馬來西亞吉隆坡: 與別不同的夾餅 - 「旅行美食體驗大募集」專版 - 異國街頭小食攝影比賽 - U Travel 旅遊論壇 ::台灣,日本,韓國,英國,新加坡,澳門,自由行::旅遊討論區
遊玩情報     香港周圍遊     遊記     周末去邊度     特集     旅遊貼士    
發新話題
打印

馬來西亞吉隆坡: 與別不同的夾餅

馬來西亞吉隆坡: 與別不同的夾餅

.作品主題 : 與別不同的夾餅
.作者姓名 : o0kam0o
.拍攝地點 : 馬來西亞吉隆坡雙子塔food court
.食物名稱 : ice cream 夾餅

夏日炎炎, hk已經夠熱, 不過馬來西亞ge吉隆坡更熱. 所以最好既活動, 都係坐係冷氣地方食透心涼ge甜品!!

去到吉隆坡, 第一時間去著名ge雙子塔(figure 1), 入food court搵甜品食.

我試左一間甜品counter, 賣ge係hk人好熟悉ge夾餅, 不過hk食開都係夾花生醬同奶油, 呢到夾ge反而係唔同味道ge ice cream!! 見到佢ge display, 相當吸引, 所以就order左一個"朱古力單球雪糕夾餅"(figure 2)試一試.

呢個朱古力ice cream夾餅ge組合好特別, 雖然未必會好好味, 但係我覺得黎得旅行一定要試下d特別野! 拎左個夾餅埋位, 影完相就開始欣賞佢, 一塊圓形夾餅平放係碟上面, 上面放住完整ge一個雪糕球, 上面加左d花生, 落左d甜醬, 咁就大功告成.

一開始真係唔知點食佢好, 因為hk d夾餅會幫我夾得好好地入埋落袋, 好易食, 呢個就有d唔同, 唔知點落手食好. 於是我將個雪糕球禁扁茶滿晒成個夾餅, 跟住自己夾埋佢食. 一開始真係唔係好慣, 因為又冷又熱, 好古怪, 不過食落又幾新奇幾得意, 同埋佢都有花生粒, 所以都幾似hk d夾餅, 加上朱古力雪糕ge味道唔錯, 食下食下幾啖就食晒~ 好好味. 唯一麻煩ge地方係佢會一路食一路漏d朱古力雪糕出黎, 食相好狼狽!! 不過總算係幾特別ge一個甜品, 亦都有解暑ge功效~ 黎到雙子塔都可以order一份試下, 仲有其他味ge雪糕可以揀, 又可以揀雙球三球, 實行多重享受~~


figure 1 - 馬來西亞 吉隆坡 雙子塔


figure 2 - 朱古力單球雪糕夾餅
發新話題
瀏覽我們
  • facebook instagram  weibo
 U Lifestyle      Beauty      Food      Know