機又唔明, 好在有個由學校放暑假番屋企ge妹妹解答我ge問題. 原來係食飯je.....印度D巴士係會break, 比人去食野, 因為車程太長la.

本來班車應該8個鐘. That means我大約7pm 就應該到Bangalore. 但係, public bus係例遲. 入到Bangalore又塞車塞得好恐怖. 結果9點幾先至到.
-------------------------------
[url=http://hk.rd.yahoo.com/blog/mod/art_title/*http://hk.myblog.yahoo.com/soniaw1711/article?mid=593]I Hate Mumbai I:Bangalore to Mumbai (其實有無人睇ga?)[/url]好想問其實有無人睇.......我知道無相, 而大家係唔鍾意睇無相post. 都係想得個知字....
----------------------------------
到左Bangalore, 9點係印度唔算早, 所以我都唔介意係Bangalore停一晚. 你睇到本Lonely Planet爛,都仲係會有意外發生. 根據Lonely Planet, 巴士站隔離係有2間價錢okay ge酒店. 近地先諗住停一晚, 回一回氣.但係Lonely planet算不如天算, 個巴士站搬左..........所以落左車就唔近一早睇果2間酒店. 咁都唔知點la. playsafe做法就係搵下去Mumbai ge巴士站係邊先.

係呢個時候我就中左警訊ge陷阱.......有Rickshaw司機肯帶我去, 仲話價錢唔緊要. 當然, 我知佢想點. 其實我自己唔係話極度抗拒Travel agency呢樣野.去到睇下, 價錢okay咪殺, 唔okay咪走人. 如果合理的話, 貴少少我都懶得再行. 所以先上左Rickshaw,當時心情有少少"睇下你有咩野詭計...." 多人多車ge Bangalore, 搭Rickshaw都仲係有搭緊過山車ge感覺.

當然車左我去一間相熟ge travel agency. 但Bangalore有極多流浪狗.......而十分驚狗ge我,係猶疑左好耐同埋以極慢ge速度先由條街度行到入間舖頭. 去Mumbai要850 Rs, 仲要無冷氣. (當時覺得無冷氣好慘,但後來先知道有冷氣好過無冷氣) 除番開港幣, 一D都唔貴, 120 HKD搭20個鐘巴士. 有D貴, 但都要左. 因為15分鐘之後開車,所以先快手決定即刻走. 又有少少因為我好唔鍾意Bangalore比我ge感覺.

結果, 得到一架殘舊ge privatebus.......上車得3個人. 我開始有D驚........ 但Bus conductors幾好人, 雖然英文講唔通.後來終於有一個女乘客上車, 佢好好人, 叫人同我調位, 等我地2個女仔可以一齊坐.(印度人會好介意呢D野.......D人成日會根據性別自動調位) 所以我都安心D夠膽訓. (夜晚睇唔到風景, 唯有訓.) 而且,private bus成日停係度接多D乘客, 一停就停好耐. 同隔離果個女仔傾左幾句, 發現我都比人欺騙左.........其他人只係比左650 Rs. 比人收多左200Rs. 個Rickshaw司機又收左我100Rs. 連帶路ge大叔都"立"左10Rs小費.(有同佢拗, 但其他人都係同謀.........我當用10Rs買安寧. 後來我就唔係咁.......5Rs都同D司機講價.....)當時好嬲, 因為架巴士勁差, 仲差過之前Trichy出發ge public bus.........

第二朝訓醒, 開始播DVD. 第一套係Veer-Zara. 超開心, 係第一次睇Veer-Zara, 話之佢無字幕. 超碼有D野可以分散下注意力. 第二套係Kal Ho Na Ho. 無字幕+睇第二次我都仲係喊.......... 都唔敢咁張揚

中間有落過車食飯, 其實我一路都無諗住食餐廳ge野. 但係隔離位ge女仔好熱情咁分左D野比我食, 又唔好意思唔食, 最後食左少少.到而家我都係唔建議大家食巴士停ge餐廳. 衞生真係唔多好. 呢D餐廳好多都係in the middle of nowhere,大沙塵到不得了. 食完之後的確有少少唔舒服, 所以我之後都唔再敢食呢D地方ge餐廳.

就快到Mumbai ge路係山邊落斜, 又多彎位. 但係佢又開得鬼咁快. (因為佢要趕番D時間.....唔好太慢) 結果夜晚8點先開始到成個Mumbai ge外圍. 塞車仲塞過Bangalore..........

到左10點幾先至到last stop.....比bus conductor趕落車. (好明顯拎左錢就變臉.....好態度唔見晒) 跟住先發現,原來落車位置係Mumbai outskirt!!!!!!!!!! 但我要去Mumbai centre先搵到遊客區.
-------------------------------------------
本帖最近評分記錄
  • admin 哩數 +10 2009-9-15 18:04
I Hate Mumbai II: A night in Mumbai
Lonely Planet同好多guide books都會叫大家搵D肯用咪錶ge的士. 但經Mumbai一役, 我先知道, 唔用咪錶唔一定係無你著數, 順灘用咪錶又唔代表佢無第二D方法呃你.

好, 講到我比巴士"遺棄"左係Mumbai outskirt. 點先去到我要去ge tourist area呢? Mumbai係無Rickshaw, 只有的士. 所以我死人都要搵架肯用咪錶ge的士.

講左2個司機都傾唔掂, 終於有一個肯用咪錶ge司機. 去Mumbai city centre要成45分鐘......... 司機都幾好人, 一路都介紹下見到ge地方. N個鐘無飲過水ge我, 係的士度K.O.左一罐Redbull (原本諗住要黎係KL機場頂眼訓)

終於去到Colaba (遊客區), 落車係一間LP推介ge guesthouse. 邊知間guesthouse摺左....... 係呢個時候我又~落入左小費黨ge手中. 有個人見到我搵酒店, 就推介左2間. 有一間價錢okay我就話睇下D房點. 去到真係....... D樓梯好似荷里活電影裏面D鬼屋, 一路行一路有D"吱吱聲". 間房細都唔重要, 但係就好多塵. 房裏面只有一個浴室, toilet都無. (個浴室而家諗番, 經過左3個月ge印度生活, 我依然覺得係唔乾淨) 但係己經差唔多11點.... 坐左20個鐘巴士, 都無心機搵. 一心諗住訓一晚第二朝快手出發去Udaipur.

去左買水同打電話番香港報平安, 就好艱辛咁係3日裏面第一次洗澡.

係呢個時候, 有一個Surprise- 我發現自己少左400Rs! 諗番其實係的士司機做ge"好事", 比錢時佢話我當左100Rs係500Rs. 由於佢一路都幾nice, 加上肯用咪錶令我有錯覺佢係一個老實ge人. 咁就中左招. 我明明第一次比ge就係500Rs........

張床又有bed bugs, 見到又忍唔住打. 有sleeping sack都訓得唔安樂.

TOP

Mumbai --> Udaipur! #1
雖然我都成日貪快貪方便食麥記, 但始終唔係一個麥記支持者. 尋晚開會時有人話"不如搵麥記Sponsor". 無義正辭嚴, 不過都笑住講左句"McDonald's呢個文化icon係唔應該係MUN呢種場合出現". 但係~~~~ 我諗我so far 21年裏面ge生命, 唯一可以話係"鍾意"McDonald's就係當我係Mumbai ge時候.

係果間頹到喊ge guesthouse訓左8個鐘, 我就執晒野準備走人. 走果時, 連坐counter個reception哥哥都未起身.但我真係好想走.

目的地係private bus巴士站, 係Mumbai Central火車站附近. (Mumbai有好多個火車站, 千祈唔好搞錯) 果度有好~多travel agents, 都係賣巴士票為主. 揀左一間感覺良好D ge, 買左去Udaipur ge車票. 果時只係9點幾, 巴士10點半先開車. 諗住去食個早餐, 心諗係Mumbai呢D大城市, 點都有啖好食. 上左架的士, 叫佢車我去餐廳. (係印度好多遊客都會咁做, 但我都係做左呢一次咁大把). 佢車左我去ge餐廳係近近地, 但睇門面我唔敢食(經過3個月之後, 覺得果度其實係得ge), 買左支bottle water就閃人. 唉, 死人Mumbai無Rickshaw, 去邊度都要的士, 貴lor.... 仲未夠鐘, 諗住去好出名ge CST(a.k.a.Victoria Station)睇下, D人又講到個火車站幾咁有特色. 的士司機車到我去, 係英式建築, 但又殘又舊, 我都唔知自己到左. 落車就覺得蝕左, 都無野睇.

係呢個時候, 轉頭一望, 見到一樣十分令人感動ge物件- 垃圾桶! 係十之九十係無垃圾桶.......D人只係隨手掉垃圾. 我呢幾日買水D樽一路都無掉過 所以見到垃圾桶超興奮! (i know it sounds stupid!) 原來個垃圾桶係麥記ge.

聰明ge小朋友應該會發現前面四篇, 我只係食左一次野咁大把. 呢幾日我係點survive呢? 食自己帶去ge cereal bar +go ahead. 我覺得如果我係未去到Udaipur就病, 係勁麻煩ge一件事. 所以只係飲bottle water同食自己ge野. 所以見到麥記超感動! 起碼知道D野食得ar~~~~ 同埋印度麥記有Vegetarian burgers, 一直好想試. 麥記又有得坐, 可以打發我搭巴士前ge時間.

真係超開心! (我知我講到好repetitive, 但當時心情exactly係咁樣!) 都未試過見到McDonald's會咁excited! 食左個vegetarian早晨全餐, 跟住寫寫寫寫寫....... 好安樂. D職員又識講英文wor. (Mumbai D的士司機, 好多都唔識講英文.......就算係遊客區都係) 雖然無冷氣, 但係都算坐得舒服. 不過, 有一樣野睇到我有D嬲ge. 印度麥記派水比人係用膠杯. 而基本上每個人都會去攞水, 咁就會有勁多膠杯!

好la, 夠鐘. 搭的士番Mumbai Central個巴士站, 心情唔錯, 因為係短期內最後一程長途巴士, 好想可以快D停落黎.

差D唔記得左, 有一樣野好緊要! 原來其中一間上映Bollywood經典電影(SRK+Kajol!)DDLJ有15年咁耐ge戲院, 就係正個巴士站對面!!! 大大個DDLJ Billboard係戲院上面! 超興奮!
Mumbai --> Udaipur #2: Vomit Bus + 我愛顏福偉
朝早10點半終於上左車, 上到去就知道大鑊!

係時候簡介下印度長途巴(通常係private bus)結構. 通常巴士會分2層, 下面係seats, 上面係sleepers. Sleeper係貴過seats, 因為長途車坐足咁多個鐘, 係好辛苦. (印度ge路唔係好smooth, 有時車"chok"得好緊要) 遊客如果搭巴士, 多數揀Sleepers, 錢對我地黎講唔係真係好貴, 同埋可以伸展下手腳. 如果一個人travel, 要記得揀Single sleeper單人位. 如果唔係比左Double sleeper你要同人share.

呢程巴士係我第一次坐sleeper. (之前去mumbai果架殘舊private bus全車都係seats) 好新奇 同埋個人輕鬆D, 因為拉埋窗簾其他人就睇唔到你. (呢個係我鍾意巴士多過火車ge原因) 5月果時唔係peak season, 同埋遊客多數坐火車, 所以好多時搭巴士得我一個外國人, or even得我一個女仔. 雖然我唔覺得人地會唔好心地或者對我點樣, 但始終都會成日好alert.

點解大鑊呢? 一上車就見到車尾有toilet. 大家以為咁咪好lor, 唔洗煩. 但我個位好近車尾, 開頭真係呼吸都有困難........... Mumbai又大塵wor. 簡直係"兩面受敵". (請原諒我亂用四字詞) 一開車就好, 有風就無咁覺得難聞. 但係........Mumbai ge混亂交通並唔係浪得虛名, 係咁塞車係咁停車. D路又凹凸不平得好~緊~要~ 果陣己經有少少作嘔ge感覺.

呢個時候, 我先醒起之前係一個forum見過人地講ge "vomit bus". 有toilet ge長途巴士, 仲要有冷氣 - that means巴士內ge空氣不停循環, 包括toilet裏面ge空氣. 我都未首谷底, 起碼我架巴士係無冷氣.

頭果2個鐘真係好難頂, 塞車+travel agent唔知點解糾纏左好耐都開唔到車. 辛苦到不得了. 我要感激顏福偉救我一命........... 戴搽左白花膏(唔知點解媽媽放左入行李)ge口罩, 咁樣先survive左大半日. 上左公路, 車唔會停, 不停有風先okay D.

印度地理- Mumbai係Maharashtra省裏面, 要去Udaipur要向北行. 中間要經過另一個省Gujarat, 先可以到達Udaipur (Rajasthan省).

Gujarat係一個唔錯ge省, 土地肥沃. 不過巴士行ge路, landscape都差唔多(但好特別, 可惜無影相), 同埋好大塵.

(google search到ge圖片: 我開頭見到以為Gujarat種唔到野, 但後尾先知道係completely the opposite!)

有另一樣野令到我有Gujarat好難生活ge錯覺. 因為印度有咁多長途巴士ge關係, 有好多人都會係D路邊開餐廳, 淨做搭車人ge生意. (因為附近根本無其他野/人) Gujarat呢D路邊士多, 好多連bottle water都無得賣.......

係巴士差唔多到Gujarat時, 坐我前面ge男仔就開始企圖搭訕. 真係唔係好明佢D英文講緊咩野. 但我肯定係佢用bottle water漱口時中過招........(大家諗下係一架開得好快ge巴士噴D水出黎, 會去左邊, 我又開左窗wor..... 好在我有一大盒消毒紙巾.) 後來我扮訓覺ignore佢. (因為佢叫我同佢影相)

黃昏時間, 巴士停低比人食飯. 我唔落車, 個Bus conductor就係咁叫我去食野..... (唔係唔肚餓, 不過唔敢食佢D野) conductor哥哥D英文完全唔得, 但係都好努力咁說服我食野, 佢以為我驚比人呃, 話餐廳D人唔會亂收多我錢. (其實諗番我明佢講咩野都幾厲害) 結果我就落車買左支水. 有另一個吸引我落車ge原因. 有賣DVD ge舖頭, 似乎係賣緊Gujarati電影, 所以想去八卦下Gujarati電影係點. (唔係Bollywood ar, bollywood係Hindi movies.)

夜晚經過1,2個公路收費處, 好令人緊張. 因為D收費counter隔離有人拎住勁大支槍. (但佢地又拎得好求其. 基本上係印度有得拎槍ge公職人員, 成日都係咁, 我地好驚D槍走火......) 唔知同之前Gujarat獨立運動有無關係....... 仲有, 巴士經過Gujarat時一路都見到好多大貨車, D收費處都會check下D貨車.

醒下訓下醒下訓下. 夜晚無風景睇又熄左燈, 都無咩野好做. 但半夜2點幾3點醒左我就無再訓得番..... 因為架巴士開得好N快, 快到我好驚. 我懷疑架巴士係以100 km/h or above ge速度行. 如果係一架私家車, 係okay ge. 但果架係巴士! 我真心覺得隨時會撞車. 我仲用電話拍video, 拍底出面ge景色 (夜晚間中有其他車同燈), 可以睇到佢開得有幾快. (唉, 張memory card係pondicherry唔見左lor.........)

係朝早5點幾終於到Udaipur. 我有少少意外, Udaipur係一個好出名ge旅遊城市, 叫做White City. 但我望到ge只係一個普通城市......... 有D失望, 不過都係落左車先算.

TOP


[url=http://hk.rd.yahoo.com/blog/mod/art_title/*http://hk.myblog.yahoo.com/soniaw1711/article?mid=602]Udaipur Finally![/url]巴士到Udaipur時係朝早5點幾. 咩野都未開, 唯有搵間酒店休息下.

好開心, 有花酒!!! 好攰但係好興奮, 覺得由Trichy到Udaipur都算係一個小小ge achievement. 等等等等等等到天光, 訓左一陣, 跟住去左買水. (每到一個新ge地方, 就要買水)

就住Lonely Planet地圖有包括酒店附近, 但係印度D街(好難一概而論, 遲D補充)係無路牌. 所以唔敢行太遠.

由於比原定早左一日到Udaipur, 要打個電話睇下可唔可以早D去我做野ge NGO報到. 好彩一切順利.

中午時分就拎晒行李, 搭Rickshaw去大約6km距離ge Seva Mandir - 我留左2個月ge NGO!

去到Seva Mandir, 就發覺D人真係唔多識講英文. 看更大佬明D唔明D, 帶左我上Dormitory. 跟住要搵VolunteerCo-ordinator, 佢就唔明la. 但係, 一再強調我一路上係十分幸運, Volunteerco-ordinator就係我地面前出現la.

做晒registration, 就可以係dorm休息.

入到dorm, 有D shocked, 原來係得2間房 - 1間男, 1間女. 女仔房有7張床, 7個人. 有少少亂........ 不過大家都好nice. 除左我, 其餘6個都係印度人.

----------------------------------
[url=http://hk.rd.yahoo.com/blog/mod/art_title/*http://hk.myblog.yahoo.com/soniaw1711/article?mid=609]Volunteering Experience In Village[/url]
竟然有人想知道我係Udaipur做左D咩野.有少少壓力tim..... 因為其實做野ge過程係好唔有趣.

為左方便同唔熟ge人解 釋, 我一直都只係話係去農村度教英文. 如果係咁就好, 一D都唔會悶. 事實上, 我無得成日離開Udaipur.係Seva Mandir大部份ge volunteers/interns都係負責做report.比個題目你跟住做資料搜集(包括實地考察同埋同好多相關人士傾謁) 衰D講句, 並唔係D咩野實質工作. (因為實質工作佢地會比番D員工做)就算有時有D真係重要ge report, 佢地會留比名校ge實習生或者外國同佢地有聯系ge volunteering agencies.我又無咩特別技能wor..... 所以就唯有做hae野. 有少少失望, 因為我一早己經有晒心理準備, 係語言唔通ge情況,人地好難比多D野你做, 但實際情況比我想像仲要差少少.

我個project係做assessment. SevaMandir係好多偏遠ge農村都開左一D叫做Non-formal Education Centres(NFEs),比D無入到常規學校ge小朋友可以學習. Run左好多年, 以前淨係得Hindi同Maths. (可以補習下, Hindi係重要科目,因為農村主要語言係Mewari, 唔學ge話佢地Hindi都唔流利.) 最近一年半係一D表現比較好ge學校教埋英文,因為我resume裏面多多少少都有D同教英文有關ge野, 所以就比我做呢個新英文課程ge assessment. 件事無講出黎咁grand.我又唔係education professionals, 可以有support ge情況之下提到ge意見唔多.都係summarize我observation見到ge野, 同埋提D明知佢地唔會聽ge意見. (都唔係得我一個係咁,因為管理層係一班年長ge朋友, 唔多接受人地意見/一D佢地唔知ge野.)

個project係悶左少少, 但都有D得意野.

1) 電單車

其實我可以完整無缺咁番黎, 都真係極之好彩. 因為我做左好多唔應該做ge野.

係印度個個都有電單車, 人人都識開. 而且係Udaipur唔多見人用頭盔. 有時落村, 會搭其他Staff ge電單車. Seva Mandir有個policy係司機一定要用頭盔, 但後座ge人係無.

而且, 我呢D從未搭過電單車ge人真係驚到癲左. 佢地開車開得好快, 而且係市區要經常閃避人同車.

我無諗過自己會夠膽唔用helmet坐電單車, 但係我都做左唔少. 試過坐左係電單車上面4個鐘 (來回合共4個鐘), 又試過搭電單車行村裏面D舖得唔靚/好多沙石ge地上, 又試過係大雨裏面坐後座(大風大雨到張唔開眼).

2) 行山

又係要講句, 唔死真係好彩.

如果落村, 要行好多路. 因為車多數只係行公路. 如果無電單車, 就要由公路行入村. 好多時都係4-5km先到, (即係走時要行多次! //我唔係去左好多次, 不過會問其他volunteers) 仲要十之八九曬到死. 一係沙石路, 就算比你好彩有柏油路,都係斜路...............

有一次 (我己經命名左呢一日為"the day i almost die"!),要係村附近ge office度住3日. 果度D水唔飲得, 又無風扇, 辛苦到無心機食野同訓唔到. 第二朝要落村, 同行ge人話行1 -2km就到, 所以我諗住快D行完, 到左就可以休息. (要特登加快速度, 因為D男仔係唔等人) 結果, 所有人都行錯路(錯不在我ar,我無份問路)! 我地行左超多斜路, 仲行埋山路. 途中己經休息左幾次, 佢地都知道我真係唔得. (之前果幾次佢地知道我係死頂,但係平路就頂到. 斜路? No, sorry.......) 佢地開始覺得慢, 就叫左其中一個人陪我, 另外2個就行先去搵正確ge目的地.果時-- 我得番1/10支水, 電話收得2格. 不過我開始頭痛頭暈, 再行我驚中暑. 出門在外, 經常會諗無論做咩野都唔可以丟香港人ge架;但小命悠關, 樣衰都唔敢死頂. 等左好耐, 終於有人黎接番我地.......... 拎左水比我地, 同埋幫我拎袋, 咁先捱得到去目的地.


3) 農村交通


(由其他人ge facebook copy)

係村裏面, 好多時佢地需要自己informal ge交通network. 地方細(ie.10km or below), 佢地會行.但係如果真係好大ge地方, 佢地直情係有jeeps. 運作好似香港ge小巴, 有固定路線. 但安全規範就..........自己睇.

*我都明白呢D就係我去完印度人地好想睇到ge相. 但我無影到, 同之前"火爆仔/女"呢個entry講ge原因一樣. 我影下相佢地唔會少左錢,但如果我係本著體驗/幫助人地ge心 (純綷講緊心態, 根本我無能力實質地幫到任何人), 我覺得自己唔應該當人地好似旅遊景點, 好雀躍咁影相.(只係接受自己咁樣做, 所以我無影, 借人地影ge相. 我當然明白, 其他volunteers想記底呢D經歷)


第一次到訪ge NFE


visit呢間NFE係好有趣ge experience - 人地車左我之後就走, 幾個鐘之後先黎接番我. 但我唔識講Hindi, 你估下我我估下你咁過左幾個鐘. 不過佢地都係好nice


呢間就係行到差D死先到ge NFE


回完氣之後, 我客串左教小朋友英文1至10. 唯一一次visit之餘教左小朋友野.


呢間係去得最輕鬆ge NFE. Visit完我地係出面等車, 等到小朋友放學都未有車.





TOP

Cinemas In India

As一個Bollywood迷,大家以為我係印度一定會係咁去戲院. 但係, 我3個月裏面只係去左3次咁大把- 2次係Udaipur, 1次係Chennai.

係Udaipur有3間戲院, 有2間係頹戲院, 有1間係靚ge. 靚果間我無去過~

1) 第一次係去Chetak Cinema睇New York. 成班人一齊去, 票價分2種- 樓上同樓下. 我地仲比人呃左tim 有幾個人自己買錯左樓下, 呃我地話係樓上...... 其他volunteers唔係本地人, 所以都中左招. 戲院好"up-dup"(後來先知道低處未算低). 入場之前, 超多人望住我地, 因為果度唔係遊客區, D人好少見到外國人, 搞到我想影相都唔敢.(我對於未經人地同意而影人地相, 硬係有種心理障礙) 仲有Chetak Circle比較死纏爛打ge乞錢婆婆開始係咁纏住我地.(我都見過佢地好多次, 認得tim la)

"好彩"後尾Arthur黎左, 金頭髮白皮膚ge佢自然成為眾人焦點, 無咩人望我 (其實都慣左比人望, 但比咁多人望都係有D唔知點咁)Arthur係呢個時候就發揮佢ge"魅力". 2個乞錢婆婆係咁圍住佢, 做手勢叫佢比錢比野食. 連平時勁好脾氣ge Arthur都有D覺得煩(因為係戲院前面等, 無得走), 不過佢無黑面鬧人, 佢一面擰頭say no, 同埋學果2個乞錢婆婆ge手勢動作. 搞到圍觀ge人都睇到笑,連2個乞錢唔成功ge婆婆都笑埋一份! 因為佢一D惡意同唔尊重都無~

之後, 有一個男仔主動同Arthur傾謁. 經其他Indian Volunteer解說, 原來佢係特登同Arthur用英文傾謁,係佢女朋友面前Show off. (聽到果時真係覺得好好笑, 笑左好耐. 但慢慢發現印度人係極度鍾意Show off!仲要係好唔classy好低B ge show off方法都用)

最正ge係, D人買玻璃樽汽水, 飲完有D唔會還樽ga bor. 會睇完套戲掟爛個樽, 唔知點解......... 完場果時聽到勁多"爆樽"聲.

2) 第二次係去睇Kambakht Ishq. 原先我係諗住自己去睇Luck, 但唔想/敢一個人去, 叫左Julika陪我.點知D男仔都想去睇Bollywood戲, 但係佢地想睇Kambakht Ishq. 己經有人警告過我Kambakht Ishq完全係awaste of money and time, 所以唔想睇. 不過有人提議不如變做全個dorm ge outing就算la.........佢地想去最靚果間戲院, 但係得番Harry Porter. 於是我地就去左隔離另一間頹戲院. 我地之前無人去過, 所以都唔知裏面點樣,淨係知道人地話呢間係靚戲院ge SC version (SC stands for "scheduled caste") 呢個講法有少少衰,不過都真ge.

D櫈會爛, 又會坐唔到. 我地換左好多次位. 個screen又唔清楚. 老實講, 會去呢間戲院ge人同Chetak Cinema都好唔同. 所以就算有少少政治不正確, 心裏面都十分認同呢間係SC version ge戲院..........









我影Julika影間戲院.


3) 跟住係Chennai睇左Love Aaj Kal. 但我覺得間戲院good到可以成為Chennai ge景點!



(from google)

Priyanka話Chennai無咩野好睇, 而且搭車比較貴, 又好熱. 所以basically我都係guest house hae到Priyanka放學為止. 佢驚我悶就叫我去睇戲.

Sathyam Cinema係Lonely Planet都有講. 基本上係印度會上外國片ge戲院都會係好D,所以都估到Sathyam應該唔錯(as一間戲院). 但係, 去到真係"驚為天人"! 超靚! 我去果時比上圖更好. 完全係IFC feel!由box office到lobby到走廊到washroom都係! 仲有一個超~大, 係超~~~大ge露天停車場!

星期五lunch hour去都人山人海. box office ge職員講英文無問題, 效率極高! 不過入戲院時要過金屬深測戲, 所以要男女分開入.

本來以為Tamil人對於自己identity有咁強ge認同, 認住無咩人睇Love Aaj Kal, 點知差不多全院滿座. (唔好忘記係星期五ge day time!)

雖然我超讚嘆間戲院ge hardware, 但人都係無咩唔同.................. 坐我間離位果對情侶超過份,無停過講野傾謁, 又大聲笑.(仲要唔係笑ge劇情, 只係自己傾謁) 話完佢都繼續係咁......... 搞到我成場都睇得唔安樂.反而係Udaipur睇戲, D人就算講野都唔覺得咁煩.果下真係覺得, 咁靚ge戲院得D咁ge觀眾都係無用.  

但Sathyam真係好靚, 而我只係比左120 Rs - $20 HKD!!!!!!!!!!!!! 己經係最貴ge票價. (boxoffice個staff, 問都無問就比左最貴ge我....) 不過個screen夠大 (大到係有電影節係文化中心grandtheatre個screen咁大!), 個位又夠中間, 都低番晒.

呢間multiplex好大, 同時上成10幾套戲! 有荷里活片, hindi movies, 同埋當然唔少得ge Tamil movies!

TOP

12) Jaisalmer第一回

又擺低左一陣, 因為唔知跟住應該寫D咩野, 寫邊樣先. 估唔到有人追緊, 而且發現左Facebook可以一次過upload相呢個function, 容易左好多.

講人是非果D, 遲D先la.......... 而家頹頹地講下我係旅遊性質咁去ge地方.

白色之城Udaipur係我住ge城市, Rajasthan省裏面仲有好多旅遊熱點, 包括: Jodhpur (the Blue City),Jaisalmer (Golden City), Jaipur (Pink City), Mount Abu, Pushkar
我去左Jodhpur同Jaisalmer, 同埋去過少D遊客去ge Chittorgarh.
係Seva Mandir, 星期日係假期, 每個月第二個星期連星期六都放假. 但其實你無野做, 星期六唔出現都無所謂. 咁你星期五晚就可以搭夜車走. 所以係Udaipur時會利用D weekend去其他城市.

唔順時序, 先講我最鍾意ge Jaisalmer.
Jaisalmer係我係北印度去過最鍾意ge旅遊城市.

Jaisalmer呢一個trip, 真係好random, 又去得有D odd. 本來, 果個係long weekend, 我地諗住去我最唔鍾意geMumbai. 原先, 係得幾個人, 諗住探係Mumbai番學ge Mayank. 因為其他人唔識佢, 所以都無叫到.....費事大家想去sightseeing但係我地只係想hang out傾謁.
但係, 有人多事, 不停咁叫其他人join,結果搞到成個trip都變晒質. 如果唔係探Mayank, 我唔想去Mumbai. (請讀前文睇我係Mumbai ge"experience") 而係出發之前果日, 我同另一個dorm mate都病左. 佢話佢去唔到Mumbai, 我諗諗下,決定以病為原因唔去. 原因: 1) 我完全可以foresee到會唔好玩, 而且偏離左當初plan呢個trip ge原因, 2)Mumbai好~~~~貴, 無理由明知唔好玩都用咁多錢.

呢時候, Tore唔覺意救左我(地)! 佢話上網睇到Mumbai落好大雨, 水浸得好勁, 去到都無得玩, 同大家propose話不如cancel. 正!

結果, 我, Tore同Hannah決定long weekend去Jaisalmer. 因為Jaisalmer都有D遠, 要搭13個鐘巴士. Long Weekend唔去, 唔知幾時先去到.

跳出左Mumbai trip呢個無底深潭, 即刻成個人都輕鬆晒! 我地心情好到去左靚戲院隔離間餐廳食lunch! 果度係Udaipur唯一一個可以食到正常pasta而唔算極貴ge地方. 之後買埋bus ticket, 就番dorm執野準備夜晚出發.

去到巴士站, 我地3個呆晒. 因為見到好多遊客! We were so amazed/surprised and went "Wow,there are so many tourists!" 感覺奇怪到爆, 因為我地無當自己係遊客, esp係Udaipur.(雖然我地當時係去緊玩~) 但其他人睇我地個樣, 都只會一併覺得我地都係遊客. 係巴士站見到ge遊客,全部都係印度會見到果種typical歐美年青背囊友 - 三五成群, 嘈, 不時大笑, 女ge全部都一定著住遊客區先賣geso-called印度衫. 我地3個就覺得有D唔自在, 一來係有D唔慣見到咁多外國人, 又有種唔想人地將我地同果班遊客聯想埋一齊.

不過, Udaipur人多數對來自Seva Mandir ge人都會相對nice D. 我地埋去counter問busagent負責人開車時間. 其實佢完全可以講英文, 但我地為左deter D印度人以為我地好好呃,通常都會夾雜我地僅僅識得果幾個hindi詞語問野. (通常遊客係唔會bother咁做) 負責人就同我地傾左幾句, 知道我地係SevaMandir ge volunteer, 之後再搭佢公司ge車佢都好helpful.
去Jaisalmer都幾麻煩, 因為Udaipur無direct bus去Jaisalmer. 我地要係Jodhpur落車再轉另一架巴士. 所以我地超緊張,check完再check, 免得係Jodhpur落左車就唔知點算. 上到車, 頭先係車站見到D遊客唔同車. 我地唔知點解都鬆左一口氣.

上左車, 傾左陣謁, 都無咩野好做, 唯有盡量訓. 到左4 - 5am左右, 就到左Jodhpur. 天未光, 比人放左係架大巴士隔離.見到有其他人等緊去Jaisalmer ge車. 係度又見番果班遊客, 佢地勁嘈, 但我勁想訓. 好彩busconductor唔知點解調左我上前面坐, 咁就訓到落車.

呢程巴士係超神奇!從來落車都要有少少心理準備 - 有一班rickshaw司機+導遊+酒店sales圍住你同不停咁講野. 今次, Bus agnet安排好到極點!有個職員差唔多落車時, 同我地D遊客講, Jaisalmer推銷情況好嚴重, 佢地公司有個"方便" - 就係有架Jeep會車直接車我地入oldcity, 比番5 Rs就得la. 我地原先諗住自己搵酒店, 但有聽落咁"筍"ge事, 我地有少少懷疑, 但我地決定睇下點.(我想跟車又因為有人一比人圍就好躁底, 躁到對D sell野ge人講粗口, 我唔想"再"目擊.........咦?我開始講佢壞話wor)果然, 落車己經有好多人"恭候"緊遊客. 我地跟巴士公司架jeep, 好輕鬆就搞掂. 去到old city, 有個人帶路,帶到去一間guest house門口. 哦~原來係咁! 諗住一條龍由巴士車費賺到酒店, 我地有少少猶疑, 不過就睇下佢點先la.

點知間guest house都okay, 係150 Rs呢個價錢呢講十分唔錯. 床唔污漕, bathroom okay, 仲有窗!問清楚真係無extra charge之後, 我地都懶得再慢慢搵. (出面好晒好熱ar.........仲有, 我地搭左13個鐘巴士,感覺係成身骨頭散晒.) 原來, 佢地以低價run間guesthouse都有原因. 因為酒店係fort裏面 (好似西片中古年代咁, 有個城牆),Lonely Planet話因為環保關係, 佢地唔介紹所有inside fort ge酒店. 所以, inside fort geguesthouse價錢平好多, 因為好多人都跟LP去搵酒店, 搞到佢地生意無咁好.

Jaisalmer出名係Camel Safari! 所以, basically遊客係guesthouse一定會比人sell camel safari.我唔想去, 因為覺得有少少對D camels好殘忍ge感覺, 同埋camel係一D都唔好坐, 好辛苦.但Tore同Hannah就話睇下咩野價錢, 唔太貴, 一場黎到都去下. 咁好la, guesthouse老闆加埋佢個仔不停咁sell我地,一路都唔走. 我地想自己傾下, 但我地3個人ge common language都係英文.......

都話左Tore係一個好ge companion! 我地deal到500 Rs一個人, 一晚酒店唔洗錢, 有5個鐘係desert度, 可以騎1個鐘camel.

正當我地以為自己都尚算醒目之際, 都領左佢呢對父子ge野- 回程bus ticket! 小朋友扮晒傾謁咁問我地bus ticket幾多錢,Tore口快快講左真話360Rs. 佢話幫我地買埋回程, 一樣價錢. 點知, 番到黎一睇, 佢買係300Rs,咁就賺左我地60Rs一個人.....
Golden City並唔係浪得虛名!
係Fort外面影個fort.



係北印度, 超多串錯ge英文. (係Tamil Nadu得好少!) 佢想寫凍beer變成小朋友beer. 仲有, 佢地好怪, 會講cold drinks但永遠用chilled去形容D野凍唔凍.  



係Jaisalmer, 間間餐廳酒店都話自己recommended by guidebook....



食早餐時影落樓下. D vegetables顏色好靚!




呢間係Jaisalmer好出名ge Haveli. Haveli係印度一種特別ge屋, 有好多窗通風. Hava同風有關, veli意思係place咁解. 不過要收好貴, 我地係門口影下就算la.


Jaisalmer真係唯一一個會全部建築物stick to同一種顏色ge城市!


去到Jaisalmer outskirt都係! 超amazing!

TOP

13) Jaisalmer第二回

我真係好鍾意Jaisalmer. 買左card reader, 可以upload埋其餘ge相.


再黎多D Jaisalmer風景相.


睇下個餐廳ge名~



我地去左另一間聽聞okay出名ge西藏餐廳食lunch, 叫做Little Tibet. 係Little Tibet ge天台睇到以下ge景色.












呢個係Jaisalmer ge palace. 不過今次我地無入去.


Jaisalmer裏面D屋全部都好靚, 連普通人屋企都有好多雕刻.


點少得Camel Safari ge相呢?

送比讀Geography ge朋友.




沙漠裏面無lala有咁大個湖, 個司機特登車我地去. 最正ge係, 佢係靠樹ge位置搵到呢個湖.


係天台zoom到好遠先影到, 效果麻麻地. 不過都想比大家睇下Rajasthani婦女ge衣著有幾咁colourful.


呢日啱啱開始落雨, 個個都頂住個盤去裝水.


呢D唔係Rajasthani婦女, 係一大堆去騎camel ge遊客. 我地講笑話"Let's take pictures of the tourists!" (因為係北印度遇到ge印度人都好鍾意亂咁影外國人相...........)


Tore同帶camel ge小朋友玩. 小朋友係沙地寫英文, Tore寫Hindi.


Tore同小朋友玩跳沙.

Tore當然值得我放咁多大相la

跳沙跳去邊? 就係呢度la.

差D唔記得post下D camels ge相.


沙漠裏面ge花.


個沙漠真係好大.........



坐jeep番Jaisalmer


呢張相絕對係Jaisalmer其中一個hightlight. 大家估下BHANG係咩野? 其實係大麻, 但係又Government -authorised ga bor..............

TOP

13) Still in Jaisalmer - Vivitar Rocks!

點解又要post多一次Jaisalmer D相呢???? 今次呢D唔係用DC影ge. 啱啱今日拎左菲林晒好ge相, vivitar效果好過平時holga好多.  

不過我技術仲係好麻麻, 攞錯focus, 但意外地影出黎ge效果幾有趣.


呢張都係錯focus. 不過影到我至愛ge飲品- Slice! Slice係mango juice, 好好味, 又唔係可樂旗下公司. 隔離係礦泉水名牌Bisleri.


係Little Tibet天台上面仲有一個肥叔叔食緊野.






係Jaisalmer果陣陽光超好!




相裏面果D係一D traditional工藝品, 好靚, 不過咁大張, 買左唔知放係邊.........又唔知有咩用. (後來先知原來係床單)

TOP

Wow! 你好勇wor! 一個人去India!!!!!!!!!!!!!!!

TOP

14) India on Vivitar - 相相相相相

呢個係一個好懶ge entry. 全部都係相. 不過有D相背後都有D故事.

今次菲林相機ge效果比我想像中好. 再post多幾張用vivitar影ge相.

順時序...

由Trichy到Bangalore的巴士. 我有好多相都係巴士上面影. 一個(paranoid)人去旅行, 有少少無可避免.




好多廣告牌. 仲係Trichy外圍.


印度好多巴士都會有呢個水樽位.


Mumbai - 星期日朝早, 街上無人. 經過著名但不能下水的Chowpatty Beach.


仲有Mumbai ge的士上面. 主角係中間電箱上面ge2張poster. 大家試下估下係咩野? (答案係呢張相下面)

(Answer: 成龍ge新警察故事唔知4定5 .)

由Mumbai到Udaipur的Vomit bus上.........


明明陽光普照. 菲林相機都很情緒化.........




Dharavi - 亞洲地區最大ge貧民區. 諗左好耐先至決定影......... 我唔想"特登攞個角度"去影Dharavi比人睇. 但我知道我唔會再去Mumbai, 過左就唔會再見到. 所以放左相機係窗邊, Vivitar影到咩野就咩野.


所以就影到咁斜la........




係度停左成個鐘........唔知點解. 中間D人係咁埋黎賣野.




印度ge貨車超colourful!


Gujarat! 行一陣就會見到河! 好靚.






應該係到左Udaipur, 因為搭緊rickshaw. 不過我諗唔起係邊度.......





右邊係Fateh Sagar! Udaipur好出名ge湖, 唔係瞬間看地球成日影果個........


黃昏ge Fateh Sagar


靚就靚la. 不過個司機其實唔係咁筍實行好客之道車我經過Fateh Sagar睇景. 想昆我去買野, 唔成功又扮無錢找.........


Field Visit! Jhadol block..........就係差D死左果日.........(詳見Entry 8) Volunteering)

中間橙色裙ge妹妹好得意. 一望佢就大笑........ 到而家都仲記得佢個名叫Angela.


Delhi Gate - Udaipur日常生活購物地點. 好多車好多人.

TOP

個印度小妹妹笑容好燦爛呀~
印度真係好靚,隨處都係獨特既風景~
八月は夢花火 私の心は夏模様 ~井上陽水 「少年時代」
我暫時淨係睇咗樓主頭三篇, 但已經覺得樓主好勁, 一個女仔, 胆粗粗咁去咗印度.  

[ 本帖最後由 hihi1031 於 2009-9-26 12:17 編輯 ]

TOP

update左少少.

hk.myblog.yahoo.com/soniaw1711

發覺咁樣方便好多

TOP

樓主,不如你post埋上來睇呀~

TOP

好羡慕你可以有3個月印度旅遊

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know