2014 May 匯率: HKD1 = THB~4.1 欲看其他照片,請參閱Facebook Album。 2014.05.24 (Sat) 2014的頭半年,忽然飛咗幾轉,搞到本來已經跟唔上進度的遊記進一步落後。所以接落嚟,都係即興想寫乜就寫乜,唔特別順次序出嘞。話說五月尾去布吉hea幾日,某天享facebook page(EEEeeee...~~仲未like個page呀?)晨早出咗呢張相諗住呃下like: 點知張相居然嚇得大家瓜瓜嘈,又話好驚嚇,又話乜日光日白都咁猛。雖然後來自己睇睇下都真係覺得幾「凶兆」,但實情係,背景係個好得意的布吉新景點嚟,一啲都唔驚嚇㗎。相信大家都好想知道係咩一回事,就來介紹呀下啦。 Baan Teelanka就係景點嘅名字,又或者叫英文名upside-down house亦得。今年四月先新開張,新鮮滾熱辣。顧名思義,就係《反轉屋》咁解。地方就一間獨立屋咁大,一間屋有嘅嘢佢都有齊,但所有物件都係反地心吸力咁掉轉,好鬼攪鬼。有閣樓、客廳、飯廳、廚房、浴室廁所、睡房和車房。 門口個招牌,連車都反轉埋。 售票處,準備好反轉未?! 睇個牌以為唔比影相?哈哈~ 係要反轉影先比呀! 屋內係唔比著鞋,大家除咗鞋先好入去。係由屋頂入去! 就咁睇都有啲頭暈,呢度係屋頂。而天花板的吊扇,真係郁㗎。 入去行,就係咁嘅。大部分的物件黐享天花板。 在場睇,其實係要比少少想像力,因為所有嘢掉轉晒,正常唔係好睇到佈置的細節。 好似呢度,就咁睇都唔知似乜。 不過,當慢慢適應咗之後,就可以發揮大家嘅想像力。 出盡力去玩嘞! 頭先張梳化照,行遠啲睇,個景係咁嘅。 嘩,小蟲想煮餐飯啫。。。 地方佈置得好細緻㗎,連廚櫃都stock up到真嘅一樣。 唔。。。開爐煮意粉先~ 嘻嘻,個廚房係咁架~ 問你頭暈未。 工作間同浴室。 如果個人高啲,就會好玩啲。 例如個馬桶,黐享天花小蟲就唔夠高掂。 一路行,有時要影張相,反轉望下先知係乜。 反轉(間屋)再反轉(張相)之後,發現係睡房同化妝間。 仲有小朋友房間。小蟲拉筋拉到盡,震晒先勉強掂到熊仔隻耳。。。 唉~ 休息吓,望返屋外正常嘅嘢先。 上一層就係車房。有運動用品、有車、有洗衣房、有燒烤區。 不過因為見到室外景物,好難影到啲唔穿崩嘅相。 哈哈哈~ 蟲老公你洗衫定洗頭呀? 至於靈異照片,其實係低能仔玩碌地沙。。。 咁得意嘅地方,更係好玩到跳起嘞! 好嘞,睇完相都總結一下。 入場費成人200泰銖 地方有兩層,唔算好大。 室內係冇冷氣嘅,我哋11點幾玩到中午有多,加上整古做怪,成身濕晒。 始終都係新景點,未必個個司機都識路;我哋個司機都係去到附近停車問人。位置係享Premium Outlet Phuket隔離。 《反轉屋》有免費接送去outlet,玩完可以過去行下。不過我哋有司機,就無用佢嘅service。 旁邊仲有另一個景點,室外迷宮,比較適合小朋友多啲。 Bann Teelanka http://www.upsidedownhouse-phuket.com/