距離曼谷大約2.5小時的小瑞士綿羊農場 SWISS SHEEP FARM 小瑞士綿羊農場位置係華欣,,小希臘附近,, 如果去開小希臘其實好順路去埋,,我出發地點係曼谷,,5個人就包左一架VAN仔華欣一日遊!! 時間上都幾趕,只係因為華欣有呢兩個地方太吸引,所以早起身都要去呀!! 無記錯入場費都唔貴,,印象中係120bath..(因為我掛住影相,,唔係我買票架!!) 呢個農場都好適合一家大細去玩,,點解呢?? 因為入面係好乾凈,完全無一陣陣羊騷味,, 入場後每人可以有一束草俾你餵下羊仔,, 仲有其他野餵架,,但要另外再俾錢.. 呢個係入口買票處!! 入左去之後就會見到好多羊架喇!! 可以拎住d草餵下佢地~~ 佢地會一堆走晒過黎,, 好近咁望佢地都好乾凈... 裡面除左餵羊之外,,仲有騎馬,,有射箭玩,,有影相位~~ 仲有草泥馬架~~不過要再另外俾錢先可以見到佢地:( 返到香港睇返先知:( 呢度都好外國FEEL呀!!不過係熱左小小,,除左賣紀念品既店之外就無地方有冷氣喇:( 太曬太熱既關係,,我地只係逗留左一個鐘多dd 因為太陽完全直曬落頭頂,,又無瓦遮頭...所以忍唔住要走喇!! 如果入去影下相都好開心,,以為自己去左外國呀!!:)