07年日本關西15日之旅(超多相) - 日本旅遊 - U Travel 旅遊論壇 ::台灣,日本,韓國,英國,新加坡,澳門,自由行::旅遊討論區
遊玩情報     香港周圍遊     遊記     周末去邊度     特集     旅遊貼士    
發新話題
打印

[經驗分享] 07年日本關西15日之旅(超多相)

07年日本關西15日之旅(超多相)

24-6-07------香港早上8點05分起飛到關
西機場>富士屋酒店
25-6-07------白濱1日遊
26-6-07------大阪城>海遊館>南港>晚
上回酒店
27-6-07------京都清水寺 > 三年>二年> 八神社>河原町>金閣寺>回酒店
28-6-07------環球影城1日遊
29-6-07------黑門市場>梅田>1日遊
30-6-07------黑門市場>天王寺1日遊
01-7-07------心齋橋>堀江>美國村>難波>南船場1日
02-7-07------姬路城>午飯三宮神戶牛>神戶1日遊
03-7-07------心齋橋>梅田>1日遊
04-7-07------梅田>心齋橋1日遊
05-7-07------奈良>京都1日遊
06-7-07------神戶>有馬溫泉1日遊
07-7-07------心齋橋1日遊
08-7-07------回香港
http://www.surutto.com/conts/ticket/3daytw/index.html官方網頁

大阪市交通的網頁http://www.kotsu.city.osaka.jp/foreign/chinese/index.html


大阪用邊很多放題選擇http://www.walkerplus.com/cgi-bin/search/bin/search.cgi?DISHES=9999&DISHES=3006&AREA1=KA-01&AREA1=KA-08&AREA1=KA-10&submit=%8C%9F%8D%F5&WALKER=kansai&GENRE=gourmet&DIRECTION=next&NEXT_POS=1

以找到關西各美食http://www.walkerplus.com/kansai/gourmet/
京都地圖  http://maps.google.com.tw/maps/ms?ie=UTF8&hl=zh-TW&msa=0&msid=117921196733844942247.000451d3de670024c2300&ll=35.01158

文翻譯中文http://www.excite.co.jp/world/chinese/

三宮A5和牛http://www.mouriya.co.jp/information/head.html
機場到富士屋酒店http://www.osakafujiya.jp/access/



[ 本帖最後由 dusty 於 2008-11-30 00:45 編輯 ]
本帖最近評分記錄
  • trolleywood 哩數 +8 精品文章,圖文並茂 2008-12-1 11:59

日本關西之旅24-6-07(機場、心齋橋)第一日

今早零晨3點起床4點出門口搭車去機場,6點鐘到達機場就辦理登機手續時個印度航空職員通知班機原本8:30分改為10:45分才起飛,每人分配一張價值40元的早餐券,最後搞到11:30分才起飛,日本時間下午 4點到達大阪機場,搞好入境手續後就第一時間拿些資料同地圖都幾有用還有些是贈券,然後去買KANSAITHRU PASS3日車票5000日圓,跟住就買南海電鐵到難波站一位890日圓,如果要搭超急要另加500日圓,我們到泉佐野站的時候見到對面有架區急電鐵都是去難波站的,我們就轉去搭因為呢架電車會飛站的快好多,很快就到了難波站我們用了20分鐘就到了富士屋酒店比想象中容易找到,但就落好大雨囉好彩我們有帶雨傘姐,我們搞好晒手續就去心齋橋行,晚餐在回轉壽司食同埋福太郎的繞餅埋單4418、2240日圓,兩間都麻麻地好食,之後就越落越大雨9點幾就回酒店訓了。



[ 本帖最後由 dusty 於 2008-11-27 22:29 編輯 ]

TOP

日本關西之旅25-6-07(白濱一日遊)第二日

早6:50分起身食個烏冬早餐,8:20分坐南海電鐵特急9:30分到達和歌山,然後再轉0號巴士到JR和歌山站,原本想買一日JR PASS但發覺係唔包白濱站的,如果坐特急和歌山到白濱要3180日圓單程、普通的就1890日圓,但普通車票的要轉兩程車分別在御坊轉到紀伊田邊再轉去白濱,我們10:50上車,下午14:30才到達白濱站,即時在車站買了兩張1日觀光巴士PASS980日圓,第一站我們去了魚獲市場真係好多野買,可惜無時間慢慢行,很快搵到目標就買了生鮑魚2160日圓、伊勢龍蝦一隻980日圓、吞拿魚腩壽司一盒四件1500日圓、帶子壽司一盒四件580日圓、尤魚鬚一盒六件380日圓、生元貝兩隻200日圓、大蝦兩隻400日圓、呢餐好豐富又平,如果可以住一天就更好,因車費唔平同埋白濱都幾多野玩,不過觀光巴士都幾耐才一班,有些景點都好近可行過去,我們晚上7:30坐列車回去,在酒店附近有間叫源屋的博多拉麵店味道唔錯,個職員識講廣東話架,食完就回酒店休息喇。 不過大家要留意觀光巴士只開到晚上七點鐘。 其實去白濱原來還可以坐巴士架,車程3個半鐘又唔洗轉車,如果有網友去白濱可以諗諗它。






[ 本帖最後由 dusty 於 2008-11-27 23:53 編輯 ]
本帖最近評分記錄

TOP

TOP

日本關西之旅26-6-07(大阪城,海游館一日遊)第三日

今日訓到10點先起身, 食個簡單的早餐就在南海電鐵買了一張海遊館大阪市阪pass2850yen, 其實可以買大阪市內版2400yen都得, 我們在難波站搭地下鐵御堂筋線去到本町再轉中央線到森X宮下車, 下午12:15分到大阪城買入場票600yen一張, 無咩野睇, 1 點鐘就離開了, 在森宮搭到去大阪港落車, 行5分鐘到海遊館, 入到去睇完比柅像中差, 個館好細, 冇咩野睇, 我們走去一阪港站時發現了一間食刨冰的店叫了一個士多啤梨味同一個芒果味, 好正又好味, 我們跟住大大阪港搭車到trade centre - mae站落車到atc商場, 好大好大, 但原來得個大字無咩野行, 還有很多舖位是空, 行完一陣我們就回心齊橋附近一間叫石庵的石頭燒, 叫了個3455yen的套餐, 但一定要兩個人才可叫. 即總數額7870yen, 個職員識英文的同菜單都有英文架, 個套餐睇落好少, 但原來吃完都夠飽架, d雞肉勁好味, 牛肉都唔錯, 我們出門口時個師父好大聲講記得下次再黎食啊))))))), 好搞笑, 跟住吃完就行左陣心齊橋就回酒店休息.





[ 本帖最後由 dusty 於 2008-11-28 00:31 編輯 ]
本帖最近評分記錄

TOP

TOP

日本關西之旅27-6-07(京都一日遊)第四日

今早7點起身食完早餐就出發,在心齋橋搭去梅田再轉去京都站,買一日巴士PASS500日圓,我們第一站係清水寺入場費400日圓,可能係日頭的關系睇落個景好一般,跟住出清水寺原路行去經二、三年板、靈山觀音、高台寺、八板神社,然後搭巴士回京都JR站食午飯,今餐係鳥冬係我的至愛平靚正兩碗1440日圓,然後再搭205巴士去金閣寺,雖然金閣寺比較細但景色很美,我們再搭59號巴士到四條河原町站落車去四條通和錦市場行,然後就去魚心食壽司叫了幾碟d料切得好大件但埋單要3280日圓,雖然唔然貴但就覺得唔夠新鮮,食飽我們就搭電車回酒店休息。





[ 本帖最後由 dusty 於 2008-11-28 01:33 編輯 ]

TOP

哇,美食之旅呀~~~
d 箱壽司好似好好食呀~

要感受最傳統既日本,我覺得一定要去奈良同京都!!!!!
八月は夢花火 私の心は夏模様 ~井上陽水 「少年時代」

TOP

日本關西之旅28-6-07(環球影城一日遊)第五日

今早7:30分起身在麵包店買了三文治同果汁,食飽就在難波JR站搭去今宮站轉去西九站再轉去UNIRERSL-CITY站架JR列車好靚記得影相落車全程170日圓,再買入場票一張5800日圓,環球影城10鐘開門,好可惜今日侏羅紀主題公園唔開好失望,我們上午玩了蜘蛛俠歷險記乘船遊差不多到最後記得擺好表情影張靚相啊、回到未來乘車探險、浴精赤子情、水世界、魔鬼終結者、花車巡遊、史力加的4D歷險記,然後出去食飯,在出門口對面個商場裡找到一間食蛋包飯的餐廳,點了兩個飯合共2373日圓很美味架,然後再回影城玩了ET星際歷險記、大白鯊、好塢萊過山車,再到四周影下相買下精品就回難波站,總括環球影城都很好玩,特別是那些3D特技做得很出色,今日唔算很多人可能係閒日好快就排到隊黎玩,我們在心齋橋有間叫燒肉一丁是食A4和牛的店係網友提供的,我們點了四種不同的部位全都是80克一份,職員服務態度一流還有一個識講國語的亦有英文餐牌,埋單7455日圓食得飽果四種和牛平均1400日圓很美味,跟住回酒店休息喇。



[ 本帖最後由 dusty 於 2008-11-28 21:47 編輯 ]

TOP


TOP

日本關西之旅29-6-07(黑門市場、梅田一日遊)第六日

今早10點起身然後出發去黑門市場,在那裡食了個烏冬的早餐很好食架,可能我們遲來覺得無咩野買,跟住在難波站搭去梅田230日圓車費,梅田的地下街真的很大很大好易迷失路就好似迷宮一樣,地下商場有分南同北兩面還有很多野食,我們在這裡食午飯,我平時就見得多親子丼但就未試過,所以今次決定叫黎食700日圓一碗,食完的感覺係很美味估唔到係咁正,然後再行百貨公司就算係大減價但價錢一D都唔平,反而行地下街同有個叫E.S.T的商場就平好多,其實日日都行到腳都累但如果唔去又唔知會搵到平野買,夜晚8:30分就回心齋橋食晚飯,然後就回酒店休息喇。


[ 本帖最後由 dusty 於 2008-11-29 21:13 編輯 ]

日本關西之旅30-6-07(黑門市場、天王寺一日遊)第七日

今早7:00起身然後出發去黑門市場,去到先知原來咁早係無野買的好多店都未開門,我們在難波站搭去天王寺站,先食了個烏冬早餐然後就行近鐵百貨公司、天王寺MIO、還有其它商場真的行到好累,估唔到天王寺係有咁多野行的,今日都有收獲我在近鐵百貨買了5條CK的孖煙通1600日圓一條、3條BURBERRY每條大概2300日圓一條,還有其它公司買了衫,講真天王寺的百貨公司賣的野比較平,我們行到晚上6點幾就出發去大阪三大夏祭之一(愛染祭),我們行去愛染堂時都已經有很多女子穿著美麗的浴衣去參加呢個祭典,差不多到時已經人山人海好熱鬧行人路邊擺了很多檔位有食的有玩的,講真雖然係超多人但日本人好守秩序唔會迫黎迫去,當入到寺裡面我們拜了些佛,然後就邊食野邊睇表演,睇到晚上9點幾就回心齋橋酒店休息了真的很累,明天還要有排行百貨公司真慘啊。

TOP

日本關西之旅1-7-07(難波,心齋橋一日遊)第八日

今早10:00起身呢幾日發覺張床有蟲咬,但無法啦只好訓前搽野在腳度啦,早上行了去南海站途中見到有一檔燒八爪魚丸的檔子,勁多人排隊我們當然排埋一份啦,點知食完覺得唔好味但間野係好出名的,續續行去南海站上的高島屋百貨、0101百貨、NAMBA CITY商場,下午在難波JR站樓上5樓食了個刷刷鍋放題90分鐘內任食2080日圓,有我最喜愛的烏冬呢餐食得好飽,休息了一陣後來就行去南船場,堀江,美國村,心齋橋,買了3本可裝300百張相的相薄1020日圓一本,我老婆在心齋橋買了兩套雪肌精牌的護膚品5510日圓一套好抵,我們在難波站的藥房見過要7千幾日圓,所以大家要買護膚品的話最好睇多幾間格下價,個藥房職員好好人送了很多贈品給我老婆,今日在NIKE專門店睇中了背包個套幾特別5千幾日圓好吸引的價錢,在ABC鞋店睇中了一對NIKE鞋,但我現在用緊個背包都係很鐘意的真係頭痛,老婆都睇中了個BURBERRY BLACK LABEL手袋38000日圓,跟住我們行去UNIQLO買完衫就去了元祿食壽司,然後就回酒店休息喇。


[ 本帖最後由 dusty 於 2008-11-29 21:54 編輯 ]

TOP

日本關西之旅2-7-07(姬路、神戶一日遊)第九日

今早8:00起身然後9:16分在梅田搭阪神線特急電車去姬路,用了1個半小時就到達,姬路城比大阪城更多野睇,裡面很有特色有些似電視劇中的大奧,我們行了個多小時就離開了,去姬路周邊的通和商場行了一陣就去電車站個商場食午飯,有一間食拉麵的店一碗只需230日圓勁抵,然後再搭電車到神戶三宮,又係行了很多百貨公司真佩服日本人周圍都有咁多商店行都行死啊,我們去了一條類似唐人街的地方,有間叫曹家包子店好多人排隊,一個包80日圓細細個可以一口食晒,我們買了四個來食感覺只係一般重差過我鄉下果些,然後我們就行去神戶港,那裡風景很美夜景更加唔洗講啦加上個神戶塔,我們在一間叫FISHERMAN'S MAR的自助餐餐廳,2280日圓一位另加210日圓任飲汽水,講真個價錢唔算貴又可望著咁靚的夜景食真係很浪漫啊,食完飯我們出去行了一陣原來附近有二三個大型商場未行,所以決定第二日再黎,因為今日望記帶書出來所以找不到吃神戶牛的那間餐廳,不過今日老婆再有收獲就是在三宮的大丸買了個BURERRY BLACK LABEL的手袋28000日圓,我們差不多10:30返到酒店休息喇。


[ 本帖最後由 dusty 於 2008-11-29 22:18 編輯 ]

TOP

日本關西之旅3-7-07(心齋橋,梅田一日遊)第十日

今早9:30起身之後就去了南海電鐵附近的高島屋商場掃貨,我老婆買了PATRLCK COX真皮工事包10000YEN超抵,我就買了個NIKE的背包個套幾型5460YEN,然後午飯就在千日通食魚生飯好好味780yen, 另加一碗烏冬160yen, 跟住回酒店放低戰利品就出發梅田, 我們行了陣商場就去了空中花園睇大阪的夜景真的很美, 我們跟住就去dd house 地下有間叫米牛私店係吃A3-A4和牛, 一碟牛舌, 一碟豬, 兩碟雞, 一碗韓式麵, 一碗飯, 兩杯飲料埋單6600yen, 還有一支雪條送, 我感覺呢間店的牛舌比燒肉一丁的好咬口, 比較彈牙, 其他肉都比較厚切, 我們問過係100g一碟, 和牛比較布牛味, 但就無燒肉一丁那種入口即溶的感覺, 但都好抵食, 我本人覺得日本的雞真的超好味同彈牙, 就這樣又過一天了.

TOP

日本關西之旅4-7-07(心齋橋,梅田一日遊)第十一日

今早8:30分起身, 我們搭車去了梅田, 計劃好買張神戶馬溫泉(太閣之湯阪神)入場票2500yen勁抵, 可惜買完還入了閘先知原來溫泉今日休館日, 真唔好彩, 跟住只好拿點去退飛啦, 然後就只好去行街, 午飯就在梅田yodobashi頂層食, 在一間叫永坂更科的店食叫了一個親子丼套餐和一個冷麵套餐共3010yen味道都唔錯,下午回心齊橋行下藥房又發現了一棟專賣運動衫, 鞋的, 裡面有很多款色同有好多都好平, 晚上就去了難波街有間叫迴轉世界第一的壽司店碟碟都只是130yen, 今次我真的要大力推介呢間壽司店, 裡面很多款壽司同埋最重要係不停整些新鮮的壽司出來, 我們合共食了27碟(3600yen)勁飽呀, 大家記得去試試,  跟住經過千日通見到有一檔賣雪糕的, 個老闆好搞笑又表演拉雪糕, 個雪糕都好好味很滑最搞笑就係倒轉個雪糕都唔會掉下來, 今日整日都下雨, 不過到現在都只有兩天是下雨都算好運了, 我們就回了酒店休息了 .




[ 本帖最後由 dusty 於 2008-11-29 23:23 編輯 ]

TOP

日本關西之旅5-7-07(奈良、京都一日遊)第十二日

今早7:30分起身, 在心齊橋搭地下鐵去長田再轉近鐵奈良線,到了奈良行了3分鐘就到奈良公園, 很快就見到d可愛的鹿, 有很多都幾大隻, 我們行了不是很入買了300yen喂鹿用的餅, 初時見到老婆喂鹿時顯得好怕, 不過成幾隻圍住你都咪話唔驚呀, 到我喂果些鹿時, 試過玩牠們, 原來牠們都會發脾氣用頭頂我, 不是就唔痛既, 不過好得意成堆走過來搶住食, 玩了個幾鐘就再搭電車去京都再轉去嵐山(嵯峨野山)站買了觀光鐵道, 呢段車程大概15分鐘到, 風景很迷人很靚, 大家買票最好揀雙數的, 因雙數的座位係能睇到大部份風景的, 電車飛600yen一位, 但如果給我再揀多次的話一定揀坐激流船之旅, 價錢大概4000yen到, 但景色一定更迷人, 然後我們就去了河原町行街, 晚餐就在牛角食飯, 間店在三樓, 但我們住的位置係對著條橋同河流, 邊睇風景邊食, 我們點了九樣野, 兩杯可樂, 兩碗湯, 不過就麻麻地好飲, d野食都過得去, 係d雞唔係想像中好食, 埋單6000yen都算抵, 食完飯就回心齊橋的abc波鞋店買鞋, 買nike真係平到你唔信呀, 我們加埋買了七對鞋款又靚, 都係500元港幣一對, 大減價嘛, 嘻嘻, 跟住回酒店休息啦.
v

[ 本帖最後由 dusty 於 2008-11-29 23:29 編輯 ]

TOP

日本關西之旅6-7-07(神戶、有馬一日遊)第十三日

今早9:30起床, 在梅田站買了張有馬溫泉太閤之湯阪神版2500yen, 然後搭山陽線特急停7個站就到三宮大半小時, 我們出了站就在西3號出口, 隔離有間叫元袓鐵板燒的店在8樓, 但原來問了間店只有A4和牛食, 所以我盲行了去對面間叫Mopq1885整棟都係他的好利害呀, 我點
了個A5130G和牛餐9千7百幾YEN, 我老婆就點了個A4都係130g就7千幾yen個餐, 他們店裡面氣氛好似好緊張似的, 我們去了3樓只得我們兩人, 我覺得他們是專登分開哂所有客人, 等客人不受打擾好好地品嘗那些和牛, 老實講我們都變得好緊張. 因為後面有兩個服務員睇住我們, 搞到我周身唔自在, 個廚師個手有些振, 當我品嘗完A5和牛後, 個感覺比我想像中差, 可能我之前對A5和牛期望過高啦, 吃飽後我們就行去阪急百貨, 原來呢度好多野買架, 當然不是指阪急百貨啦, 而是在商場裡面的另一邊的, 裡面有幾層高有好多平野賣, 又有BB衫, 其他野都好平, 另一邊個商場同地下商場一樣好多野賣,其實大家可以在高速神戶行過去近好多, 最衰唔夠時間, 我們就搭電車去三宮站, 然後轉山手線到谷上, 再轉去有馬溫泉, 一出門口就見到太閣之湯的專車, 免費接送, 不過大家要留意架車只去到下午5點幾就無, 不過係溫泉行去電車站都不用15分鐘, 間店都有好多唔同的溫泉浸, 非常不錯, 還有其他野玩, 例如按摩, SPA等等, 不過要收費的, 店內還有手信店, 我們還買了很多, 值得一去, 我們差唔多玩了2小時, 最後都要走了, 因為要趕回心齊橋的ABC店買鞋, 因昨晚我們留了一對鞋, 今日最後買了2對, 一對6560yen另一對4667yen合共11227yen, 但唔知咩事他們減了我們1000yen, 即10738yen還可以減511yen稅真係抵呀, 早幾日就買左對adidas2千8百幾yen添, 然後放了d戰利品回酒店後就去了日本一壽司食, 裡面有一種鯛魚湯非常好之美味, 大碗300yen的150yen, 食飽就回酒店休息啦 .




[ 本帖最後由 dusty 於 2008-11-29 23:54 編輯 ]

TOP

日本關西之旅7-7-07(心齋橋一日遊)第十四日

今早10點起身, 然後就由酒店行一次去南海電鐵站, 因為要找一條最好行的又要有電梯的, 因為我們有很多行李真係怕超重呀, 到時都唔知點算好, 今日買了很多手順同一對鞋, 4000yen真平, 下午去了一間在千日通裡的拉麵店門口有電視介紹間店的, 好似好勁咁, 我們就入了去叫了一碗招牌麵, 一碗唔識的, 招牌麵的湯底很好喝d麵都好食, 老婆果碗的湯底比較濃很咸, 唔知是否d湯底有很好味精, 食完後就發覺很口喝, 我們的晚餐就去了1946年創業的治兵衛道頓堀店, 我們商量過後都係發覺散叫比較抵, 點菜時個職員講給我們知, 原來店裡剛做緊個叫(初之夏)既優惠, 我們點了一個大河豚火鍋5800yen, 一個小的河豚鍋3800yen, 有半價勁抵, 另外點了一碟河豚精子2300yen, 一碟河豚刺身1500yen, 講真我個人覺得河豚還好食過A5和牛, 河豚刺身肉質好彈牙好正,魚皮一樣彈牙, 火鍋的河豚肉都一樣很鮮很彈牙, 比刺身更好吃, 不過河豚精子的味道就一般, 真係估不到河豚咁好食, 真的無令我失望呀, 埋單都只係8420yen平了很多, 最後行了一陣就去了夫婦善哉食湯圓800yen一個套餐勁搶錢呀, 得果一人一粒個碗已經細, 但d紅豆連碗的一半都唔到, 日本人真識搞卓頭, 跟住就回酒店休息了.





[ 本帖最後由 dusty 於 2008-11-30 00:44 編輯 ]

TOP

日本關西之旅8-7-07(心齋橋一日遊)完結編

我們今早7:30分起身, 在黑門市場食早餐, 然後在超級市場買了新鮮的雞肉同牛肉, 回酒店收拾行李, 酒店要11:00交房, 搞掂哂所有野後我們在酒店行去南海電鐵, 真係拿死我, 因好多行李要拿, 今次實超重好多, 都唔知點算好啦, 到了南海電鐵, 我們搭10:20分的急行列車, 差唔多12:50分就到, 到了機場我們就搵了兩個香港人幫忙一齊搞登機手續, 因她們的行李比較少, 但原來我同老婆的行李加埋都已經有63kg, 加埋那兩個好心港人的行李30kg, 都超重,要俾68000yen, 我們當然唔制啦, 突然前面有兩個鬼佬, 他們超小行李, 我們就問他們可以幫我們忙嗎?他們很好人一口就答應了, 但航空公司我職員就話我們不是一伙的, 所以唔得一齊, 個鬼佬就同職員講果些行李是他們的, 有咩事他負責, 總之同個職員理論了好耐, 到最後都失敗了, 咁我們就只好用大紙袋裝哂行李裡面最重的物品出來, 諗住手提上機, 但個職員又走過來說一人只可手提一個行李上機, 就連手袋, 小背襄都算一個, 不特只咁, 仲有一個超小的架來量個大小, 放不入的都不可上機要寄, 後來我們和他們理論, 無理由咁小的都算一件行李, 最後他們妥協, 但我們有4個人, 最慘就有5件行李上機, 最後他們都不再妥協, 要我們寄, 但最後超重了3.3kg, 要付6800yen的超重費, 正常一個人係可帶20kg, 所以下次大家估計會超重的話, 最好在未入閘搞手續前, 搵定有心人幫幫忙, 如果唔係都幾麻煩同好貴, 我都要掉了兩樽豉油呀, 我見隔離果家人一樣, 有4個人都超重, 他們掉左好多野呀, 我明白搭平機就是咁麻煩, 所以我們決定了以後都唔搭呢架印度航空公司, 幫我們那兩個香港人她們來之前架機延遲左8小時呀, 今次我們回香港架機都有延遲, 但就只係個半小時, 都算好彩了, 但總結今之的旅遊行程都幾順利, 同埋玩了很多地方, 雖然係走馬看花, 但都算滿足了, 兩星期我行程就這樣結束了. 呀...我們在千日前中央通時, 還討論緊日本應該有自助洗衣店的, 我們有兩星期的臭衣服, 但就是搵唔到, 點知就係講緊時就發現了間自助冼衣店在隔離, 只要200yen就可以冼一機, 但要自已加冼衣粉, 有一個連冼衣粉的就要400yen, 真係激死我啦, 差唔多走先發現到, 不過通常都係臨走時才會發現到好食的, 好平的, 好玩的事呀啦.....


TOP

比你搞到好想去日本 tim
XD

TOP

引用:
原帖由 sophiasun 於 2008-11-30 14:28 發表
比你搞到好想去日本 tim
現在港幣對日本紙唔抵,係都等下先,如果唔係好蝕

TOP

係咪幾時去都會見到梅花鹿ga? 好得意呀

TOP

引用:
原帖由 soniayau 於 2008-12-1 16:26 發表
係咪幾時去都會見到梅花鹿ga? 好得意呀
係啊,幾時都有架又唔怕人,一定唔會失望的

TOP

回復 24# dusty 的帖子

好cute ar, 好想去日本ar, 可惜而家日圓升左, 去日本變相貴左... ...

TOP

引用:
原帖由 luckybb 於 2008-12-9 19:22 發表
好cute ar, 好想去日本ar, 可惜而家日圓升左, 去日本變相貴左... ...
等些先去啦,現在日圓咁貴

TOP

發新話題
瀏覽我們
  • facebook instagram  weibo
 U Lifestyle      Beauty      Food      Know