今次因為我阿姨由加拿大返黎香港,佢有一個月假期,又趁未去汶萊探親前就約我同媽媽一齊去泰國玩下.所以好倉忙咁報團去泰國玩五日,不過撞正五月一日,所以團費比平時貴. 依次係我第一次去泰國,咁我同屋企人都好怕去遊樂場既地方,所以都有諗過選擇泰北清萊等地方,不過成唔到團,芭提雅怕多人,所以就去了一個早機去晚機返的五日團,坐泰國東方航空,兩日去七岩和華欣,而最後兩日就留在曼谷玩. 五月既曼谷剛過完潑水節,日間天氣真係好熱,有36-38度,去到有時都會落大雨.七岩同一間酒店住了兩日,好寧靜,不過要行夜市就要坐的士去華欣.住既酒店有泳池,對出海灘無我去過既沖繩咁正,水比較混濁,所以無人游水. 今次旅行的景點不多,主要係購物和食,華欣同七岩就去了一個仿希臘小鎮,一個三仟水上市場,及一個華欣的集古村,三個地方全部都係買衫,人手做的小飾物,工藝品同嘆下當地小食,價錢都幾便宜.另外又到過華欣一個古舊木造的火車站同龍寶露天大佛. 第三日就由七岩出番曼谷,都要兩個多鐘車程.行程無去皇宮,主要去了睡佛寺和坐船渡過湄公河到鄭皇廟參觀.購物方面,日頭就到過CentralWorld 購物中心及BigC SuperMarket,而四面佛亦在這個旺區內.夜晚就到Asiatique - The Riverfront (跳蚤市場)食自助火鍋和行夜市.最後一日就上去一間名叫曼谷最高的酒店:Baiyoke Sky Hotel 食buffet. 泰國小貼士: (泰國慢香港一個鐘 機場同酒店一般的兌換率是1港元對3.37泰銖,不過在曼谷的Asiatique - The Riverfront發現1港元可以對3.7泰銖,相差幾大. 泰國五月有38-40度,非常熱,學校放暑假,六至十月就是雨季) 住宿: 第一及第二晚:Novotel Hua-Hin Cha-Am Beach Resort & Spa (七岩) 第三及第四晚:Novotel Fenix Silom Hotel Bangkok (曼谷)