北京之旅 - 中國旅遊 - U Travel 旅遊論壇 ::台灣,日本,韓國,英國,新加坡,澳門,自由行::旅遊討論區
遊玩情報     香港周圍遊     遊記     周末去邊度     特集     旅遊貼士    
發新話題
打印

[行程] 北京之旅

北京之旅

如果喺六月初北京,有咩好地方介紹呀﹖
同埋自己行,訂機票及酒店邊度會平啲﹖

謝謝﹗
天壇, 故宮, 天安門廣場, 頤和園, 長城呢d就必去啦~
另外有幾個景點我覺得都幾值得一睇:

- 什剎海
什剎海可以包一架三輪車遊胡同,d三輪車車伕會沿路為你介紹好多胡同既歷史同典故。沿湖景色都好靚,有時間亦可以行下煙袋斜街同南鑼鼓巷。
後海附近既九門小吃亦值得一試,裡面有好多老北京小吃,可以品嘗下北京地道美食。

- 景山公園
就係故宮後面,上景山山頂可以睇晒故宮全景。公園裡有棵頸歪脖槐樹,係當年崇禎皇帝自縊身死之處。

- 798藝術區
近年一個由廢置工廠改建的藝術區,裡面有好多唔同類型既藝術攤位,繪畫、雕塑、音樂、書籍、攝影、設計,好多唔同類型既藝術品都有。就算完全唔識藝術都無問題,裡面既展品當消閒參觀亦都好有趣。
建議星期六日才去,因為會有較多展覽舉行

- 東華門夜市
在王府井盡頭,一整條都係食街。

- 首都博物館
呢個較少香港人會去,但如果你想認識北京歷史就值得一去。裡面好大好乾淨,可以行上大半天。


最後,去北京必試街邊羊肉串,一試難忘,超好食,但要試路邊攤檔,舖頭/餐廳裡賣既無咁有風味

TOP

前年成個北京之旅我覺得最難忘既就係遊胡同喇,煙袋斜街同南鑼鼓巷是必去的!!!
除左有地道胡同外,亦有四合院參觀,我記得果時去睇一個現代作家(好似係茅盾)既四合院,
地方不是很大卻很精緻,處處流露出中國建築及庭園美學~
不過搭三輪車記得要講價!!!價錢可以差好遠的,尤其一旦發現你係香港人...

南鑼鼓巷有好多細細間既創意工業舖頭仔,可以行好耐架~~
另外奧運過後水立方、鳥巢都好值得睇,可惜我去既時候仲起緊,睇唔到


果時係煙袋斜街影的,唔知而家幅畫有無唔同左呢?


美麗的四合院,我都好想住呀~~~
呢間四合院仲有人住的,不過都會開放比遊客參觀,所以保存得幾好。
八月は夢花火 私の心は夏模様 ~井上陽水 「少年時代」

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know