遊玩情報     香港周圍遊     遊記     周末去邊度     特集     旅遊貼士    
發新話題
打印

[飲食] 09年廣州、順德三日兩夜美食之旅(超多相)

09年廣州、順德三日兩夜美食之旅(超多相)

今日一行十人在上水等,齊人後就出發去深圳火車站,我們買了上午十一點十分的火車票,坐一個鐘頭的車程就到達了廣州東站,我們第一站就係上下九路步行街,所以搭地鐵一號線在長壽站落車,上下九路步行街我都係第一次來的,一路都有很多店舖及很多人流,估唔到閒日都咁旺的,很快就走到陶陶居,好彩唔洗等就即刻有位,還給了間廂房添,間房都幾大及佈置得幾靚,我們點了拍青瓜前菜小食、至尊燒鵝半隻、八寶冬瓜盅、幸運貴妃雞只、鮑汁鳳、蜜糖黑椒蝴蝶骨、桂花炒瑤柱、上湯雲腿大芥菜
、雲勝粥水浸鱸魚、川芎白芷浸魚頭、籠仔排骨蒸陳村粉、蟹子蒸燒賣、瑤柱菜心粒炒飯、流沙奶皇飽一打、順德煎焗魚頭
、薑汁芥蘭苗,埋單$796蚊。



拍青瓜:職員話剛剛整好的,青瓜很爽口,味道剛剛好,如果青瓜再凍些就更好喇


至尊燒鵝:職員推介的招牌菜,食得出花椒八角的滷水味,鵝係燒得唔錯,但隻鵝很多肥膏,滷水亦唔係我喜歡的味道
幸運貴妃雞:皮薄肉滑無肥膏,但有些地方韌左d


籠仔排骨蒸陳村粉:皮薄及很煙煙韌韌,如果再多些汁就更好喇


蟹子蒸燒賣:整得比香港大粒好多,味道不俗啊


順德煎焗魚頭:魚頭很入味,非常野味


桂花炒瑤柱:賣相就唔錯,但食唔到有乜味道


瑤柱菜心粒炒飯:飯硬左d,味道還可以


蜜糖黑椒蝴蝶骨:這道菜反而係我比較有驚喜的,味道很豐富集咸、甜、及黑椒的辣,食起黎古古怪怪
鮑汁鳳爪:炆得夠晒入味,爪亦夠(淋)


薑汁芥蘭苗:芥蘭苗食得出很新鮮的菜味,一d渣都無


雲勝粥水浸鱸魚:雲瓜吸晒鱸魚的鮮味,鱸魚亦很滑


流沙奶皇飽:個包唔夠流沙都唔重要,個奶皇無落鴨蛋,所以食起黎得個甜字,最搞笑係食食下個口有好多糖粒


川芎白芷浸魚頭:湯有很香的藥材味,可惜個湯咸左d姐


八寶冬瓜盅:個冬瓜盅好足材料,越飲越有冬瓜的清甜味

上湯雲腿大芥菜:大芥菜很好味,菜吸埋上湯就更加正


初時還擔心陶陶居係會比較貴的,但就比想象中平,職員服務態度又好,雖然唔係每道菜都係整得好好,但整體都滿意既。

[ 本帖最後由 dusty 於 2009-8-26 13:42 編輯 ]
之後再周圍行下影下相就搭地鐵到黃沙站,我們選定了去黃沙批發漁市場買海鮮,現場很多不同的海鮮檔口,但記得一定要講價,海鮮檔口的職員通常都亂開價的,有些亦會明碼實價寫住的,我們買了象拔蚌有三斤幾重,講價講到$250隻,羔蟹本身$15隻,我們講價到$60五隻,鮑魚亦講價到$90十隻,龍蝦斤7重$210,筍殼魚兩斤幾$200條,花螺兩斤七$100唔記得講價,我們幫襯海天水產買的,雖然個老闆都會提高價錢,但起碼態度好,亦講解好清楚同我們講價通常都接受,所以買得很滿意,之後我們就出發去盛海灣空中花園食府晚飯,間食店在六樓同天台的,由於六樓無晒房,所以要在天台果層食,但同樣有冷氣的,我們買的海鮮就交給職員去加工,清蒸膏蟹仔、清蒸鮑魚仔、清蒸筍殼魚、白灼花螺、象拔蚌刺身、生滾象拔蚌粥、龍蝦刺身、雞骨草煲豬橫脷湯、鹽水浸菜心、蒜蓉炒油麥菜、蒜蓉炒通菜、芝士焗蕃薯,埋單$377,海鮮就$900蚊,幾抵食。

雞骨草煲豬橫脷湯:返內地最喜歡就係飲靚湯,老火湯很足料,真係唔知講乜好了

鹽水浸菜心、蒜蓉炒油麥菜、蒜蓉炒通菜、炒得比較油,油麥菜好清甜


龍蝦刺身:晶瑩通透,真係唔捨得放入口食啊

象拔蚌刺身:非常新鮮爽口,三斤幾重真係抵啊

清蒸鮑魚仔:有些就韌有些就無問題,味道及口感就一般,這道菜廚房煮得較失色喇

清蒸羔蟹仔:羔蟹好甜,唔好睇它細細隻,但好好肉,d羔真係爆晒架


清蒸筍殼魚:肉質很嫩滑鮮甜,香港很難食到游水新鮮的筍殼魚架

白灼花螺:粒粒都好新鮮,無臭味,一粒都無臭味,真係值得一讚


生滾象拔蚌粥:味道就好夠,係單調左些,本來係要求加埋個龍蝦頭落去的,但唔知點解就食唔到有龍蝦既味道囉


芝士焗蕃薯:我無食到,所以唔清楚呢。
之後再搭地鐵到花地灣站C出口,搭車返順德碧桂園,宵夜就打電話去巧玲叫外賣,點了薑汁撞奶、芒果西米露、楊支甘露、腐竹加蛋、雪耳燉木瓜。

TOP

09年廣州、順德三日兩夜美食之旅(第二天)

今日一早起身就出發去大良,首站係鳳城酒樓飲茶,我們點了豆豉蒸排骨、山竹牛肉、山肉包、白果粥、皮蛋瘦肉粥、白糖糕、黃糖糕、豆豉蒸鳳爪、流沙奶皇包、馬拉糕、排骨飯、豉汁鳳爪、滷水鳳爪、野雞卷、黑椒牛肚、蒸牛肉腸、蝦餃、燒賣、豬什,埋單$195,很抵食啊,因為有些點心叫了雙份的。


白糖糕:咬落清甜的味道,一點酸都沒有,必食之選

流沙奶皇包:做得出色過陶陶居,有鴨蛋的香味,一咬開d蛋黃就流出來

馬拉糕:非常之鬆軟,入口唔會有乾淨淨的感覺,味道不會太甜

野雞卷:順德好出名的食品之一,雖然係肥豬肉,但咬落去完全唔覺肥膩的

之後就在大良手信街行下,飲下涼茶,在百年老舖叫(李禧記)老舖買下崩沙及餅

之後就搭的士到粥家莊食午飯,這間店係出名食淡水魚宴的,我們點了沙葛鯪魚煲豬展湯、辣汁茄瓜、香煎芥辣鯪魚餅、咸香雞、滷水鵝掌、魚片炒牛奶、蒜蓉炒潺菜、頭菜絲蒸縮骨魚片、鹽煎縮骨魚腩,單$369蚊。

縮骨大頭魚

沙葛鯪魚煲豬展湯:個湯好鮮魚味,個個飲完都話頂呱呱

咸香雞:味道就做得好好,但肉身某部位都有些韌

香煎芥辣鯪魚餅:一啖咬落落去d芥辣即時攻上鼻,很好味的一道菜

魚片炒牛奶:估唔到水牛奶都可以炒得咁出色的,d牛奶非常之滑,魚片亦非常之嫩,這道菜真係少d功力都煮唔到啊

滷水鵝掌:個汁做得好好,如果拿來撈飯一定好美味架


蒜蓉炒潺菜:菜本身好甜及無渣



辣汁茄瓜:我最喜歡呢個汁,甜甜辣辣咁好得意

頭菜絲蒸縮骨魚片:頭菜非常之爽口,加上新鮮魚片又無臭泥味,骨又唔算多

鹽煎縮骨魚腩:非常香口的一道菜,外脆內嫩,鮮味無比啊

TOP

飯後就出發去大褔源大型超市行下,行到五點鐘就出發去齒留香食晚飯,之前訂了曼聯廂房的招牌燒鵝半只、嶺南四果煲老雞、白蜆浸水瓜、清蒸多寶魚、椒鹽水蛇碌、西芹粒粒炒蛇皮、果皮蒸鮑魚、蒜蓉炒油麥菜、招牌乳豬例牌、花蟹粥、蒜蓉蒸開邊羅士蝦,埋單$995蚊。

嶺南四果煲老雞:個湯好清甜,飲得到淡淡既果香,夏天飲呢種湯真係正啊

白蜆浸水瓜:白蜆大大隻又無沙,同水瓜一齊煮真係完全食得果種鮮甜的味道啊

西芹粒粒炒蛇皮:這道菜本身炒得幾好味,可惜蛇皮韌到咬都咬唔開啊

果皮蒸鮑魚:鮑魚啖啖肉又蒸得夠(淋)身,配埋果皮黎煮簡直一流啊

招牌乳豬:乳豬比我上次黎食時差左d,個皮脆到係硬的感覺,所以有點失望

招牌燒鵝:這間的燒鵝係我食過最好的一間,香港都幾難搵到一間同它比較的,肉燒得好香皮又夠脆,肥膏又少喎,最喜歡它燒完出黎個汁,個味道真係不停留在腦裡面的

清蒸多寶魚:游水多寶魚一定很鮮味的,蒸既時間剛剛好,雪白嫩滑的魚肉,完全無泥味

椒鹽水蛇碌:雖然條蛇細左d,但炸得好野味

蒜蓉炒油麥菜

蒜蓉蒸開邊羅士蝦:游水大大隻羅士蝦,蝦頭d膏食得出得好甜好甜的,啖啖蝦肉真係好痛快

薑蔥炒蟹:炒得好入味,蟹肉鮮甜到不得了


花蟹粥:本身粥就煲得好好味,但好多人都話d蟹有d異味,我就食唔出,因為d蟹係好生猛的。
晚飯後搭335A公車返碧桂園,車程大概大半個鐘,再夜d就再叫外賣,同樣係幫襯巧玲。
















TOP

09年廣州、順德三日兩夜美食之旅(第三天)

今日十一點就出發去魚米之鄉食午飯,魚米之鄉就在祈福食街對方,我們早一日就訂好房了,這裡的廚房係開放式的,我們點了金海鮸刺身、金海鮸皮刺身、煎焗金海鮸魚腩、明爐燒鵝、滷水鵝掌、客家煎釀豆腐、豉汁煎羅士蝦、煎釀三寶、蝦籽柚皮、鵬魚腮冬菇燉豬展、蒜蓉炒通菜、蒜蓉炒大芥蘭、煎米粉、白切文昌雞、上湯魚包、甜品係即磨芝麻糊及姜埋奶,埋單$796蚊。

鵬魚腮冬菇燉豬展:個湯好清甜,清熱解毒功效一流架

明爐燒鵝:用古樹荔枝炭燒出黎係有獨特的香味,皮脆肉香,可惜肥膏勁多

蝦籽柚皮:蝦籽唔夠香,味道一般

客家煎釀豆腐:豆腐超滑,正啊

豉汁煎羅士蝦:新鮮羅士蝦點煮都咁鮮味的

上湯魚包:睇到個師父整個個皮紙咁薄,加上非常鮮甜的魚湯,細細粒一口一粒,驚喜之作
白切文昌雞:非常失望,無雞味淡到死,肉質好散

金海鮸:之前未見過呢種魚的,兩斤幾重,可以一魚幾食

金海鮸刺身:之前未見過呢種魚的,魚身極之雪白,鮮味十足,撈埋d配料一齊食又有另一番風味
金海鮸皮刺身:非常之爽口,估唔到個皮係咁有口感的,味道就無乜

煎焗金海鮸魚腩:好香金海鮸既鮮魚味,一魚幾食,出色出色

煎釀三寶:最喜歡青椒,辣辣地好刺激

滷水鵝掌:味道適中

蒜蓉炒大芥蘭:芥蘭好有菜味

蒜蓉炒通菜:我最愛通菜

煎米粉:煎得好脆口,淋上d汁一齊食

姜埋奶:姜味剛剛好,奶又夠滑,水準之作


即磨芝麻糊:非常之幼滑,放在口裡都幾難搵到d渣啊


TOP

之後返碧桂園休息到晚飯時間,今次近近地去桂園食,我們點了木桶清香雞、乳豬半隻南乳蒜香骨豉椒涼瓜炒排骨椒鹽豆腐開邊清蒸桂花魚大良炸牛奶滷水鵝翼蒜蓉炒通菜蒜蓉炒薯仔苗蒸、炸曼頭雞骨草煲豬橫,埋單$402蚊。


雞骨草煲豬橫脷:老火湯又足料,煲到出晒味,極之好飲


大良炸牛奶:外脆內嫩,甜味適中

椒鹽豆腐:豆腐整得好野味又滑,細細粒真係夠細心

南乳蒜香骨:排骨夠入味,食得出淡淡的南乳香

乳豬半隻:這裡的乳豬真係燒得勁出色,皮脆不特止,亦夠鬆化,肥膏又唔多,呢隻乳豬比平時果d還要細隻得多,所以個皮都特別薄,超水準

木桶清香雞:食左咁多餐雞,終於都食到有雞味,肉又滑又唔韌

豉椒涼瓜炒排骨:涼瓜好甘甜,一d苦味都無啊

開邊清蒸桂花魚:呢條游水桂花魚有成兩斤幾,所以我們只要半條,魚肉極之白又很滑,鮮味十足,香港街市買到果些真係無得比啊
滷水鵝翼:滷得入味又夠(淋身)

蒸、炸曼頭:我無食,所以唔知好唔好

蒜蓉炒通菜:呢度d油係落得比較少的一間,真係要讚讚

蒜蓉炒薯仔苗:菜味十足

TOP

果真係美食之旅,好想去食~~~

[ 本帖最後由 tq63605494 於 2009-7-10 21:47 編輯 ]

TOP

好詳盡, 多謝分享 !

TOP

哇!你真係食家wor~!!!
食左勁多野,又勁識食,我上次去廣州都只係食左蓮香樓果幾間出名既~
你介紹果d都好似唔錯wor!
8下你有幾多個人去? 可以一次叫咁多野食~~

TOP

引用:
原帖由 AShin 於 2009-8-4 12:46 發表
哇!你真係食家wor~!!!
食左勁多野,又勁識食,我上次去廣州都只係食左蓮香樓果幾間出名既~
你介紹果d都好似唔錯wor!
8下你有幾多個人去? 可以一次叫咁多野食~~ ...
我們有十個人去啊

TOP

多謝大家觀賞
發新話題
瀏覽我們
  • facebook instagram  weibo
 U Lifestyle      Beauty      Food      Know