就快又到情人節啦,梗係要同另一半食返餐好嘅慶祝啦😎最近疫情嚴重咗所以決定提早慶祝情人節😋今次揀嘅呢間餐廳環境好有feel,好似去咗畫廊咁,店員服務都好好👍🏻點擊圖片放大 _Starting drink 可以選擇半甜紅葡萄酒或者無酒精熱情果乳酸飲品🍹小編今次就揀咗熱情果特飲,飲落去酸酸甜甜好開胃 頭盤:帶子煙三文魚鮮蝦華都夫沙律塔🥗首先要讚下佢哋嘅擺盤都好精緻,沙律好清新,配上煙三文魚一齊食好惹味!蝦肉夠爽口彈牙👍🏻 🦐海鮮拼盤:有凍蝦、翡翠螺、生蠔、青口全部海鮮都好新鮮,睇得出洗得好乾淨,生蠔清甜大隻😋 🥣耶路撒冷亞支竹香菌忌廉湯飲落去菇味好香濃,另外佢哋個麵包係烘到外脆內軟,配埋一齊飲好滿足 🥩炭燒美國安格斯西冷牛扒配法國鵝肝 $528今次就揀咗五成熟,西冷牛扒食落去牛味香濃燒到剛剛好,鵝肝有入口即化既感覺,另外旁邊嘅焗薯仔都好好食 🦞波士頓龍蝦意大利粉伴龍蝦忌廉汁 $458呢個好有驚喜!龍蝦竟然係原隻上,蝦肉蛋牙多膏,旁邊嘅意大利粉同樣掛汁,食落去鮮甜香口,鍾意食龍蝦嘅朋友仔一定要試吓 最後仲會包左餐茶同甜品🍮法式拿破崙香濃朱古力慕絲擺盤好靚打卡一流,拿破崙食落好香脆,慕絲好滑酸酸甜甜好滋味 題外話,餐廳仲有做外賣同到會,想係屋企食都得㗎😊_地址:凡高廚房 銅鑼灣軒尼詩道451-457號勝華樓2樓B室________________________________________想知更多飲食玩樂資訊?即刻Follow @sohyeon_sharing 留意最新推介喇🤩